Epethiei 3:7 - JAM DE NHIALIC 2011

⁷ Ku yɛn cï tɔ ye raan ë wëlpiɛthkë looi, acït man cï a miɔɔc në dhuëëŋ ë Nhialic piɔ̈u në luɔi de riɛlde luɔi ë käŋ tiiŋ yiic.

Epethiei 3:7 Iomraidhean Croise

Yith 43:13

Yɛn ee Nhialic ku Yɛn täu anandï. Acïn kë duëër ban në riɛldï yic, ku acïn raan duëër kë cä looi waar.”

Luɔi 9:15

Go Bɛ̈nydït yɔ̈ɔ̈k an, “Lɔɔr, raanë ee raandiën cä lɔc, bï rinkï lɛɛr ë Juöör nïïm, ku meliik nïïm, ku kɔc ke Yithriɛl nïïm.

Romai 1:5

raan cï wo tɔ yök dhuëëŋdepiɔ̈u, ku yökku tuöc cï wo tooc, në luɔi bï kɔc wël aa piŋ ku gamkï keek ë juöör yiic kedhie, në baŋ de rinke.

Romai 12:3

Ku ënɔɔnë, në dhuëëŋdepiɔ̈u cï gäm ɛn, yen a lɛ̈k raan ëbɛ̈n në weyiic an, ë cïn raan ee rɔt tɔ dït ë dït cïï röŋ ke ye, yak röt tɔ nu ë kaamic, acït man cï Nhialic kɔc tɛ̈k gäm raan ëbɛ̈n.

Romai 15:16

Ke yɛn bï aa raan ë Yecu Kërtho luööi ë Juöör yiic, raan ë wëlpiɛth ke Nhialic luöi keek, ke gäm cï Juöör gäm Nhialic ke bï aa läm mit ë Nhialic piɔ̈u, läm cï tɔ piɛth në Wëidït ɣer.

1 Kor 15:10

Ku ee dhuëëŋ de Nhialic piɔ̈u, en atäu ɛn ë täudï: ku dhuëëŋ de yenpiɔ̈u dhuëëŋ cï yiɛ̈n ɛn, acie këɣɔ̈ric, yɛn ee luui arëët, ka wäär keek kedhie: ku acie yɛn ee luui, ee dhuëëŋ ë Nhialic piɔ̈u, en aye luui, dhuëëŋ ë tɔ̈u ke yɛn.

1 Kor 3:5

Paulo eeŋa? Ku Apolo eeŋa? Cïkï ë kɔc ee luui tei, kɔc cï we tɔ gäm, cït man cï Bɛ̈nydït e gäm ŋɛk ku gëm ŋɛk?

2 Kor 3:6

Raan cï wo tɔ lëu käŋ, buk aa kɔc ee ka ke löŋ cï piac mac ŋiëc guiir, ku guiëërda acie këde wël cï gɔ̈ɔ̈r tei, ee këde wëi: wël cï gɔ̈ɔ̈r tei ayek kɔc nɔ̈k, ku wëi kek aye kɔc tɔ pïïr.

2 Kor 4:1

Yen ka, ënɔn de wo nïïm luɔiyë, acït man cï wo kokdepiɔ̈u yök, ke wo cie bäp.

Galatai 2:8

Ku Raan wään ee luui kekë Petero në këde tuöc cï e tuöc aŋueel, yen aaye luui kekë yɛn ayadäŋ në këde Juöör.

Epethiei 1:19

ku lak riɛldɛn dït ŋic, dït dïït en aläl awär këriëëc, riɛldɛn dïït cï nyuöth wook wok kɔc cï gam, acït man ë luɔi de riɛldɛn dïït agök,

Epethiei 3:2

Të cä wek këde luɔi ë dhuëëŋ de Nhialic piɔ̈u piŋ, luɔi cï gäm ɛn ë këdun:

Epethiei 3:20

Ku ënɔɔnë, Raan lëu käŋ ë luɔi aläldït awär ka yok lip ayï ka yok tak ëbɛ̈n, në riɛldït ee luui ë woyiic,

Epethiei 3:8

Yɛn guöp, acakaa yɛn ë koor ë kɔc ɣerpiɔ̈ɔ̈th kedhie, yɛn ë miɔɔc në dhuëëŋë, luɔi bän Juöör guiëër ka ke Kërtho, kek aye wëu cïï duëërë gïth nïïm,

Epethiei 4:16

Ago guöp dït ëbɛ̈n në yen në duöt cï e duut apiɛth abï lɔ kuendek, në yomnyïïn ëbɛ̈n yomnyïïn cath në yen, acït luɔi ee ka ke raan guöp looi ëbɛ̈n, kënë ke luɔide ku kënë ke luɔide, ago guöp dït abï rɔt yïk ë nhiëëric.

Kolothai 1:29

Ku yen aya yɛn rɔt näk piny ë luɔi, cït man ë raan wiët, në riɛldɛn ë luui ë yaguöp ë luɔi ril arëët.

1 Theth 2:13

Yen a ye wok cool ë lec Nhialic acïn pëk, luɔi kɛ̈n wek jam gam cït nɔn ee yen jam de kɔc tei, wään gam wek jam cäk piŋ tëde wook, ku acäk tɔ ye jam ë Nhialic, ku ye jam ë Nhialic ëgɔk, jam ë cool ë lui ë weyiic ayadäŋ wek kɔc gäm.