Epethiei 1:7 - JAM DE NHIALIC 2011

⁷ Raan cï wo wɛ̈ɛ̈r bei në riɛmde, ago wo tɔ pɛ̈lë karɛckuɔ, në dït de dhuëëŋ de yenpiɔ̈u,

Epethiei 1:7 Iomraidhean Croise

Jop 33:24

Në kok de piɔ̈u abï tunynhial lueel an, “Lony! Yen acï bï lɔ paan ë thuɔɔu, kënë yen ee kë cï ye wɛ̈ɛ̈r bei gëmë nɔm lääu.

Diɛt 130:4

Ku Yïn ee wook päl awɛ̈ɛ̈ckuɔ, ke wo bï aa riɔ̈ɔ̈c ë Yïn.

Diɛt 130:7

Yithriɛl ŋäthkï Bɛ̈nydït, në biäk de nhiëërdɛn agɔk, ku aye kɔɔr bï kɔc kony ë ceŋ.

Diɛt 86:5

Bɛ̈nydït, Yïn piɛth wekë wook, ku ye wook päl karɛckuɔ, Yïn thiäŋ wekë nhiëër agɔk, tëde kɔc ee Yïn lɔ̈ŋ kedhie.

Bɛ̈n 34:7

Yɛn ee nhiëërdiën agɔk dɔ̈t aguum ke rɛm, ku päl kɔc awɛ̈ɛ̈c ku karɛc. Ku Yɛn cïï mïth bï puɔ̈l ke kɛ̈n ke luöi këtuc në biäk de karɛc ke wärken, ayï awɛ̈ɛ̈c ke kuarken, agut cï rem ye rɛm diäk, ayï ŋuan.”

Yith 43:25

Ku ŋuɔɔt, ke Ya ye Nhialic, ee we päl awɛ̈ɛ̈ckun, Yɛn ee kënë looi në biäk ee yen ɛn. Yɛn cïï awɛ̈ɛ̈ckun bï muk ka riääk ɛn week.

Jeremia 31:34

Acïn raan bï raanden aa wɛ̈ɛ̈t bïï Bɛ̈nydït ŋic, në biäk bï kek Yɛn ŋic kedhie gɔl ë mɛnh koor alee guööt raan dït. Yɛn bï karɛcken pɔ̈l ku Yɛn cïï ka cïk wööc bï bɛ tak. Acä lueel, Yɛn Bɛ̈nydït.”

Danyel 9:19

Bɛ̈nydït, piŋ wothook, pälë wook awɛ̈ɛ̈c, Bɛ̈nydït piŋ këda, ku bɛ̈ɛ̈rë! Ago ŋic ë raan ëbɛ̈n an, yïn ee Nhialic, du gääu! Yen ee pänydïïtë kekë kɔckë ayek kaku.

Danyel 9:9

Yïn ee piɔ̈u kok, ku päl awɛ̈ɛ̈c, cakaa nɔn cïï wok kueerdu pɔ̈l.

Jona 4:2

Ago lɔ̈ŋ an, “Bɛ̈nydït, cie kë wään ŋiɛc ka, luɔi bïï Yïn ë looi aya, wään ŋuɔɔt ɛn paanda? Ee yen ë tɔ ya kɔt ke ya lɔ wun cɔl Tarcic. Aa ŋiɛc luɔi Yïn Nhialic de nɔm nhiëër agɔk, ku päl de karɛc, Yïn ee piɔ̈u adhuɛ̈ŋ ku ye piɔ̈u dap kok, ku Yïn ee Yïnɔm dap waar ku cïï kɔc ee luöi këtuc.

Maika 7:18

Go Maika lueel, an, “Acïn Nhialic däŋ kït ke Yïn Bɛ̈nydït, Yïn ee kɔckuön lik cï döŋ apïr päl awɛ̈ɛ̈cken. Yïn cïï agönhdu ee cuuth aɣet athɛɛr. Ku Yïn kɔɔr bä wo nhiaar në nhiëërduön agɔk.

