Epethiei 4:18 - JAM DE NHIALIC 2011

¹⁸ kɔc col piɔ̈ɔ̈th ku liukï ë pïïr ë Nhialicic në biäk de kuny kuc kek käŋ, ku në riɛl ril kek nïïm,

Epethiei 4:18 Iomraidhean Croise

Diɛt 74:20

Tak löŋduön cï mac wekë wook. Ade akuöörkuöör thiäŋ aguuk col ke wut kedhie.

Yith 25:7

Eenë abï luän ë dhiënëpiɔ̈u ɣɔn nɔ̈ɔ̈k ë juöör nïïm ëbɛ̈n nyaai ëthiäu.

Edhekiɛl 14:5

Yiëth kedhie acïk baai de Yithriɛl yal wei tëde yɛn, ku në bëërdï yic aŋääth nɔn bän riëëuden bɛ pɔ̈k nɔm ciëën.

Danyel 5:20

Ku në luɔi cï yen rɔt lɛɛc, ku riil nɔm ku ye kɔc yɔŋ, acï bɛ̈n nyaai në thööcdɛn ë bääny yic, ku mɛ̈l ë tëdɛn ë dhuëëŋ.

Math 13:15

Kɔckë acïk piɔ̈ɔ̈th guɔ cuai, ku ayek piŋ ë pïŋ ë miŋ ë keyïth, ku acïk kenyïïn niɛɛn, Ke ke cïï bï aa daai ë kenyïïn, ku cïkï bï aa piŋ ë keyïth, ku cïkï wël bï yök yiic ë kepiɔ̈ɔ̈th, Agokï kepiɔ̈ɔ̈th puk, Aguɔ keek tɔ dem.

Mak 3:5

Na wën, aacï keek lieec ke cï ŋeeny, ë piɔ̈u diu në riɛl ril kek piɔ̈ɔ̈th, ke jɔ raan yɔ̈ɔ̈k an, “Riny yïciin.” Go riny: go ciin bɛ piath cït man ë ciin däŋ.

Jɔn 12:40

“Acï keek tɔ cɔɔr nyïïn, ku tɔ ke ril piɔ̈ɔ̈th, Ke ke cïï bï daai ë kenyïïn, ku cïkï käŋ bï yök ë kepiɔ̈ɔ̈th, Agokï kepiɔ̈ɔ̈th puk, Aguɔ ke tɔ dem.

Luɔi 17:30

Run ɣɔn kek aye run ke kuny kuc ë kɔc käŋ, ago Nhialic lɔ lik tei, ku ënɔɔnë ë thɔn an, bï kɔc kepiɔ̈ɔ̈th puk kedhie ë piny nɔm ëbɛ̈n.

Luɔi 3:17

“Ku ënɔɔnë, mïthëkɔckuɔ, aŋiɛc nɔn cä wek kënë looi në kuny kuöc wek en, ayï bänykun aya.

Romai 1:28

Reec cï kek ŋïny de Nhialic rɛɛc muk ë kepiɔ̈ɔ̈th, yen aa koonë Nhialic keek, abïk nïïm rac ëtaiwei, bïk käŋ aa looi ka cïï röŋ ë luɔi duëër raan ke looi.

Romai 11:25

Ku yɛn cïn piɔ̈u, wek mïthëkɔckuɔ, luɔi kuöc wek ee cöökë, cöök cï moony, ke we cïï röt bï leec an, pɛlkï nïïm. Cöök cï moony, kï an, biäk töŋ de Yithriɛl acï tɔ ril nɔm, aɣet kööl bï kuɛth de juöör bɛ̈n thïn.

Romai 11:7

Jɔ aa ŋö? Yithriɛl akën kë kɔɔr yök, ku biäk cï lɔc, yen acï yök, ku kɔc kɔ̈k acï ke tɔ ril nïïm,

Romai 2:19

ku yïn ë rɔt ŋɔ̈ɔ̈th nɔn ee yïn raan ee cɔɔr thel, ku ye many ee kɔc nu tëcol riaau,

1 Kor 1:21

Ku të cï kɔc ke piny nɔm Nhialic guɔ kuc në pɛl ë kek nïïm, cït man cï Nhialic e lueel në pɛlënɔmde, ke Nhialic jɔ piɔ̈u miɛt luɔi bï en kɔc gäm kony wëi në këɣɔ̈ric cɔl guiëër ë wëlpiɛth.

