Epethiei 4:13 - JAM DE NHIALIC 2011

¹³ Aɣet të bï wok ɣet wodhie në gäm töŋ cï wok gam ëtök, ku në ŋïny ŋic wok Wën ë Nhialic, agoku aa röördït, ku buk ɣet ë pëk ë dït de kuɛth cïï Kërtho kuɛth.

Epethiei 4:13 Iomraidhean Croise

Yith 53:11

Na cï pïïr de guöm thök, abï piɔ̈u bɛ miɛt, abï ŋic nɔn kën Yen gum në ɣɔ̈ric. Awundiën cï rɔt gam, miɛt ɛn piɔ̈u we yen, abï këtuc de kɔc juëc ɣääc ku në biäkde abä keek päl karɛcken.

Dhep 3:9

“Ku Yɛn bï jam de juöör puk ke ye jam lɔ wai, ku abïk Ɛn aa lam ke cie yiëth kɔ̈k, ku yek A riëëu kedhie.

Dhek 14:9

Ëtɛ̈ɛ̈n Bɛ̈nydït abï ya Melik de pinynɔm ëbɛ̈n. Abïï ë raan ëbɛ̈n lam ke ye Nhialic ku abïk ŋic në ee rin manë.

Math 11:27

Käŋ kedhie acï Wäär ke tääu ë yacin, ku acïn raan ŋic Wënde, ee Wäär etök, ayï Wäär acïn raan ŋic en, ee Wënde etök, ku raan nu ë Wënde piɔ̈u nɔn bï en ë nyuöth en.

Jɔn 1:16

Ku në kuɛth cï en kuɛth yen acï wok käŋ yök wodhie, ayï dhuëëŋdepiɔ̈u dhuëëŋ cï rɔt ŋuak.

Jɔn 16:3

Ku kakë abïk ke luöi week, në kuny kuc kek Wäär, ayïk ɛn.

Jɔn 17:21

ke ke bï aa raan tök kedhie, acït man nu yïn ë yayic, Wäär, ku nuö ë yïyic, ke ke bï aa raan tök në woyiic ayadäŋ: ago kɔc ke piny nɔm gam nɔn ee yïn ë toc ɛn.

Jɔn 17:3

Ku kënë yen aye pïïr athɛɛr an, Ŋïny bï kek yïn ŋic, yïn Nhialic yic, yïn yïtök, ku ŋickï Yecu Kërtho raan ë yïn ë toc en.

Jɔn 6:69

Ku acuk gam ku ŋicku nɔn ee yïn Kërtho ɣeric Wën ë Nhialic.”

Luɔi 4:32

Ku tɔ̈u kut ë kɔc cï gam në piɔ̈n tök ku në jam tök: ku acïn raan ee ye lueel në ka cath ë yen an, ee kake yenguöp, ayek rɔm ëtök në käŋ kedhie.

1 Kor 1:10

Ku ënɔɔnë, wek läŋ, wek mïthëkɔckuɔ, në rin ke Bɛ̈nydan Yecu Kërtho, an, Yak jam tök lueel wedhie, ku ë cïn tëŋ tɛk wek weyiic, ke we bï weyiic mat ëtök ë piɔ̈n tök ku në löŋ tök, löŋ luɛlkï.

1 Kor 14:20

Wek mïthëkɔckuɔ, duökï bï aa mïthiikë në ŋïnydekäŋ, yak aa mïththii ateteet në racdepiɔ̈u tei, ku në ŋïnydekäŋ yak aa röördït.

1 Kor 2:6

Ku wok ee jam de pɛlënɔm lueel wokë kɔc cï ŋuɛ̈ɛ̈n, ku acie pɛlënɔm ee pinyë ënɔɔnë, ku acie pɛlënɔm ë bänydït ke pinyë nɔm, bäny bï ciën naamden rial.

2 Kor 4:6

Luɔi ee yen Nhialic, Raan ɣɔn yöök ɣɛɛrëpiny, an, “Bä bei tëcol, ye piny riaau!” Yen aa riau wopiɔ̈ɔ̈th, agoku riau de ŋïny de dhuëëŋ de Nhialic yök, riau nu ë Yecu Kërtho nyin.