Dhek 13:1

Acï Bɛ̈nydït lueel an, “Në ee köölë, awaŋ de pïïu abï liep wɛɛkë kërɛɛc de käu ë Debid kekë kɔc cieŋ Jeruthalem ayï acolden.

Dhek 13:7

Acï Bɛ̈nydït de rɛm lueel an, “Yaakë rɔt nhial yïn abätäu, ku makë tïn luui yɛn. Yup ke thök ë ke bï thiäi. Yɛn bï kɔckï mak,

Dhek 9:11

Aye Bɛ̈nydït lueel an, ‘Në biäk de mändï wo week, män cï thaany në riɛm, yɛn bï kɔcku luöny bei në pul cïn yic pïïu, pul de pɛ̈c.

Math 20:28

cït man ë Wën ë Raan, aa cïï bɔ̈ luɔi bï yen aa luöi käŋ, ee luɔi bï en ka ke kɔc aa looi, yen aa bï yen, ku luɔi bï en wëike gam ë wëër bï en kɔc juëc wɛ̈ɛ̈r bei.”

Math 26:28

riɛmdï kï, riɛm de löŋ cï piac mac, riɛm cï lëu në baŋ de kɔc juëc, në nyiɛɛi bï karɛcken nyaai.

Math 6:12

Ku ye wook päl käny cath ë wook, Acït man pɛ̈l wok kɔc cath ë känykuɔ.

Mak 14:24

Go keek yɔ̈ɔ̈k an, “Riɛmdï kï, ee kënë, riɛm de löŋ cï piac mac, riɛm cï lëu në biäk de kɔc juëc.

Luk 1:77

Bä kɔcke tɔ ŋic kunydɛn ë wëi. Në nyiɛɛi bï karɛcken nyaai,

Luk 24:47

ku an, puŋdepiɔ̈u ku päl ë kërac abï ke ya guiëër juöör ëbɛ̈n në rinke, gɔl ë Jeruthalem.

Jɔn 20:23

Kɔc kedhie kɔc bäk keek päl karɛcken, ka bï ke päl keek, ku kɔc cäkï keek bï päl karɛcken, ka cïï keek bïï päl karɛcken.”

Luɔi 10:43

Ku tït ëbɛ̈n acïk aa cäätɔɔ në këde an, në rin ke yen raan ëbɛ̈n raan gam en abï miɔɔc në nyiɛɛi bï karɛcke nyaai.

Luɔi 2:38

Go Petero ke yɔ̈ɔ̈k an, “Pɔ̈kkï wepiɔ̈ɔ̈th, ku takï röt baptith wedhie në rin ke Yecu Kërtho, ke bï karɛckun pɔ̈l, ke we bï miɔɔc në Wëidït ɣer.

Luɔi 20:28

Yen tiëŋ wek röt, ku tiɛtkï luny de thök ëbɛ̈n, luny cïï Wëidït ɣer tääu ë wecin an bäk tiit, bäk ɣön ë Nhialic aa cääm, ɣön cï ɣɔɔc ë riɛmde guöp.

Luɔi 3:19

Yen ja wek wepiɔ̈ɔ̈th puk, ku bɛkï wepiɔ̈ɔ̈th wɛ̈l Nhialic, ke bï karɛckun cuöth bei, ago akööl bɛ̈n ë Nhialic nyin akööl ke döm ë wëi ke kɔc,

Romai 2:4

Ku cï dhuëëŋ de yepiɔ̈u guɔ biɔɔn dhuëëŋ gök, ayï dït ë liɛɛr ë yenpiɔ̈u, ku guöm guum en kajuëc, ku kuc dhuëëŋ de Nhialic piɔ̈u nɔn thel en yïn tëde puŋ bï yïn yïpiɔ̈u puk?

