Epethiei 3:1 - JAM DE NHIALIC 2011

¹ Yen aye yɛn raan ë Yecu Kërtho raan cï mac në biäkdun week wek Juöör, läŋkï Nhialic.

Epethiei 3:1 Iomraidhean Croise

Luk 21:12

Ku të ŋootë kakë wei, ke we bïï kɔc dɔm, ku yɔŋkï week, ku leerkï week ë ɣööt ke Nhialic yiic, ku tɛ̈ɛ̈ukï week ë aloc yiic, ku we bï aa bɛ̈ɛ̈i ë meliik nïïm ku bäny nïïm në biäk de rinkï.

Luɔi 21:33

Go bɛ̈nydït de rem de tɔŋ lɔ të nu yen, le ku dɔm, ku tɔ rek ë joth kaarou, go thiëëc an, “Ee yïn ŋa? Eeŋö cï looi?”

Luɔi 23:18

Go nööm, bïï ë bɛ̈nydïït de rem ë tɔŋ nɔm, ku lueel an, “Paulo, raan cï mac, acï a cɔɔl, ku lɛ̈ŋ ɛn an, bä dhuŋë bɛ̈ɛ̈i tëde yïn, ade kë bï lëk yïn.”

Luɔi 26:29

Go Paulo bɛ̈ɛ̈r an, “Nɔn ee yen jam thiinakäŋ ku nɔn ee yen jam dït, yɛn läŋ Nhialic, acie këdu yïn yïtök, ee këde kɔc kedhie aya, kɔc piŋ këdï ee köölë, ke we bï ciët ɛn, ee jothkë tei, ee kek bï liu.”

Luɔi 9:15

Go Bɛ̈nydït yɔ̈ɔ̈k an, “Lɔɔr, raanë ee raandiën cä lɔc, bï rinkï lɛɛr ë Juöör nïïm, ku meliik nïïm, ku kɔc ke Yithriɛl nïïm.

2 Kor 1:6

Ku na dhal käŋ wook, ee këde muŋ bï we muk piɔ̈ɔ̈th ayï kuny bï we kony wëi, ku aye ke luöi week në ruöt aa wek wepiɔ̈ɔ̈th ruut në ka guömkï, ka kït ë ka gumku ayadäŋ: ku të cï wo muk piɔ̈ɔ̈th, ee këde muŋ bï we muk piɔ̈ɔ̈th aya ku kuny bï we kony wëi.

2 Kor 10:1

Ku yɛn Paulo guöp, wek yɔ̈ɔ̈k në kuur cï Kërtho rɔt tɔ koor ku në liɛɛr ë yenpiɔ̈u, yɛn raan cïn naamdï ë weyiic të wɔi wek ɛn, ku nɔn liɛɛu ɛn, yɛn cï nyin riɛl tëde week:

2 Kor 11:23

Yek kɔc ë ka ke Kërtho looi? (Yɛn jam cït raan jiɛɛm wei) awäär ke, ë luɔi tuc, en awäär ɛn keek, ku wäär keek ë dui cïï duëërë kueen, ku mäny ee ya cool ë mɛcë yɛn ë aloc yiic, ku ŋïny aa yɛn cool ë ŋïc rɔt thuɔɔu.

Galatai 5:11

Ku yɛn, mïthëkɔckuɔ, të ŋuɔɔt ɛn ke ya guiir jam de cuɛ̈l, ke yeŋö ŋuɔɔt ɛn ke ya yɔŋ kɔc? Yen adï cï nyaai, yen kɔ̈th ee kɔc kɔ̈th ë tim cï rïïu nɔm.

Galatai 5:2

Wɔikï da! Wek lɛ̈k, yɛn Paulo an, të bï we cueel, ke Kërtho acïn piathdɛn bï nu tëde week.

Galatai 5:24

Ku kɔc wën ë ya kɔc ke Kërtho acïk guöp piäät ë tim cï rïïu nɔm kɔ̈u kekë kak ee guöp kɔɔr ëtök, ayï ŋɔ̈ɔ̈ŋ ë ye dɔm.

