Epethiei 4:2 - JAM DE NHIALIC 2011

² Në kuur aa wek röt kuɔɔr piny, ku në rëër aa wek rëër ëmääth, ku në liɛɛr ë wepiɔ̈ɔ̈th, bäk aa rëër apiɛth ëtök në nhiëër.

Epethiei 4:2 Iomraidhean Croise

Diɛt 138:6

Na cakaa nɔn tɔ̈u Yïn nhial të mec, yïn ee kɔc tɔ̈u piny kony, ku kɔc ee röt lɛɛc acïkï duëër thiaan ë yïn.

Diɛt 45:4

Në bäänydu lɔ tueŋ në tiëm, në biäk bï yïn yic kony kekë piathëpiɔ̈u. Riɛldu abï yïn yiɛ̈n tiëm dït!

Kɛ̈ŋ 16:19

Rëër de raan kekë kɔc kuanynyïïn, yen aŋuän në luɔi bï yïn aa tek në kake rum wekë kɔc ee röt leec.

Kɛ̈ŋ 3:34

Ee kɔc ë kɔc bui gup bui gup, ku dhuëëŋ kɔc ee röt kuɔɔr piny gup.

Wɛ̈ɛ̈t 7:8

Thök de këdäŋ awär gölde. Ku liɛɛrëpiɔ̈u awär lɛc.

Yith 57:15

“Yɛn adït ku Ya Nhialic ɣeric, raan tɔ̈u aɣet athɛɛr. Yɛn rɛ̈ɛ̈r të thöny ku tëɣeric, ku Yɛn ee rɛ̈ɛ̈r aya wo kɔc cï röt kuɔɔr piny ku cïk kepiɔ̈ɔ̈th puk, aguɔ keek gäm aŋäthdï, ku riëtëpiɔ̈u.

Dhep 2:3

Calkï Bɛ̈nydït wek kɔc ee röt kuɔɔr piny cieŋ piny, kɔc ee löŋde gam. Liɛpkï piathëpiɔ̈u, ku koor ë rɔt piny. Tɛk däŋ bäk poth në këtuc thok në kööl agönh de Bɛ̈nydït.

Dhek 9:9

Miɛtëpiɔ̈u arëët, nyan de Dhiɔn, moc kiɛɛu, nyan de Jeruthalem! Tiëŋkï, melikdun abɔ̈ tënu wek thïn! Abɔ̈ ke cï duaŋ nɔm, ku ë tiam, ku ë rɔt kuɔɔr piny, ka acath në muul kɔ̈u, acath adhäny thiin ë muul kɔ̈u.

Kuɛ̈n 12:3

Ku Mothe aaye raan ee rɔt kuɔɔr piny arëët. Acïn raan ee rɔt kuɔɔr piny duëër kït ke yen në pinynɔm ëbɛ̈n.

Math 11:29

Damkï luɔidï, ku yak röt piɔ̈ɔ̈c ë yɛn, yɛn ŋic rëër ëmääth, ku yɛn ee rɔt tɔ koor, ke we bï lɔ̈ŋ yök ë wepiɔ̈ɔ̈th.

Mak 9:19

Go bɛ̈ɛ̈r, lueel an, “Rem reec gäm oou! Bä ceŋ ë weyiic ë run kadï? Bä këdun guum ë run kadï? Bɛ̈ɛ̈ikï të nuö yɛn!”

Luɔi 20:19

Yɛn ee ka ke Bɛ̈nydït looi në kuur aa yɛn rɔt kuɔɔr piny, ku në dhiën dït aa yɛn dhiau ku në thëm dït ee ya them në baŋ de män cïï Judai kethook mat, an, bïk a nɔ̈k.

Romai 15:1

Wok kɔc ril, wo bï kɔc dhil aa muk në kɔ̈c kɔ̈ɔ̈c kek, ku cuku ee luui në këde piɔ̈nda.

1 Kor 13:7

Ee këriëëc guum, ee këriëëc gam, ee këriëëc ŋɔ̈ɔ̈th, ee yepiɔ̈u ruut në këriëëc.

Galatai 6:2

Ë ŋɛk ë ye ŋɛk kony në kë nuan en, yen abä wek löŋ de Kërtho aa tiiŋic.

Epethiei 1:4

Acït man cï en wo lɔc në Kërthoyic ɣɔn thɛɛr aŋoot piny ke kënë cak, në nhiëër nhiɛɛr en wook. Në luɔi bï wok piɔ̈ɔ̈th ɣɛɛr ku cïn kë bï wo gɔ̈k ë yenɔm.

Kolothai 1:11

Yak riɛl ë riɛl ëbɛ̈n, në riɛldïït ë dhuëëŋde, bäk käŋ ŋiëc guum ëbɛ̈n, në liɛɛr ë wopiɔ̈ɔ̈th ku në miɛtëpiɔ̈u,

1 Tim 6:11

Ku yïn, yïn raan de Nhialic, ye kat ee kakë, ku ye piathëpiɔ̈u cop, ku cop riëëu de Nhialic, ku gäm, ku nhiëër, ku liɛɛrëpiɔ̈u, ku rëër ëmääth.

2Tim 2:25

raan ee kɔc luel ater wɛ̈ɛ̈t ë piɔ̈n lir, nɔn de të bï Nhialic ke gäm puŋdepiɔ̈u, agokï yic gam,

Jakop 1:21

Yen päl wek cuɔlëpiɔ̈u ëbɛ̈n, ku luɔi rɛɛc gäk, ku jakï jam cï piith ë weyiic dɔm në kuur aa wek röt tɔ kor, yen aye jam duëër we kony wëi.

1 Pet 3:15

Ku yak Kërtho theek ë wepiɔ̈ɔ̈th takï ë Bɛ̈nydït. Yak cool ë cuɔc wek röt, ke we bï löŋ de raan ëbɛ̈n ŋiëc aa bɛ̈ɛ̈r, raan ee we thiëëc në këde aŋäth ŋäthkï, abäk aa bɛ̈ɛ̈r në piɔ̈nlir ku riëëu,

1 Pet 3:8

Cöök ciëën, yak tɔ̈u në piɔ̈n tök wedhie, yak piɔ̈ɔ̈th dap dhiau ë röt wapäc, yak röt nhiaar cït mïth ke raan tök, yak piɔ̈ɔ̈th dap kok, yak röt tɔ kor.