Romai 3:24

Ku aye ke tɔ piɛthpiɔ̈ɔ̈th youyou në dhuëëŋ de yenpiɔ̈u në wëër cï ke wɛ̈ɛ̈r bei ë Kërtho Yecu yic,

Romai 3:25

raan cïï Nhialic tääu ë kɔc nïïm an, bï aa kë bï Nhialic luk, në gäm bï kɔc riɛmde gam. Kënë ee nyuöth nyooth en piath ë yenpiɔ̈u, ɣɔn pɛ̈l en karɛc cï looi thɛɛr, në liɛɛr ë yenpiɔ̈u,

Romai 9:23

ku bï dït ë dhuëëŋde nyuɔɔth në töny ke kokdepiɔ̈u, töny cï kɔn looi, bïk aa ka ke dhuëëŋ,

1 Kor 1:30

Ku yen aye week tɔ tɔ̈u ë Kërtho Yecu yic, raan cïï Nhialic tɔ ye pɛlënɔm në baŋda, ku piathëpiɔ̈u, ku ɣɛɛrëpiɔ̈u, ku wëër wëërë wo bei,

2 Kor 8:9

Wek ŋic dhuëëŋ de Bɛ̈nydan Yecu Kërtho piɔ̈u, acakaa yen ë juëc ë kake, ke ye rɔt tɔ ye raan kuany nyin në biäkdun, luɔi bä wek aa kɔc juëc ë kakun në kuany kuɛɛny en nyin.

Epethiei 1:14

Yen aye biäk cï kɔn gäm wook tueŋ, biäk de kë buk lɔ̈ɔ̈k lak, aɣet wëër bï kë cï ɣɔɔc wɛ̈ɛ̈r bei ëtaitai, ke dhuëëŋde bï leec.

Epethiei 1:18

Ke we bï tɔ daai apiɛth në nyïïn ke wepiɔ̈ɔ̈th, bäk aŋäth ŋic aŋäth de cɔ̈tdɛn cï en we cɔɔl, ku ŋiɛckï dhuëëŋ bïï Nhialic lɔ̈ɔ̈k lak ë kɔckɛn ɣerpiɔ̈ɔ̈th yiic, dït dïït en,

Epethiei 1:6

në lɛc bï dhuëëŋ de yenpiɔ̈u aa leec dhuëëŋ cï läkëläk, dhuëëŋ cï gäm wook ëdhuëëŋ në biäk de Raan Nhiɛɛr!

Epethiei 1:8

dhuëëŋ cï ŋuak nyin tëde wook! Në pɛlënɔm ëbɛ̈n ku piathënɔm ëbɛ̈n!

Epethiei 2:4

Ku Nhialic Raan kok piɔ̈u aläl, në dït ë nhiëër ë nhiɛɛr en wook,

Epethiei 2:7

luɔi bï en dït ë dhuëëŋ de yenpiɔ̈u nyuɔɔth wadäŋ thɛɛr në piny bï bɛ̈n, dhuëëŋ dïït wär këriëëc, në miɛt mit en piɔ̈u ke wook ë Kërtho Yecu yic.

Epethiei 3:16

aguɔ lɔ̈ŋ, ke bï we gäm riɛl në dït ë dhuëëŋ de yenpiɔ̈u, abäk riɛl ë riɛldït në Wëike ë wepiɔ̈ɔ̈th thïn,

Epethiei 3:8

Yɛn guöp, acakaa yɛn ë koor ë kɔc ɣerpiɔ̈ɔ̈th kedhie, yɛn ë miɔɔc në dhuëëŋë, luɔi bän Juöör guiëër ka ke Kërtho, kek aye wëu cïï duëërë gïth nïïm,

Pilipoi 4:19

Ku Nhialicdï abï we tɔ kueth në këdak week ëbɛ̈n në juëc ë kakɛn nu paandɛn ë dhuëëŋ ë Kërtho Yecuyic.

Kolothai 1:14

Wëndɛn cï wo wɛ̈ɛ̈r bei në riɛmde, ago wo tɔ pɛ̈lë karɛckuɔ.