1 Kor 2:8

Yen aye pɛlënɔm cïn raan töŋ de bäny ke pinyë nɔm ë cï e ŋic, tëë cïk ŋic, adï kënkï Bɛ̈nydïït de dhuëëŋ piäät ë tim cï rïïu nɔm kɔ̈u.

2 Kor 3:14

Acïk nïïm riɛl: ku aɣet cï ëköölë lupɔ manë guöp ë döŋ akënë nyaai, të ye awerek kueenic awerek de löŋ cï mac thɛɛr, ku lupɔyë aye nyaai në Kërtho yic.

2 Kor 4:4

Kek kɔc cïï jɔŋ rɛɛc ceŋ pinyë nɔm ënɔɔnë tɔ cɔɔr piɔ̈ɔ̈th, kek kɔc reec gäm, ke riau de wëlpiɛth ke cïï keek bï riaau, wëlpiɛth ke dhuëëŋ de Kërtho, raan ë tɔ̈u ë täu de Nhialic guöp.

Galatai 4:8

Ku wään kuöc wek Nhialic, wek aaye lïïm ke yiëthkun yiëth cie Nhialic në ciɛɛŋdɛn ë ciɛkë keek.

Epethiei 2:1

Ku we cïï Nhialic tɔ ɣɔ̈ɔ̈r, wek kɔc ɣɔn cï thou në kakuön ë yak looi.

Epethiei 2:12

Wek ë cïï thiääk ë Kërtho ɣɔn, wek ë nu pei, ku cäkï ë dïïl ke Yithriɛl, ku wek ë ye kɔc lei, aa cïn këdun thïn ë löŋ cï macic, löŋ de kë cï kɔc lueel an, bï gäm kɔc, wek aa cïn kë ŋäthkï, ku liu Nhialic tëde week ë piny nɔm.

Kolothai 1:21

Ku week, wek kɔc ɣɔn cï tɔ ye kɔc tei ku yak kɔc de piɔ̈ɔ̈th ater në yen në luɔiduön rac, we cï luöök në yen ënɔɔnë,

1 Theth 4:5

ku cïï e piɔ̈u tum kërac në ŋɔ̈ɔ̈ŋ ee ye dɔm, cït man ë Juöör kuc Nhialic.

Ɣeberuu 5:2

Në biäk kɔ̈c en, yen aye yen piɔ̈u liɛɛr kekë kɔc kuc käŋ ku yek käŋ wööc.

Ɣeberuu 9:7

Ee bɛ̈nydïït ë kake Nhialic yen aaye lɔ ë paanyic ɣön ciëën raantök ëruöön tökic ke lɔ riɛm wiɛ̈ɛ̈th në këde yenhde ku lɔ këde awɛ̈ɛ̈c cï kɔc looi ke ke kuckï röt.

Jakop 4:4

Wek röör akɔɔrdiäär ku diëër akɔɔrröör, kuöckï määth ë ka ke pinynɔm nɔn ee yen ater lueel kekë Nhialic? Yen na de raan kɔɔr nɔn bï en määth kekë ka ke piny nɔm, ka ye rɔt tɔ ye raan de ater kekë Nhialic.

1 Pet 1:14

Yak ciët mïth ee käŋ piŋ, aguɔkï cuö rɛ̈ɛ̈r ë rëërduön wään në këde ŋɔ̈ɔ̈ŋduön wään ee we dɔm në kuny aa wek këpiɛth kuc.

1 Jɔn 2:11

Ku raan man mɛnhkënë, ka tɔ̈u tëcol, ku ciɛth tëcol, ke kuc të le yen thïn, ë luɔi cï cuɔlëpiny ye tɔ cɔɔr.