Epethiei 3:11

Yen löŋ cï lueel ë yenpiɔ̈u ɣɔn thɛɛr në këde Kërtho Yecu Bɛ̈nydandït.

Epethiei 3:13

Yen a läŋ ɛn week, ke we cïï piɔ̈ɔ̈th bï bäp në katuc ë ya dhal në biäkdun, yen aye dhuëëŋdun.

Epethiei 3:8

Yɛn guöp, acakaa yɛn ë koor ë kɔc ɣerpiɔ̈ɔ̈th kedhie, yɛn ë miɔɔc në dhuëëŋë, luɔi bän Juöör guiëër ka ke Kërtho, kek aye wëu cïï duëërë gïth nïïm,

Epethiei 4:1

Ya kï, yɛn ee raan cï mac në këde Bɛ̈nydït, wek läŋ nɔn bä wek rëër ë rëër piɛth rëër röŋ ke cɔ̈t ë cɔɔlë week.

Epethiei 6:20

Ku luɔi aa yɛn tuny guiir keek, en a mac ɛn ë joth: yak jɔ lɔ̈ŋ, ke ya bï jam ë jam bän dhil jam, ke ya cïï riɔ̈c.

Pilipoi 1:7

Ku apiɛth aya nɔn bän kënë thɔ̈ɔ̈ŋ ë yapiɔ̈u në këdun week wedhie, luɔi aa yɛn we tak ë yapiɔ̈u, në röm aa wek dhuëëŋ rɔm në yɛn ëtök wedhie, në mäny mɛcë yɛn ayï kuny aa yɛn wëlpiɛth kony ke ke bï kɔ̈ɔ̈c aril.

Kolothai 1:24

Ku yɛn mit piɔ̈u ënɔɔnë në ka guööm në biäkdun, ku ka cï nïïm dak në katuc cï Kërtho guum, aya ke thiɔ̈ɔ̈ŋ nïïm ë guöpdï yic, në biäk de guöpde, yen aye ɣön ë Nhialic.

Kolothai 4:18

Thiëcdiën ë yɛn ciin kï, yɛn Paulo. Takkï wenïïm ë joth mac ɛn ke. Ë dhuëëŋdepiɔ̈u tɔ̈u ke week Amiin.

Kolothai 4:3

Ku yak lɔ̈ŋ në biäkdï ayadäŋ, ke Nhialic bï wo liëp ɣöt thok, ɣön ë guiëër ë wël, buk jam de Kërtho aa guiir, këcïmoony, jam cï a mac në biäkde aya.

2Tim 1:16

Ë Bɛ̈nydït ë ye piɔ̈u kok ke dhiën ë Onethiporo: aaye ya dap muk wëi, ku aa cie yäär në jonh ë mac ɛn,

2Tim 1:8

Yen du yïn ee yäär në jam de Bɛ̈nydïïtda jam ee cäätɔɔ lueel, ku du yäär në këdï yɛn ee raandɛn cï mac: ye katuc guum wekë yɛn ëtök në biäk de wëlpiɛth në riɛldïït ë Nhialic.

Pile 1:1

Yɛn Paulo, raan cï mac ë këde Yecu Kërtho, wokë Timotheo mɛnhkënëda. Awerek en gɛ̈ɛ̈rku yïn Pilemon raan nhiaarku, ku ye raan ee luui ke wook ëtök,

Pile 1:23

Yïn thiëëc Epapara, raan mac wok ëtök në biäk de Kërtho Yecu,

Pile 1:9

Ku në biäk de nhiëër nhiaar ɛn yïn, yïn läŋ tei, yɛn raan cɔl Paulo mony cï dhiɔp, ku ye raan mac ënɔɔnë aya në baŋ de Yecu Kërtho.

Nyuuth 2:10

Du riɔ̈c ëtaitai në ka bä guum. Tïŋ, jɔŋdït rac akɔɔr luɔi bï en kɔc kɔ̈k ë weyiic cuat ë aloocic, luɔi bï we them, ku we bï këtuc dhal week yök ë nïn kathiëër. Ee gämdu döt a thou yïn, ke yïn bä miɔɔc nɔm ë göl ë pïïr.