Diɛt 74:2 - JAM DE NHIALIC 2011

² Tak akutnɔmduön wään bä keek lɔ̈c rɔt ɣɔn thɛɛr, kɔckuön awään bä keek bɛ̈ɛ̈i bei ë yaaŋic bïk aa wundu. Tak Yïnɔm në kuur de Dhiɔn wään cï Yïn kɔn ceŋ thïn.

Diɛt 74:2 Iomraidhean Croise

Diɛt 106:40

Ëtɛ̈ɛ̈n Nhialic acï piɔ̈u bɛ̈n diu kekë kɔcke, ago kɔcke maan.

Diɛt 135:4

Bɛ̈nydït acï dhiën de Jakop lɔ̈c rɔt, ku lɔc kɔc ke Yithriɛl ke ke ye kɔcke.

Diɛt 33:12

Thieithieei në jur ye Nhialicde Bɛ̈nydït, thieithieei në kɔc cï ke lɔc bïk aa kɔcke.

Diɛt 68:16

Eeŋö ya wek kuur cïï Nhialic lɔc bïï Yen rɛ̈ɛ̈r thïn woi në abiaan, wek kur dït de nïïm awiɛn? Bɛ̈nydït abï rɛ̈ɛ̈r ëtɛ̈ɛ̈n aɣet athɛɛr!

Diɛt 77:15

Në riɛldu Yïn cï kɔcku luök, kuat de Jakop kekë Jothep.

Diɛt 9:11

Pianykï Bɛ̈nydït; Raan ceŋ Dhiɔn! Lɛ̈kkï juöör ëbɛ̈n kë cï looi!

Diɛt 9:12

Nhialic ee kɔc yɔŋ tak, ku acïï nɔm ee määr në dhiënden, ee kɔc ee kɔc yɔŋ luöi këtuc.

Diɛt 94:14

Bɛ̈nydït acïï kɔcke bï nyääŋ piny, acïï kɔc ke nɔmde bï pɔ̈l.

Bɛ̈n 15:13

Yïn ë nhiëërduön agɔk döt apiɛth, go kɔc cï luök kuaath, ku wat keek në riɛldu, abïk ɣet piny ɣeric.

Bɛ̈n 15:16

Aake tïŋ riɛldu Bɛ̈nydït, gokï riɔ̈ɔ̈c arëët, ku kɛ̈ɛ̈ckï ke ke thany kethäär atëëk ë kɔcku. Kɔc ɣɔn lunyë bei në lïïmic.

Yith 51:11

Kɔc ɣɔn ca ke kony, abïk ɣet Jeruthalem në miɛtëpiɔ̈u, ke ke kët ku wuoukï në miɛtëpiɔ̈u. Abïk piɔ̈ɔ̈th miɛt aɣet athɛɛr, abïk nïïm lääu aɣet athɛɛr të cïn dhiëëu ku jiɛthëpiɔ̈u.

Yith 62:12

Wek bï aa cɔɔl an, “Kɔc ɣer yiic ke Nhialic,” Kɔc cïï Bɛ̈nydït ke luök. Nyan de Dhiɔn abï aa të nhiɛɛr ë Nhialic,” “Pänydïït kën ë Nhialic pɔ̈l.”

Yith 62:6

Yɛn cï kɔc ee tïït tääu në pɛ̈ɛ̈ny ke Jeruthalem kɔ̈ɔ̈th, acïï bï mim aköl ku wakɔ̈u, abïk Bɛ̈nydït aa täk nɔm në gutguutkɛn cï lueel ku cïkï bï tɔ mär nɔm në keek.

Yith 63:17

Eeŋö yïn wo tɔ mär kueerdu? Eeŋö yïn wo tɔ ril nïïm abuk röt yal wei në kueerdu yic? Bä ciëën, në biäk de kɔc ee yïn luööi, ku në biäk de dhiëën ee kaku.

Yith 63:9

në nuɛɛnken yiic ëbɛ̈n. Aa cie tunynhial, ee Yen Bɛ̈nydït guöpde Yen aa kony keek. Në nhiëërde ku kok de piɔ̈nde acï ke bɛ̈n kony. Aa ye keek gël ë ceŋ në run wään cï tëëk,

Jeremia 10:16

Nhialic de Jakop acïï cït keek, ee Yen ee Raan ë loi këriëëc ëbɛ̈n, ku lɔc Yithriɛl bïï aa kɔcke. Bɛ̈nydït de rɛm Yen aye rinke.

Jeremia 51:19

Nhialic de Jakop acïï cït keek, ee Yen ë loi këriëëc ëbɛ̈n, ku acï Yithriɛl lɔc bïï aa kɔc ke nɔmde. Bɛ̈nydït de rɛm, yen aye rinke.

Luɔi 20:28

Yen tiëŋ wek röt, ku tiɛtkï luny de thök ëbɛ̈n, luny cïï Wëidït ɣer tääu ë wecin an bäk tiit, bäk ɣön ë Nhialic aa cääm, ɣön cï ɣɔɔc ë riɛmde guöp.

Nyöŋ 32:9

Në baŋ ye biäk de Bɛ̈nydït kɔcke ku Jakop ee këdɛn cï gäm en.

Nyöŋ 4:20

Ku wek ee kɔc ë luɛ̈kë bei në Rip, yen manydïït ë wëëth dɛ̈p. Aa bïï week bei, bïï week bɛ̈n tɔ ye kɔcke, cït man tɔ̈u wek ee köölë.

Nyöŋ 9:26

Aguɔ Bɛ̈nydït lɔ̈ŋ, an, ‘Awärjäŋ, du kɔcku riɔ̈ɔ̈r nyïïn, kɔckuön cï luök, ku bɛ̈ɛ̈iyë kek bei ë Rip në riɛlduön dït

Nyöŋ 9:29

Ku aŋic, nɔn ye kek kɔckuön cï lɔc bï aa kɔcku, cï ke bɛ̈ɛ̈i bei ë Rip në riɛlduön dït.’

Tito 2:14

raan cï rɔt gäm thuɔɔu në biäkda, luɔi bï en wo wɛ̈ɛ̈r bei ë luɔi racic ëbɛ̈n, ago jur mɛɛn tɔ ɣerpiɔ̈u ëtop abï aa këde, jur lëthic ë luɔi piɛth.

Nyuuth 5:9

Ku kitkï din ë piɛc cak, luelkï, an, “Yïn rɔ̈ŋ we luɔi duëër yïn awerek nööm, ku kuek adɔ̈kkë bei: Ë luɔi cï yï nɔ̈k, ago wo wɛ̈ɛ̈r bei në riɛmdu në këde Nhialic ë dhiën yiic ëbɛ̈n, ku thok yiic ëbɛ̈n, ku kɔc yiic ëbɛ̈n, ku juöör yiic ëbɛ̈n,