Epethiei 2:4 - JAM DE NHIALIC 2011

⁴ Ku Nhialic Raan kok piɔ̈u aläl, në dït ë nhiëër ë nhiɛɛr en wook,

Epethiei 2:4 Iomraidhean Croise

Neɣe 9:17

Acïk Yï rɛɛc thok, ku mɛ̈ɛ̈rkï nïïm në këriëëc ɣɔn cï looi ëbɛ̈n, mɛ̈ɛ̈rkï nïïm në kagɛ̈iyë ke cï ke looi, në lɛcden, gokï röt lɔ̈c bɛ̈ny bï ke dak nïïm në lïïmic paan ë Rip. Ku Yïn ee Nhialic ee kɔc päl awɛ̈ɛ̈c, Yïn de nɔm kok de piɔ̈u, ku nhiëër agɔk ku cïï ee dap gɔ̈th, kok de piɔ̈ndu adït arëët, ka kɛ̈n ë ke nyääŋ piny.

Diɛt 145:8

Bɛ̈nydït ee nhiëër ku ee piɔ̈u kok, acie dap gɔ̈th ku nhiëërdɛn agɔk adït.

Diɛt 51:1

Kokëpiɔ̈u we yɛn, në biäk ë nhiëërduön agɔk. Në biäk de kokdepiɔ̈ndu, nyaaiyë awɛ̈ɛ̈ckï wei!

Diɛt 86:15

Ku Yïn Bɛ̈nydït Nhialic. Yïn ee Nhialic de nhiëër agɔk kekë piɔ̈n adöt. Yïn ee tïït aköölnyïïn, ku Yïn piathëpiɔ̈u ku Ye piɔ̈u adöt aköölnyïïn.

Diɛt 86:5

Bɛ̈nydït, Yïn piɛth wekë wook, ku ye wook päl karɛckuɔ, Yïn thiäŋ wekë nhiëër agɔk, tëde kɔc ee Yïn lɔ̈ŋ kedhie.

Bɛ̈n 33:19

Go Bɛ̈nydït puk nɔm an, “Piathdï ëbɛ̈n abä tɔ tëk ë yïnɔm, ku rinkï abä ke lueel në yïnɔm, rin ɣeriic. Ee Yɛn Bɛ̈nydït, Yɛn ee kɔc cä lɔc nyuöth kok de Yapiɔ̈u, ayï dhuëëŋdï.

Yith 63:7

Yɛn bï jam në biäk de nhiëër agɔk de Bɛ̈nydït, Abä piɔɔny në biäk de kajuëc cï luöi wook ëbɛ̈n. Acï baai de Yithriɛl thieei aläl në biäk de kok de yen piɔ̈u ku nhiëërdɛn agɔk.

Jeremia 31:3

Yɛn cï bɛ̈n tuöl tëde keek tëmec. Kɔc ke Yithriɛl wek cä nhiaar ëceŋ, ku ŋuɔɔt ke we nyuöth nhiëërdiën agɔk.

Danyel 9:9

Yïn ee piɔ̈u kok, ku päl awɛ̈ɛ̈c, cakaa nɔn cïï wok kueerdu pɔ̈l.

Jona 4:2

Ago lɔ̈ŋ an, “Bɛ̈nydït, cie kë wään ŋiɛc ka, luɔi bïï Yïn ë looi aya, wään ŋuɔɔt ɛn paanda? Ee yen ë tɔ ya kɔt ke ya lɔ wun cɔl Tarcic. Aa ŋiɛc luɔi Yïn Nhialic de nɔm nhiëër agɔk, ku päl de karɛc, Yïn ee piɔ̈u adhuɛ̈ŋ ku ye piɔ̈u dap kok, ku Yïn ee Yïnɔm dap waar ku cïï kɔc ee luöi këtuc.

Luk 1:78

Në kok kookë Nhialic Piɔ̈u ke wook, Yen a neemë Runëpiny wook, Runëpiny bɔ̈ nhial,

Romai 10:12

Acïn të cï kɔc keyiic tek, Judai ayï Girikii, ee Bɛ̈nydïït töŋë Bɛ̈ny nu ë kɔc nïïm kedhie, yen ee piɔ̈u adhuɛ̈ŋ ke kɔc cɔl en kedhie.

Romai 2:4

Ku cï dhuëëŋ de yepiɔ̈u guɔ biɔɔn dhuëëŋ gök, ayï dït ë liɛɛr ë yenpiɔ̈u, ku guöm guum en kajuëc, ku kuc dhuëëŋ de Nhialic piɔ̈u nɔn thel en yïn tëde puŋ bï yïn yïpiɔ̈u puk?

Romai 5:8

Ku Nhialic ë nhiëërde nyuɔɔth, nhiëër nhiɛɛr en wook, në thon cï Yecu Kërtho thou në biäkda, ku ŋootku ë wo ye kɔc ë kërac looi.

Romai 9:23

ku bï dït ë dhuëëŋde nyuɔɔth në töny ke kokdepiɔ̈u, töny cï kɔn looi, bïk aa ka ke dhuëëŋ,

Epethiei 1:7

Raan cï wo wɛ̈ɛ̈r bei në riɛmde, ago wo tɔ pɛ̈lë karɛckuɔ, në dït de dhuëëŋ de yenpiɔ̈u,

Epethiei 2:7

luɔi bï en dït ë dhuëëŋ de yenpiɔ̈u nyuɔɔth wadäŋ thɛɛr në piny bï bɛ̈n, dhuëëŋ dïït wär këriëëc, në miɛt mit en piɔ̈u ke wook ë Kërtho Yecu yic.

Epethiei 3:8

Yɛn guöp, acakaa yɛn ë koor ë kɔc ɣerpiɔ̈ɔ̈th kedhie, yɛn ë miɔɔc në dhuëëŋë, luɔi bän Juöör guiëër ka ke Kërtho, kek aye wëu cïï duëërë gïth nïïm,

2 Theth 2:13

Ku wo bï dhil cool ë lec Nhialic në biäkdun, wek mïthëkɔckuɔ nhiɛɛr Bɛ̈nydït, në lony cï Nhialic we lɔc të ɣɔn ciɛkë käŋ, ke bï we kony wëi në ɣɛɛr bä wek piɔ̈ɔ̈th ɣɛɛr, ku në gäm bä wek yic gam.

1 Tim 1:14

Ku dhuëëŋ de Bɛ̈nydïïtda piɔ̈u acï rɔt ŋuak abï kït aläl kekë gäm ku nhiëër nu ë Kërtho Yecuyic.

2Tim 1:9

Ee Nhialic en ë kony wo wëi, ago wo cɔɔl ë cɔ̈t ɣeric, acie këde luɔida, ee këde yenpiɔ̈u etök, ku në dhuëëŋ de yenpiɔ̈u, dhuëëŋ cï yiɛ̈n wook ë Kërtho Yecuyic ɣɔn thɛɛr ŋootë piny ke kënë cak,

1 Pet 1:3

Thieithieei Nhialic Wun Bɛ̈nydan Yecu Kërtho, Raan ë be wo tɔ dhiëth në kok kook en piɔ̈u arëët, ku yïn wook aŋäth pïïr në jön cï Yecu Kërtho rɔt jɔt ë kɔc cï thou yiic,