Epethiei 2:16 - JAM DE NHIALIC 2011

¹⁶ bï en keek määt ë Nhialic keek kaarou, në guöp tök në tim cï rïïu nɔm, në nyiɛɛi cï en ater nyaai aya.

Epethiei 2:16 Iomraidhean Croise

Romai 5:10

Të cï wo määt në Nhialic në thon cï Wënde thou, ke wo ŋoot ë wo ye kɔc de ater, na ënɔɔnë, nɔn cï wo guɔ määt, ke kuny bï ë wo kony në pïïr pïïr en, yen apiɔl awär ee kënë arëët.

Romai 6:6

Aŋicku nɔn cï raandan thɛɛr piäät ë tim cï rïïu nɔm kɔ̈u kekë yen ëtök, ke guöp de kërac bï riääk, agoku cuö be aa lïïm ke kërac,

Romai 8:3

Kë cï löŋ dhal ë luɔi, në kɔ̈c kɔ̈ɔ̈c en në baŋ de guöp, acïï Nhialic ŋiëc looi, wään tooc en Wënde guöp, ke cath ke guöp cït guöp deyic kërac, ku aa tuuc në baŋ de kërac, ago kërɛɛc nu ë guöpic gɔ̈k.

Romai 8:7

Ë luɔi de yen ater kekë Nhialic, yen täŋ ee raan ka ke guöp tak, ku acïï këde löŋ de Nhialic ee piŋ, ku acie lëu ë pïŋ ayadäŋ.

1 Kor 10:17

Ku wook, acakaa wok ë juëc, wok ee kuïn tök, ku yok guöp tök: në röm ee wok kuïn töŋë rɔm wodhie.

Galatai 2:20

Yɛn cï piäät ë tim cï rïïu nɔm kɔ̈u wokë Kërtho ëtök, ku yɛn ŋoot ke ya pïïr, ku acïï be aa yɛn, ee Kërtho en apïïr ë yaguöp. Ku pïïr piëër ɛn ë guöpic ënɔɔnë, ee gäm en a piëër ɛn, gäm aa yɛn Wën ë Nhialic gam, raan ë nhiaar ɛn, ago rɔt gaam në biäkdï.

Epethiei 2:15

Në nyiɛɛi cï ater nyaai në rïŋ de yenguöp, ater ë lööŋ de yiic cök bï kɔc aa piŋ, ku ka bï kɔc aa looi, bï raan töŋ cï piac looi cak në guöpde yic, cak në keek kaarou, ago ke määt aya:

Epethiei 3:6

jam de röm bï Juöör kë bï kɔc lɔ̈ɔ̈k lak rɔm ëtök, ku luɔi bï kek aa guöp tök, ku bïk kë cï kɔn lueel rɔm ëtök ë Kërtho yic në wëlpiɛth.

Epethiei 4:4

Ee guöp tök yen nu, ku Wëidït tök, acït man cï we cɔɔl në aŋäth tök, aŋäth ë cɔ̈t ë cɔɔlë week.

Kolothai 2:14

ku cï jam cï gɔ̈ɔ̈r ë lööŋ yiic cuöth bei, kë de ater ke wook: ago nyaai ë woyiic, në piëët cï en e piäät ë tim cï rïïu nɔm kɔ̈u.

Kolothai 3:15

Yak män ë Kërtho tɔ rɛ̈ɛ̈r ë löŋ nɔm ë wepiɔ̈ɔ̈th, yen ee cɔ̈t ë cɔɔlë week në guöp tökic, ku yak dap lueel an, thieithieei.