Kolothai 1:27

Acï miɛt ë Nhialic piɔ̈u luɔi bï en keek tɔ ŋic dït de dhuëëŋ de këcïmoonyë ë Juööriic, yen aye täu tɔ̈uwë Kërtho ë weyiic, ku ye aŋäth de dhuëëŋ.

Kolothai 2:13

Ku week, wek kɔc ɣɔn cï thou në karɛckun, ku në luɔi kënë rïïŋdun cueel, we cï bɛ tɔ pïïr në yen ëtök, të cï en karɛckuɔ päl wook kedhie,

Kolothai 2:2

Ke ke bï muk piɔ̈ɔ̈th, ku matkï ëtök në nhiëër, ku në kuɛth bï kek kuɛth në ŋïny ŋic kek käŋ ëgɔk agokï këcïmoony de Nhialic ŋic, yen aye Kërtho,

1 Tim 2:6

raan cï rɔt gaam bï aa kë ye kɔc wɛ̈ɛ̈r bei kedhie, raan cïï këde lueel në cäätɔɔ ëkööldɛn piɛth,

Tito 2:14

raan cï rɔt gäm thuɔɔu në biäkda, luɔi bï en wo wɛ̈ɛ̈r bei ë luɔi racic ëbɛ̈n, ago jur mɛɛn tɔ ɣerpiɔ̈u ëtop abï aa këde, jur lëthic ë luɔi piɛth.

Tito 3:6

Kek Wëi cï luööŋ ë wogup abuk kuɛth ë keek në Yecu Kërtho Konyda,

Ɣeberuu 9:22

Acï löŋ lueel an, tëdït ë käŋ kedhie abï ke dhil tɔ ɣeriic në wïïth ë riɛm, acïn päl awɛ̈ɛ̈c të cïn riɛm cï lɛ̈u.

1 Pet 2:24

Yenguöp ë karɛckuɔ ɣääc ë yeguöp ë tim kɔ̈u, luɔi bï wok thou tëde kërac, ku jɔku pïïr tëde piathëpiɔ̈u, dui ë duiyë ye, en aa tɔ we dem.

1 Pet 3:18

Luɔi cï Kërtho käŋ guum aya raantök në këde kërac, raan piɛthpiɔ̈u en aa gum käŋ në biäk de kɔc racpiɔ̈ɔ̈th, luɔi bï en wo lɛɛr të nu Nhialic, ë tɔ thou ë guöpic, ku tɔ pïïr ë wëi yiic,

1 Jɔn 2:12

Wek gäär, wek mïththiaakäŋ, ë luɔi cï karɛckun päl week në baŋ de rinke.

1 Jɔn 2:2

Ku yen aye kë cï Nhialic luk në baŋ de karɛckuɔ, ku acie karɛckuɔ wapäc, ee karɛc ke piny nɔm ëbɛ̈n ayadäŋ.

1 Jɔn 4:10

Nhiëër kï ee kënë, acie luɔi ë nhiɛɛr wo Nhialic, ee luɔi nhiɛɛr en wook, ago Wënde tuööc abï aa kë bï Nhialic luk në karɛc cuk looi.

Nyuuth 14:4

Kɔckë ee kɔc kën kegup tɔ rac në diäär: ayek kɔc kën kɔn lɔ ë diäär: Kɔckë ee kɔc ë Nyɔŋamääl kuany cök, të de en të le yen thïn. Kɔckë aake wëërë bei ë kɔc yiic, bïk aa kɔc cïï piny kɔn luɔk ë ke në këde Nhialic ku në këde Nyɔŋmääl.

Nyuuth 5:9

Ku kitkï din ë piɛc cak, luelkï, an, “Yïn rɔ̈ŋ we luɔi duëër yïn awerek nööm, ku kuek adɔ̈kkë bei: Ë luɔi cï yï nɔ̈k, ago wo wɛ̈ɛ̈r bei në riɛmdu në këde Nhialic ë dhiën yiic ëbɛ̈n, ku thok yiic ëbɛ̈n, ku kɔc yiic ëbɛ̈n, ku juöör yiic ëbɛ̈n,