Epethiei 4:17 - JAM DE NHIALIC 2011

¹⁷ Yen aluɛɛl ɛn cöökë, ke ya ye cäätɔ ë Bɛ̈nydïtic an, duökï ë bɛ rëër ë rëër ë Juöör, kɔc ë rëër ke ke ye ɣɔ̈ric tak ë kenïïm,

Epethiei 4:17 Iomraidhean Croise

Neɣe 13:15

Në ee thaar ɣɔnë yɛn ë kɔc tïŋ ë Juda ke ke dhim mɔ̈u ë kööl ë Thabath, ku kakë acïk rap ku mɔ̈u, ku enap kekë ŋaap ku kakɛn kɔ̈k käp në mulken kɔ̈ɔ̈th, ku leerkï ke Jeruthalem, guɔ keek gɔ̈k, ke cïn këriëëc bïk aa ɣaac në kööl ë Thabath.

Jeremia 42:19

Aguɔ ŋuɔɔt ke luɛɛl an, “Bɛ̈nydït acï we yɔ̈ɔ̈k wek kɔc cï döŋ Juda an duökï lɔ Rip. Ka wek jääny keek ënɔɔnë

Lebai 15:18

Na cï moc tɔ̈c kekë tik, ku de mïth cï wɛt piny, keek kedhie abïk dhil waak në pïïu, ku abïk gup rac aɣët cï thëën.

Luk 16:28

wɛ̈ɛ̈tamäthkuɔ anukï kadhïc, toc abï aa cäätɔ bï ke lɔ cök ë yöök en ke, ke ke cïï bï bɛ̈n ee tënë aya, të ye kɔc leeŋ wëi thïn.’

Luɔi 14:15

an, “Wek röör, eeŋö luɔɔi wek kakë? Wok ee kɔc tei, wok kït piɔ̈ɔ̈th ë week! Ku wek guïïrku wëlpiɛth, ke we bï röt yal wei ë kaɣäär yiic cït ee kakë, ku jakï wepiɔ̈ɔ̈th wël Nhialic pïïr, Raan ë cak nhial ku piny ku wɛ̈ɛ̈r, ku ka nu ë keyiic kedhie.

Luɔi 18:5

Na wën, aacï Thila bɛ̈n Makedonia kekë Timotheo, ke Paulo jieth piɔ̈u, go cök ë guïïr en Judai an, Yecu yen aye Kërtho.

Luɔi 2:40

Ago ke lɛ̈k wël juëc kɔ̈k ku guïïr kek an, “Kuɔnykï röt ee remë rem cï piɔ̈u ŋɔl.”

Luɔi 20:21

Yɛn aaye cäätɔ aya, cäätɔ lɛ̈k Judai ayï Girikii puŋ bï kek kepiɔ̈ɔ̈th pɔ̈k Nhialic, ku gäm bï kek Bɛ̈nydït Yecu Kërtho gam.

Romai 1:21

ku të ciɛk kek Nhialic ŋic, ka cïkï ee riëëu ë riëëu ee Nhialic riëëu, ku cïkï ee leec, acïk aa kɔc ee ɣɔ̈ric tak ë kepiɔ̈ɔ̈th, ago piɔ̈ndɛn piɔl ago cuɔl ëcut.

1 Kor 1:12

Ku ënɔɔnë, we lɛ̈k kënë an, Raan ëbɛ̈n në weyiic, aye ŋɛk lueel an, “Yɛn ee raan ë Paulo,” ku lueel ŋɛk an, “Yɛn ee raan ë Apolo,” ku lueel ŋɛk an, “Yen ee raan ë Kepath,” ku në ŋɛk an, “Yɛn ee raan ë Kërtho.”

1 Kor 15:50

Ku kënë en aluɛɛl, wek mïthëkɔckuɔ an, rïŋ kekë riɛm acïkï ciɛɛŋ de Nhialic duëër lɔ̈ɔ̈k lak, ayï kë bï dhiap, acïï kë cïï bï dhiap duëër lɔ̈ɔ̈k lak.

