Epethiei 3:4 - JAM DE NHIALIC 2011

⁴ Ku të kuɛɛn wek wëlkï yiic, ke we duëër ŋïnydï yökic, ŋïny ŋiɛc ɛn jam de këcïmoony de Kërtho.

Epethiei 3:4 Iomraidhean Croise

Math 13:11

Go pɔ̈k nɔm keek an, “Week, acï gäm week luɔi bä wek kacïthiaan ŋic ka ke ciɛɛŋ de paannhial, ku akënë gäm keek.

Luk 8:10

Go lueel an, “Acï gäm week ke we bï jam cï thiaan ŋic, jam de ciɛɛŋ de Nhialic: kɔc kɔ̈k aye ke wɛ̈ɛ̈t ë kɛ̈ŋ, luɔi bï kek aa daai, ku cïkï ë daai apiɛth, ku luɔi bï kek aa piŋ, ku cïkï käŋ ë yök yiic.

Romai 11:25

Ku yɛn cïn piɔ̈u, wek mïthëkɔckuɔ, luɔi kuöc wek ee cöökë, cöök cï moony, ke we cïï röt bï leec an, pɛlkï nïïm. Cöök cï moony, kï an, biäk töŋ de Yithriɛl acï tɔ ril nɔm, aɣet kööl bï kuɛth de juöör bɛ̈n thïn.

Romai 16:25

Ku ënɔɔnë, thieithieei ë Raan cath ke riɛl bï en we tɔ kääc aril në këde wëlkiën piɛth, ku guiëër cï Yecu Kërtho guiëër kɔc, ku nyuöth cï kë wään cï moony të ɣɔn ciɛkë piny nyuɔɔth.

1 Kor 13:2

Ku na ya cak wël ŋiëc guiir, ku ŋiɛc kacïmoony kedhie, ku dɛ ŋïnydekäŋ kedhie, ku na ya cak dɛ gäm ëbɛ̈n, gäm duɛ̈ɛ̈r ɛn kurdït tɔ nyaai tëden, ku ciën nhiëër, ke yɛn cïn nɔm këdäŋ.

1 Kor 4:1

Tɔ lueel raan në këde wook nɔn ye wok kɔc ee ka ke Kërtho looi, kɔc cïï ka ke Nhialic tääu ë kecin, kacïmoony ɣɔn.

2 Kor 11:6

Ku na cakaa yɛn ë dɛk ë jam, ka cïn ka dak ɛn në ŋïnydekäŋ, ee yic, kënë acuk cök ë nyuth wok e week në këriëëcic ëbɛ̈n.

Epethiei 1:9

Acï wo tɔ ŋic kë nu ë yepiɔ̈u këcïmoony ɣɔn në pɛlënɔmde ëbɛ̈n, në miɛt ë yenpiɔ̈u, yen aye löŋ cï lueel ë Kërtho piɔ̈u.

Epethiei 3:3

Luɔi cï en a tɔ ŋic këcïmoony, në nyuöth cï en a nyuöth käŋ, acït man cän e gɔ̈ɔ̈r wään në wël liaakäŋ.

Epethiei 3:9

ku luɔi bän kɔc tɔ daai apiɛth kɔc kedhie, abïk thar ë këcïmoony ŋic, jam ɣɔn cï moony ë Nhialicic të ɣɔn ciɛkë piny, Nhialic Aciëŋ ë cak këriëëc ëbɛ̈n në këde Kërtho,

Epethiei 5:32

Kënë ee këcïmoony ë kɔc dhal arëët: ku ye jam në këde Kërtho kekë ɣön ë Nhialic.

Epethiei 6:19

Ku në biäkdï aya, luɔi bï a miɔɔc ë jam bän athok liep ke ya cïï riɔ̈c, aguɔ këcïmoony ɣɔn tɔ ŋic, kek aye wëlpiɛth.

Kolothai 1:26

yen këcïmoony ɣɔn thɛɛr ë run ëbɛ̈n ku rɛm ëbɛ̈n, ku acï nyuöth kɔckɛn ɣerpiɔ̈ɔ̈th ënɔɔnë.

Kolothai 2:2

Ke ke bï muk piɔ̈ɔ̈th, ku matkï ëtök në nhiëër, ku në kuɛth bï kek kuɛth në ŋïny ŋic kek käŋ ëgɔk agokï këcïmoony de Nhialic ŋic, yen aye Kërtho,

Kolothai 4:3

Ku yak lɔ̈ŋ në biäkdï ayadäŋ, ke Nhialic bï wo liëp ɣöt thok, ɣön ë guiëër ë wël, buk jam de Kërtho aa guiir, këcïmoony, jam cï a mac në biäkde aya.

1 Tim 3:16

Cöök yic ka, cöök cïï duëërë jɔ̈ɔ̈ny an, Luɔidan ee wok Nhialic luööi ee këcïmoony, ku cie dap yökic: Acï tïc ë guöpic, Ku cï tɔ piɛthpiɔ̈u ë Wëi yiic, ku cï tïŋ ë tuucnhial. Ku cï këde guiëër Juöör, ku cï gam ë piny nɔm, ku cï lɛɛr nhial ë dhuëëŋic.

1 Tim 3:9

abïk aa kɔc ee jam de gäm döt ë piɔ̈n agɔk, jam ɣɔn cï moony.