Epethiei 2:3 - JAM DE NHIALIC 2011

³ Ku wook ayadäŋ wodhie, wok aaye mat në keek ɣɔn, në ŋɔ̈ɔ̈ŋ de ka ke guöp, ku wok aaye kak ë yok kɔɔr ë yäc looi, ayï kak ë yok tak ë wopiɔ̈ɔ̈th, agoku aa mïth ke agɔ̈th në ciɛɛŋ ë ciɛkë wo, cït man ë kɔc kɔ̈k.

Epethiei 2:3 Iomraidhean Croise

Cäk 5:3

Ɣɔn cï run ke Adam aa bɔt ku thiërdiäk, ke dhiëth mɛwä kït guöp ke yen, go cäk rin an Theth.

Cäk 6:5

Ɣɔn cï Bɛ̈nydït kërɛɛc ë raan tïŋ ke cï dït në piny nɔm, ku tïŋ täŋ ë raan ke rac ë ceŋ,

Cäk 8:21

Go Bɛ̈nydït piɔ̈u miɛt në luɔi cï En atuɔ̈m ŋöör. Go lueel në yepiɔ̈u an, “Yɛn cï piny bï bɛ cieen nɔm, në biäk ë karɛɛc ye raan looi. Na cakaa nɔn ye täŋ ë raan piɔ̈u kërac ë cieŋ ë yen meth, Yɛn cïï piny bï bɛ nyɔk ë riääk Ɛn kë tɔ̈u thïn cït man cän e riɔ̈ɔ̈kë.

Jop 14:4

Eeŋa duëër kë ɣeric bɛ̈ɛ̈i bei në kë cï dhiöök në këcol? Acïn raan.

Jop 25:4

Ku raan duëër lɔgɔk adï në Nhialic nyin? Ke ye kë lɛɛn ë dhiëëth tik duëër ɣɛɛr?

Diɛt 51:5

Ee yic, yɛn cï karɛc looi, të ɣɔn dhiëëthë yɛn, yɛn ee karɛc looi, të ɣɔn yök ë maar ɛn.

Yith 53:6

Wook wodhie wok cït amɛ̈l cï määr, ŋɛk në wook akuany kueerde yic yetök. Ku Bɛ̈nydït acï këtuc tɔ lööny në yeyeth, këtuc röŋ kekë wook wodhie.

Mak 4:19

na wën, ke diɛɛr ee kek diɛɛr ë ka ke piny nɔm, ayï mɛth ee juëc de wëu keek math, ayï ŋɔ̈ɔ̈ŋ de ka kɔ̈k, ke ke lɔ thïn, ku nyiickï jam, agokï cuö lok.

Jɔn 1:13

Kɔc kënë dhiëëth ë riɛm, ku kënëke dhiëëth ë këde guöp, ku kënë ke dhiëëth ë këde piɔ̈n ë moc, aake dhiëëth Nhialic.

Jɔn 8:44

Wek ee mïth ke jɔŋdït rac wuöördun, ku kɔ̈ɔ̈r kɔɔrë wuöördun kërac, yen aa yak kɔɔr ayadäŋ. Yen aaye nɛ̈k të ɣɔn ciɛkë käŋ, ku reec ceŋ në yicic, luɔi liiuwë yic tëde yen. Të töör en lueth, ee këde en lueel, nɔn ee yen alueeth, ku ye wun lueth.

Luɔi 14:16

Ku acï juöör kedhie päl cäth ë kuɛɛrken ɣɔn nu rɛm thɛɛr.

Romai 1:24

Yen aa kunë Nhialic keek luɔi col në döm cï ŋɔ̈ɔ̈ŋ de kërac ke dɔm, abïk dhuëëŋ de kegup riɔ̈ɔ̈k ë röt kapäc.

Romai 11:30

Ku acït man wään cä wek Nhialic ee gam, ku we cï kokdepiɔ̈u yök ënɔɔnë në rɛɛc reec kek gäm.

Romai 13:14

Jakkï Bɛ̈nydït Yecu Kërtho cieŋ cït lupɔ, ku duökï ee diɛɛr në karɛc kɔɔr guöp.

Romai 2:14

Ku Juöör, kɔc cïn löŋ cath ke keek, të cï kek ka nu ë löŋic looi, në ciɛɛŋ ë ciɛkë keek, keek gup, ciɛk an, cïn löŋ ŋickï, ke löŋ anu ë kepiɔ̈ɔ̈th.

Romai 5:10

Të cï wo määt në Nhialic në thon cï Wënde thou, ke wo ŋoot ë wo ye kɔc de ater, na ënɔɔnë, nɔn cï wo guɔ määt, ke kuny bï ë wo kony në pïïr pïïr en, yen apiɔl awär ee kënë arëët.

Romai 5:9

Ku ënɔɔnë, nɔn cï wo guɔ tɔ piɛthpiɔ̈ɔ̈th në riɛmde, ke kuny bï en wo kony në agɔ̈th yen apiɔl awär ee kënë arëët.

Romai 6:12

Yen duö wek kërac tɔ ceŋ piny ë wegup, gup de yiic thuɔɔu, abäk ŋɔ̈ɔ̈ŋ ee kɔɔr aa gam.

Romai 7:18

Ku aŋiɛc nɔn cïn en këpiɛth töŋ rɛ̈ɛ̈r ë yayic, (ee guöpdïyic en luɛɛl) ku piɔ̈n duɛ̈ɛ̈r ɛn käŋ looi acath ke yɛn, ku kë bän këpiɛth looi, abä thöl, akɛ̈n guɔ yök.

