Epethiei 1:1 - JAM DE NHIALIC 2011

¹ Yɛn Paulo, tuny ë Yecu Kërtho në këde piɔ̈n ë Nhialic. Awerek en gäär kɔc ɣerpiɔ̈ɔ̈th nu Epetho, kek kɔc adööt kɔc nu ë Kërtho Yecu yic:

Epethiei 1:1 Iomraidhean Croise

Kuɛ̈n 12:7

Ku acä ye looi aya të jaam Ɛn wokë awundiën Mothe, acä tääu në kɔckï nïïm kedhie.

Luk 16:10

Raan ee kaliiakäŋ ŋiëc döt, yen aye kajuëc ŋiëc döt ayadäŋ: ku raan ë kaliiakäŋ kuöc döt, yen aye kajuëc kuöc döt ayadäŋ.

Luɔi 16:15

Na wën, aacï baptith, kekë dhiënde ëbɛ̈n, ke läŋ wook an, “Të cä wek a tɔ ye raan ë ka ke Bɛ̈nydït döt, bäkï ɣöndï, bäk bɛ̈n rëër thïn.”

Luɔi 18:19

Go bɛ̈n Epetho, ku nyiëëŋ keek piny ëtɛ̈ɛ̈n. Na wën, ke yenguöp ke lɔ luaŋ ë Nhialic, le wël guiir kekë Judai.

Luɔi 18:21

Go keek tɔ̈ɔ̈ŋ, ku lueel an, Dhuëëŋ abɔ̈ ënɔɔnë abä dhil lɔ looi Jeruthalem, ku yɛn bï a nɔm dɔ̈k week tei, të cï Nhialic e lueel. Go jäl ë Epetho ke cath ë abël.

Luɔi 9:13

Go Anania bɛ̈ɛ̈r, an, “Bɛ̈nydït, këde raanë acä piŋ tëde kɔc juëc, në karɛc juëc cï luöi kɔckuön ɣerpiɔ̈ɔ̈th ë Jeruthalem.

Romai 1:1

Yɛn Paulo, lïm de Yecu Kërtho, raan cï cɔɔl, an, bï aa tuc, raan cï tɔ̈ɔ̈u pei në këde wëlpiɛth ke Nhialic.

Romai 1:7

Wek kɔc nu Roma wedhie, kɔc nhiɛɛr Nhialic, ku cï we cɔɔl, bäk aa kɔc ɣerpiɔ̈ɔ̈th. Ë dhuëëŋdepiɔ̈u tɔ̈u ë weyiic kekë mät, ë ke bɔ̈ tëde Nhialic Wääda kekë Bɛ̈nydït Yecu Kërtho.

Romai 8:1

Yen ka, acïn gääk be nu ë kɔc yiëth kɔc nu ë Kërtho Yecuyic, kek kɔc cie tɔ̈u ë täu de guöp, ayek tɔ̈u ë täu de wëi.

1 Kor 4:12

wok ee cool ë loi luɔi ë wocin: lat wo, ke luelku, an, thieithieei, yɔŋ wo, ke gumku,

1 Kor 4:17

Yen aa tuöc ɛn Timotheo week, ee wëndiën nhiaar ku ee raan adöt ë ka ke Bɛ̈nydït, en abï week tɔ tak wenïïm në täu aa yen tɔ̈u ë Kërtho yic, acït man wɛ̈ɛ̈t ɛn baai ëbɛ̈n në ɣööt ke Nhialic yiic ëbɛ̈n.

2 Kor 1:1

Yɛn Paulo, tuny ë Yecu Kërtho në këde piɔ̈n ë Nhialic, wokë Timotheo mɛnhkënëda. Awerek en gɛ̈ɛ̈rku ɣön ë Nhialic nu Korinth, kekë kɔc ɣerpiɔ̈ɔ̈th kedhie kɔc nu Akaya ëbɛ̈n:

Galatai 1:1

Yɛn Paulo, tuc, ku cä ye tuny ë kɔc, ku acie raan en ee toc ɛn, ee Yecu Kërtho, kekë Nhialic Wääda, Raan ë jɔt en ë kɔc cï thou yiic.

Galatai 3:26

Wek ee wɛ̈ɛ̈t ke Nhialic wedhie në gäm cä wek Kërtho Yecu gam.

Galatai 3:28

Judai ayï Girikii aliu ee tënë, ayï lïm ayï raan ë cath ë këde yenhde aliukï ayï moc ayï tik aliukï aya: week wedhie wek ee tök në Kërtho Yecu yic.

Galatai 3:9

Ago kɔc ke gäm ago ke guɔ thieei në Abraɣam ëtök, raan ŋic gäm.

Epethiei 1:15

Ku yɛn aya, të cän gämduön cä wek Bɛ̈nydït Yecu gam piŋ, ku piɛŋ nhiëër nhiaar wek kɔc ɣerpiɔ̈ɔ̈th kedhie,

Epethiei 2:10

Wok ee cuɛ̈cde, në cäŋ cï wo cak ë Kërtho Yecu yic në këde luɔi piɛth cïï Nhialic kɔn lueel, an, buk aa cool ë looi wo keek.

Epethiei 2:13

Ku ënɔɔnë në Kërtho Yecu yic, wek kɔc wään nu tëmec, we cï bɛ̈ɛ̈i tëthiɔ̈k në riɛm de Kërtho.

Epethiei 2:6

Ku acï wo jat nhial ëtök, ago wo tɔ rɛ̈ɛ̈r ëtök paannhial në Kërtho Yecu yic:

Epethiei 6:21

Ku ënɔɔnë, luɔi bä wek kakï ŋic, ku ŋiɛckï täu täu ɛn, we bï Tukiko tɔ ŋic käŋ kedhie, yen aye mɛnhkënëdan nhiaar, ku ye raan ë käŋ ŋiëc döt në luɔi de Bɛ̈nydït.

Kolothai 1:2

Awerek en gɛ̈ɛ̈rku kɔc ɣerpiɔ̈ɔ̈th ku mïthëkɔckuɔn adööt ë Kërthoyic kɔc nu Kolothai: Ë dhuëëŋdepiɔ̈u ë tɔ̈u ke week ayï mät, në ke bɔ̈ tëde Nhialic Wääda kekë Bɛ̈nydït Yecu Kërtho.

Nyuuth 17:14

Ku abïk tɔŋ yiɛ̈n Nyɔŋamääl, ku abï Nyɔŋamääl ke tiaam, luɔi ee yen Bɛ̈nydït ë bäny nïïm, ku ye melik ë meliik nïïm, ku kɔc cath në yen acï ke cɔɔl, ku cïke lɔc, ku yek adööt.”

Nyuuth 2:10

Du riɔ̈c ëtaitai në ka bä guum. Tïŋ, jɔŋdït rac akɔɔr luɔi bï en kɔc kɔ̈k ë weyiic cuat ë aloocic, luɔi bï we them, ku we bï këtuc dhal week yök ë nïn kathiëër. Ee gämdu döt a thou yïn, ke yïn bä miɔɔc nɔm ë göl ë pïïr.

Nyuuth 2:13

Yɛn ŋic luɔidu, ku ŋiɛc të tɔ̈u yïn thïn, yen të nu thööny ë Catan, ku yïn ee rinkï döt ë muk, ku kɛ̈në gäm gɛm yïn ɛn jai, acakaa kööl ɣɔn nu Antipa cäätɔdiën adöt, raan cï nɔ̈k ë weyiic, të ye Catan rëër.