Epethiei 3:19 - JAM DE NHIALIC 2011

¹⁹ Aguɔkï nhiëërde ŋic, nhiëër wär ŋïnydekäŋ, ke we bï kuɛth në kuɛth ë Nhialic ëbɛ̈n.

Epethiei 3:19 Iomraidhean Croise

Diɛt 17:15

Ku yïn bä tïŋ në luɔi ë piathëpiɔ̈u cä looi, na la lɔ pääc, yɛn bï piɔ̈u miɛt në dhuëëŋdu.

Diɛt 43:4

Aguɔ jɔ lɔ tëde yïïŋ de Nhialic, në miɛtëpiɔ̈u ku dhuëëŋ de piɔ̈ndï. Yïn bä leec në diɛt ke thom, Yïn Nhialicdï, Nhialicdï.

Math 5:6

Thieithieei ë kɔc ee cɔk nɔ̈k ku ye rou ke nɔ̈k në baŋ de piathëpiɔ̈u, abï ke tɔ kueth.

Jɔn 1:16

Ku në kuɛth cï en kuɛth yen acï wok käŋ yök wodhie, ayï dhuëëŋdepiɔ̈u dhuëëŋ cï rɔt ŋuak.

Jɔn 17:3

Ku kënë yen aye pïïr athɛɛr an, Ŋïny bï kek yïn ŋic, yïn Nhialic yic, yïn yïtök, ku ŋickï Yecu Kërtho raan ë yïn ë toc en.

Romai 8:35

Eeŋa bï wo pääk në nhiëër ë Kërtho? Bï ë këril gumku lëu, ayï kërɛɛc dhal wook, ayï yöŋ, ayï cɔk, ayï ciën cïn wokɔ̈ɔ̈th lupɔɔ, ayï riɔ̈ɔ̈c, ayï tɔŋ, de töŋ bï e lëu ë keyiic?

Romai 8:39

ayï bɛ̈ɛ̈r bɛ̈ɛ̈rë käŋ, ayï tëthuth, ayï të de yen däŋ cï cak, acïn tök ee kakë yiic töŋ bï pɛ̈ɛ̈k lëu, pɛ̈ɛ̈k bï en wo pääk në nhiëër ë Nhialic, nhiëër nu ë Kërtho Yecu Bɛ̈nydïïtda yic.

2 Kor 5:14

Nhiëër ë Kërtho ee wo cieŋ, ayok lueel alë an, thon ë thuowë raan tök në biäk de raan ëbɛ̈n, ka yen thon cï raan thou ëbɛ̈n ka.

Galatai 2:20

Yɛn cï piäät ë tim cï rïïu nɔm kɔ̈u wokë Kërtho ëtök, ku yɛn ŋoot ke ya pïïr, ku acïï be aa yɛn, ee Kërtho en apïïr ë yaguöp. Ku pïïr piëër ɛn ë guöpic ënɔɔnë, ee gäm en a piëër ɛn, gäm aa yɛn Wën ë Nhialic gam, raan ë nhiaar ɛn, ago rɔt gaam në biäkdï.

Epethiei 1:23

Yen aye guöpde, ku ye kuɛthde, kuɛth de raan ee käŋ tɔ kueth kedhie, ka nu ë këriëëcic ëbɛ̈n.

Epethiei 3:18

ke we bï nhiëër ë Kërtho lëu në yöŋ bä wek e yökic, week wekë kɔc ɣerpiɔ̈ɔ̈th kedhie, dït dïït en kɔ̈u, ku bɛ̈ɛ̈r bɛ̈ɛ̈r en kɔ̈u, ku thuthde, ku bɛ̈ɛ̈rde.

Epethiei 5:2

Ku rɛ̈ɛ̈rkï në nhiëëric, acït man cï Kërtho wook nhiaar, ago rɔt gaam në biäkda, tɔ rɔt ë kë cï gäm Nhialic, ku näk, ago awäu cï tumëtum bɛ̈ɛ̈i.

Epethiei 5:25

Ku wek röör, nhiaarkï diëërkun acït man cï Kërtho ɣön ë Nhialic nhiaar aya, ago rɔt gaam në biäkde.

Pilipoi 1:7

Ku apiɛth aya nɔn bän kënë thɔ̈ɔ̈ŋ ë yapiɔ̈u në këdun week wedhie, luɔi aa yɛn we tak ë yapiɔ̈u, në röm aa wek dhuëëŋ rɔm në yɛn ëtök wedhie, në mäny mɛcë yɛn ayï kuny aa yɛn wëlpiɛth kony ke ke bï kɔ̈ɔ̈c aril.

Pilipoi 4:7

Ku män Nhialic, män ee kɔc dhal ë ŋïc kedhie, abï week gël piɔ̈ɔ̈th ku gël ka yak tak ë Kërtho Yecuyic.

Kolothai 1:10

ke rëërdun bï röŋ kekë rëër ë kɔc ke Bɛ̈nydït, ke Bɛ̈nydït bï piɔ̈u miɛt arëët. Yak luɔk në luɔi piɛth ëbɛ̈n, ku ŋuakkï wenyïïn ë ŋïny ŋiɛc wek Nhialic.

1 Pet 1:8

Ee raan nhiaar, na cakaa yen ë kɛ̈nkï tïŋ: ku ye raan cäk gam, na cakaa yen ë cäkï woi guöp ënɔɔnë, aguɔkï piɔ̈ɔ̈th miɛt në miɛt cïï themë thok, ku de yic dhuëëŋ dït,

2 Pet 3:18

Yak lɔ ke we lɔ tueŋ në dhuëëŋ de wepiɔ̈ɔ̈th ku në ŋïny ŋiɛc wek Bɛ̈nydïïtdan Yecu Kërtho, yen aye Konydan ë wëi. Ë dhuëëŋ ë ye tɔ̈u ke ye këde ayï ënɔɔnë aɣet athɛɛr. Amiin.