Romai 9:22

Ku na Nhialic, të de yen piɔ̈u luɔi bï en agönhde nyuɔɔth, ku tɔ riɛlde ŋic, eeŋö däŋ, acakaa yen ë cï töny ke agɔ̈th guum në liɛɛr dïït ë yenpiɔ̈u, kek töny cï röŋ në riääk bï ke riɔ̈ɔ̈k,

1 Kor 4:7

Eeŋa ë yï tɔ tɔ̈u pei? Ku eeŋö cath ke yïn kë kënë gäm yïn? Ku na cï gäm yïn, ka eeŋö ee yïn rɔt leec, acït man ë kë kënë gäm yïn?

2 Kor 7:1

Yen ka, ënɔn ciɛth wok wokë ka cï lueel an, bï ke gäm wookë, wek kɔc nhiaar, yok röt waak në acuɔl ëbɛ̈n acol ë guöp ku acol ë wëi, ku yok wopiɔ̈ɔ̈th tɔ ɣer abïk dikëdik në riëëu de Nhialic.

Galatai 3:22

Ku këcïgɔ̈ɔ̈r acï jäŋ ëbɛ̈n mac ë këracic, luɔi bï kë cï kɔn lueel an, bï yiɛ̈n kɔc, në gäm cï kek Yecu Kërtho gam, luɔi bï e yiɛ̈n kɔc cï gam.

Epethiei 2:2

Karac yak cool ë luɔɔi wek ke, ɣɔn rɛ̈ɛ̈r wek ë rëër ë kɔc ke piny nɔm ënɔɔnë, rëër ë bɛ̈nydït cath ke riɛl ë yomic yen aye jɔŋ rɛɛc ee luui ë kɔc reec gäm yiic ënɔɔnë.

Epethiei 4:22

an, Bäk raan thɛɛr pɔ̈l në rëërduön ee ya wek rëër wään, raan cï dhiap në biäk de ŋɔ̈ɔ̈ŋ de lueth ŋɔ̈ɔ̈ŋ ë ye dɔm.

Kolothai 1:21

Ku week, wek kɔc ɣɔn cï tɔ ye kɔc tei ku yak kɔc de piɔ̈ɔ̈th ater në yen në luɔiduön rac, we cï luöök në yen ënɔɔnë,

1 Theth 4:13

Ku wok cïn piɔ̈ɔ̈th luɔi bä wek e kuc, wek mïthëkɔckuɔ, në këde kɔc cï niin, ke we cïï piɔ̈ɔ̈th bï jiɛth aläl, cït man ë kɔc kɔ̈k, kɔc cïn kë ŋäthkï.

1 Theth 5:6

Yen du wok ee niin cït man ë kɔc kɔ̈k, yok yïn ku piɛthku nïïm.

1 Tim 6:9

Ku kɔc kɔɔr luɔi bï kaken juëc ayek lööny ë thëmic, ku löönykï ë bɔi yic, ku ye ŋɔ̈ɔ̈ŋ ke dɔm ŋɔ̈ɔ̈ŋ ë kajuëc ɣäär yiic, kak ee kërac bɛ̈ɛ̈i, ku yek kɔc thɛl ë riääkic tɔkï ke mär ë taiwei.

Tito 3:3

Ku wook ayadäŋ wok aaye kɔc cïn nïïm wään thɛɛr, kɔc ee löŋ rɛɛc piŋ, kɔc cï math, wok ee ye lïïm ke ŋɔ̈ɔ̈ŋ ee wo dɔm ŋɔ̈ɔ̈ŋ kithic, ku yok lïïm ke kamit yok kɔɔr ë wopiɔ̈ɔ̈th, wok aaye tɔ̈u ke wo racpiɔ̈ɔ̈th deku yiic tiɛɛl, ku man kɔc wook, ku manku röt.

1 Pet 1:14

Yak ciët mïth ee käŋ piŋ, aguɔkï cuö rɛ̈ɛ̈r ë rëërduön wään në këde ŋɔ̈ɔ̈ŋduön wään ee we dɔm në kuny aa wek këpiɛth kuc.

2 Pet 2:14

Kɔc cï nyïïn a pirpir në kɔ̈ɔ̈r ee kek diëër lei kɔɔr, kɔc cïn nyïïn päl duëër kek kërac pɔ̈l, ayek kɔc wëŋ kɔc cï piɔ̈ɔ̈th aläuläu në jam, aciɛthkï në piɔ̈n cï kajuëc ŋic ë kɔ̈ɔ̈r. Mïth de gup aciɛɛn ka!

2 Pet 2:18

Në luɛl ë ye kek jam juëc ɣɔ̈ric lueel ë keliëp tei, në ŋɔ̈ɔ̈ŋ de ka ke yäc, ku në luɔi ë dhööm, en aye kek kɔc wëŋ, kɔc, an, bɛ̈nkï ë liŋliŋ në kɔc ee tɔ̈u ke ke wäc käŋ.

1 Jɔn 2:16

Këriëëc nu ë piny nɔm, yï ŋɔ̈ɔ̈ŋ de guöp, ku ŋɔ̈ɔ̈ŋ de nyin, ku lɛc ye raan rɔt leec në ka ke pïïr, acïkï ë ka ke Wääda, ayek ka ke piny nɔm.

1 Jɔn 2:8

Ku ye löŋ ë piac cak ayadäŋ en gäär week, löŋ yic ë yeyic ku weyiic, luɔi kɔɔr cuɔlëpiny jäl, ku jɔ ɣɛɛr yic de piny guɔ riau.