Galatai 4:19

Wek mïthkiën thiikë, yɛn ë bɛ rɔ̈ɔ̈p ë dhiënhdun, aɣet të bï Kërtho cuëëc ë weyiic.

Epethiei 1:17

ke Wun Bɛ̈nydan Yecu Kërtho, yen aye Wun de nɔm lɛc, ke bï we miɔɔc në wëi ke pɛlënɔm ku nyuuth bï we nyuöth käŋ, luɔi bä wek e ŋic apiɛth.

Epethiei 1:23

Yen aye guöpde, ku ye kuɛthde, kuɛth de raan ee käŋ tɔ kueth kedhie, ka nu ë këriëëcic ëbɛ̈n.

Epethiei 2:15

Në nyiɛɛi cï ater nyaai në rïŋ de yenguöp, ater ë lööŋ de yiic cök bï kɔc aa piŋ, ku ka bï kɔc aa looi, bï raan töŋ cï piac looi cak në guöpde yic, cak në keek kaarou, ago ke määt aya:

Epethiei 4:12

Aa looi në luɔi bï kɔc ɣerpiɔ̈ɔ̈th a dikëdik, ku në luɔi de kuny ee kɔc röt kony, ku në kuɛ̈t bï guöp de Kërtho kueet.

Epethiei 4:3

Yak cök ë thɛm wek e apiɛth ke we bï piɔ̈n töŋ de Wëidït aa muk në duöt cï we duut ë mätic.

Epethiei 4:5

Bɛ̈nydïït tök, gäm tök, baptith tök,

Pilipoi 3:10

ku luɔi bän e ŋic, ku ŋiɛc riɛl dïït ë jöndɛn cï en rɔt jɔt, ku ŋiɛc röm bän ka cï guum rɔm wokë yen ëtök, aguɔ guöp kït wokë yen në thon cï en thou,

Pilipoi 3:8

Yeka, ee yic, yɛn ë käŋ tɔ ye riääk tei kedhie, në biäk de piath wär këriëëc, piath de ŋïny ŋiɛc ɛn Kërtho Yecu Bɛ̈nydiëndït, raan cï riääk de kakï kedhie aa tiiŋ nɔm në biäkde, ku acä ke tɔ ye wɛr tei, luɔi bän Kërtho yök,

Kolothai 1:28

Yen aye raan ee wok këde guiir, ke yok raan nen ëbɛ̈n ku yok raan wɛ̈ɛ̈t ëbɛ̈n në pɛlënɔm ëbɛ̈n, luɔi bï wok raan ëbɛ̈n tääu ë yenɔm ke ye piɔ̈u dikëdik ë Kërtho Yecuyic.

Kolothai 2:2

Ke ke bï muk piɔ̈ɔ̈th, ku matkï ëtök në nhiëër, ku në kuɛth bï kek kuɛth në ŋïny ŋic kek käŋ ëgɔk agokï këcïmoony de Nhialic ŋic, yen aye Kërtho,

Ɣeberuu 5:14

Kuïn ril kɔ̈u yen aye këde röördït cï gïu ë wëët në luɔi ye kek këpiɛth pɔ̈c bei në këracic.

2 Pet 1:4

Ku yen aa lëk en wook kadït göök de naamden ka bï gäm wook, ke ke bï we tɔ ye kɔc bï täu de Nhialic rɔm ëtök, të cä wek poth ë dhiap nu ë piny nɔm dhiap ë bïïyë ŋɔ̈ɔ̈ŋ de kërac.

2 Pet 3:18

Yak lɔ ke we lɔ tueŋ në dhuëëŋ de wepiɔ̈ɔ̈th ku në ŋïny ŋiɛc wek Bɛ̈nydïïtdan Yecu Kërtho, yen aye Konydan ë wëi. Ë dhuëëŋ ë ye tɔ̈u ke ye këde ayï ënɔɔnë aɣet athɛɛr. Amiin.

1 Jɔn 5:20

Ku aŋicku nɔn cï wën ë Nhialic bɛ̈n, bï ku gɛ̈m wook ŋïnydekäŋ, buk raan yic ŋic, ku wok tɔ̈u ë raan yicic, yen aye Wëndɛn Yecu Kërtho. Nhialic yic kï, ku pïïr athɛɛr ka.