Epethiei 4:16 - JAM DE NHIALIC 2011

¹⁶ Ago guöp dït ëbɛ̈n në yen në duöt cï e duut apiɛth abï lɔ kuendek, në yomnyïïn ëbɛ̈n yomnyïïn cath në yen, acït luɔi ee ka ke raan guöp looi ëbɛ̈n, kënë ke luɔide ku kënë ke luɔide, ago guöp dït abï rɔt yïk ë nhiëëric.

Epethiei 4:16 Iomraidhean Croise

Jɔn 15:5

“Yɛn ee tim de enap, wek ee kër: raan rɛ̈ɛ̈r e yayic, ku rɛ̈ɛ̈r ë yeyic, yen aye raan ee luɔk arëët: ku të cïn en ɛn, ka cïn kë duɛ̈ɛ̈rkï looi.

Romai 12:4

Ku acït man de raan kajuëc ë yeguöp, ku ye guöp töŋë, ku luɔi de ka ke guöp ëbɛ̈n acïkï ee kït,

1 Kor 10:17

Ku wook, acakaa wok ë juëc, wok ee kuïn tök, ku yok guöp tök: në röm ee wok kuïn töŋë rɔm wodhie.

1 Kor 13:13

Ku ënɔɔnë adɔ̈ŋ gäm, ku aŋäth, ku nhiëër, kake kedhie, ku kë dïït ë kake yiic ee nhiëër.

1 Kor 8:1

Ku në këde ka cï läm yiëth, Aŋicku wook wodhie nɔn de wo ŋïnydekäŋ. Ku ŋïnydekäŋ ee raan rɔt tɔ dït youyou, ku nhiëër en aye raan kueet.

Galatai 5:22

Ku ka cï luɔk ë Wëidït, kek aye nhiëër, miɛtëpiɔ̈u, mät, guöm de kajuëc, ŋiëc rëër ëmääth, dhuëëŋ, dön ë käŋ,

Galatai 5:6

Ku në Kërtho Yecu yic cuɛ̈l acïn naamde ayï luɔi kënë raan cueel, ee gäm lui në nhiëër en ade nɔm.

Epethiei 1:4

Acït man cï en wo lɔc në Kërthoyic ɣɔn thɛɛr aŋoot piny ke kënë cak, në nhiëër nhiɛɛr en wook. Në luɔi bï wok piɔ̈ɔ̈th ɣɛɛr ku cïn kë bï wo gɔ̈k ë yenɔm.

Epethiei 3:17

ke Kërtho bï rëër ë wepiɔ̈ɔ̈th në gäm gäm wek, ago meikun ku këërkëërdun ɣet piny ë nhiëëric,

Epethiei 3:7

Ku yɛn cï tɔ ye raan ë wëlpiɛthkë looi, acït man cï a miɔɔc në dhuëëŋ ë Nhialic piɔ̈u në luɔi de riɛlde luɔi ë käŋ tiiŋ yiic.

Epethiei 4:12

Aa looi në luɔi bï kɔc ɣerpiɔ̈ɔ̈th a dikëdik, ku në luɔi de kuny ee kɔc röt kony, ku në kuɛ̈t bï guöp de Kërtho kueet.

Epethiei 4:15

Wok bï yic dhil aa muk në nhiëër, ku yok dït ë këriëëcic ëbɛ̈n të nu yen, yen aye naamde, yen Kërtho guöp.

Pilipoi 1:9

Ku cöökë yen a läŋ, ke nhiëërdun bï lɔ ke lɔ abï dït arëët në ŋïnydekäŋ ku puny aa wek käŋ ŋiëc pɔ̈ɔ̈c yiic ëbɛ̈n,

Kolothai 2:19

ku cïï Nɔm ee muk aril, Nɔm ee guöp ëbɛ̈n tɔ dït ë Nhialic, në muŋ cï e muk ku män cï en rɔt mat në yomnyïïn ku räl.

Kolothai 2:2

Ke ke bï muk piɔ̈ɔ̈th, ku matkï ëtök në nhiëër, ku në kuɛth bï kek kuɛth në ŋïny ŋic kek käŋ ëgɔk agokï këcïmoony de Nhialic ŋic, yen aye Kërtho,

1 Theth 1:3

Luɔiduön ë gäm ayok tak acïn pëk, ku takku luɔiduön ë nhiëër, ku aŋäth aa wek Bɛ̈nydït Yecu Kërtho ŋɔ̈ɔ̈th në liɛɛr ë wekpiɔ̈ɔ̈th ë Nhialic Wääda nɔm.

1 Theth 2:13

Yen a ye wok cool ë lec Nhialic acïn pëk, luɔi kɛ̈n wek jam gam cït nɔn ee yen jam de kɔc tei, wään gam wek jam cäk piŋ tëde wook, ku acäk tɔ ye jam ë Nhialic, ku ye jam ë Nhialic ëgɔk, jam ë cool ë lui ë weyiic ayadäŋ wek kɔc gäm.

1 Theth 3:12

ë Bɛ̈nydït ë we tɔ ŋuak wenyïïn abäk kuɛth në nhiëër nhiar wek röt, ku në nhiëër nhiaar wek kɔc kedhie, acït man nhiɛɛr wok week ayadäŋ,

2 Theth 1:3

Wo bï dhil aa cool ë lec Nhialic nɔm në biäkdun, wek mïthëkɔckuɔ, cït man piɛth en, ë luɔi ee gämdun rɔt ŋuak aläldïïtë, ku luɔi dïïtë nhiëër nhiaar wek röt wedhie aläl.

1 Tim 1:5

Thar ë jam cï guiir en aye nhiëër ee kɔc röt nhiaar në piɔ̈n awai ku në ŋïny ee raan epiɔ̈u ŋic nɔn piɛth en ëgɔk, ku në gäm cïnic mɛthë nyin.

1 Pet 1:22

Ku nɔn cä wek wepiɔ̈ɔ̈th tɔ ɣer në gäm cä wek yic gam në riɛl ë Wëidït, gäm cï we yiëk piɔ̈ɔ̈th nhiëër aa wek mïthëkɔckun nhiaar ë nhiëër cïnic lueth, ke we nhiaar röt arëët ë piɔ̈n ɣeric ëwic:

1 Jɔn 4:16

Ku nhiëër nhiɛɛrë Nhialic wook acuk ŋic ku acuk gam. Nhialic ee nhiëër, ku raan ee rëër ë nhiëëric ka ye rëër ë Nhialicic, ku rɛ̈ɛ̈r Nhialic ë yeyic.