2 Kor 9:6

Ku cöökë en a luɛɛl an, raan cum ë kalik, ka bï kalik tem ayadäŋ, ku raan cum ëdhuëëŋ, ka bï tem në dhuëëŋ aya.

Galatai 3:17

Tharde kï yen aluɛɛl an, Löŋ cï mac ɣɔn, löŋ ŋootë Nhialic ke kääc thïn ëgɔk an, ee këde Kërtho, acïï duëërë tɔ cïn naamde në löŋ de Mothe, löŋ cï yiɛ̈n kɔc ë löŋë cök, wën cï en run bot kaŋuan ku thiërdiäk lɛɛr, ku kë cï kɔn lueel an, bï gäm en, acïï löŋ de Mothe duëër tɔ cïn naamde.

Galatai 5:3

Yeka, yɛn ee cäätɔ lɛ̈k raan ë rɔt tɔ cuel ëbɛ̈n an, luɔi bï en löŋ aa looi ëbɛ̈n anu ë yeyeth.

Epethiei 1:22

Go këriëëc tääu ë yecök ëbɛ̈n cieŋ ke, ku tɛ̈ɛ̈u ë käŋ nïïm kedhie, në këde ɣön ë Nhialic.

Epethiei 4:22

an, Bäk raan thɛɛr pɔ̈l në rëërduön ee ya wek rëër wään, raan cï dhiap në biäk de ŋɔ̈ɔ̈ŋ de lueth ŋɔ̈ɔ̈ŋ ë ye dɔm.

Nyöŋ 27:10

Abäk riëëu ku bäk lööŋkɛn gäm ke week ee köölë döt.”

Kolothai 2:18

Duökï röt tɔ pënë raan ariöpduön bäk yök, në kuur ee yen rɔt kuɔɔr piny ku läm ee yen tuucnhial lam, raan ë pëk ë ke cï yök ë nyuöthic, ee rɔt tɔ dït ë ɣɔ̈ric, në piɔ̈ndɛn cï tuöm ka ke piny,

Kolothai 2:4

Cöökë en a luɛɛl, ke cïn raan bï we math në wëŋ ee yen kɔc wëŋ ë yeliep.

1 Theth 4:6

Ë cïn raan bï akeu waan, ciɛm mɛnhkënë ë këdäŋ: luɔi ee yen Bɛ̈nydït yen ee Raan bï ka cït ee kakë guöör kedhie, acït man cï wok e kɔn lɛ̈k week ayadäŋ, ku cuk röt tɔ ye cäätɔɔ.

1 Tim 5:21

Yïn yɔ̈ɔ̈k ë Nhialic nɔm, ku Bɛ̈nydan Yecu Kërtho nɔm, ku tuucnhial ɣer yiic cï lɔc nïïm an, Ye kakë döt apiɛth, ku du ŋɛk ee nhiaar ku man ŋɛk, ku du këdäŋ ee looi ke yï kuany kɔc yiic.

1 Tim 6:13

Yïn than ë Nhialic nɔm, Raan ee käŋ tɔ pïïr kedhie, ku than yïn ë Kërtho Yecu nɔm, raan ee rɔt tɔ ye cäätɔ ë Pontio Pilato nɔm, në gäm piɛth cï gam ë yethok.

2Tim 4:1

Yïn cök ë than ɛn yïn ë Nhialic nɔm, ku Bɛ̈nydït Yecu Kërtho nɔm, raan bï löŋ de kɔc guiir kɔc pïïr ku kɔc cï thou, kööl bï en tuöl ku tul ciɛɛŋde,

1 Pet 1:18

Në ŋïny ŋiɛc wek en an, acie ka duëër dhiap, cït ateek ku adhääp, kek ë wëërë we bei në täuduön ɣɔ̈ric cäk yök tëde kuarkun,

2 Pet 2:18

Në luɛl ë ye kek jam juëc ɣɔ̈ric lueel ë keliëp tei, në ŋɔ̈ɔ̈ŋ de ka ke yäc, ku në luɔi ë dhööm, en aye kek kɔc wëŋ, kɔc, an, bɛ̈nkï ë liŋliŋ në kɔc ee tɔ̈u ke ke wäc käŋ.