Diɛt 69:3 - JAM DE NHIALIC 2011

³ Yɛn cï bäp në cɔ̈t kaar en kuɔɔny, ka röldï arem. Nyïïnkï acïk tuööp, ke ya kɔɔr kuɔɔny tëde Nhialic.

Diɛt 69:3 Iomraidhean Croise

Jop 11:20

Ku nyïïn ke piɔ̈ɔ̈th ke kɔc ee karɛc looi acïkï ee bɛ daai, acïkï kuɛɛr ke bän ee bɛ yök, ku jäl ë wëiken yen aŋäth töŋdɛn cï döŋ.

Jop 16:16

yɛn cï nyin thiɛth në dhiëëu, ë ya bɔ̈ɔ̈t nyin, ka nyïïn thäärkï acïn kë bekï woi,

Diɛt 119:123

Nyïïnkï acïk ŋoot ke ya woi kuɔɔnydu, ku në luɔi bïï ë gutguut de piathëpiɔ̈ndu tɔ ee yic.

Diɛt 119:82

Yɛn cï nyin ŋoot ke ya tït gutguut cï lueel, të yan thiëc an, “Ee nɛn yen bï Yïn yɛn kony?”

Diɛt 22:15

Riɛldï ë koth cï tööny ë tiɔp, ku nuɛt liemdï rɔt ë dai yic nhial. Yïn cï ya nyääŋ piny në abuui de thuɔɔuwic.

Diɛt 22:2

Yïn cä cɔɔl aköl Nhialicdï, ku Yïn kën cɔ̈tdï puk nɔm. Yïn cä cɔɔl wakɔ̈u, ku acïn kë cï puɔ̈k nɔm ɛn.

Diɛt 25:21

Tɔ rɛ̈ɛ̈r agɔk ku piɔ̈n awai muk ɛn, në luɔi ŋääth ɛn Yïn.

Diɛt 39:7

Eeŋö däŋ pei bä ŋɔ̈ɔ̈th tëde Bɛ̈nydït? Ee yïn aya ŋɔ̈ɔ̈th Yïtök.

Diɛt 40:3

Ku yïk a thok din ë piɛcë cak, din lɛɛc ɛn Nhialicda. Kɔc juëc abïk ee kënë tïŋ ku lamkï Nhialic. Ku ëtɛ̈ɛ̈n abïk Bɛ̈nydït jɔ ŋɔ̈ɔ̈th.

Diɛt 6:6

Yɛn cïï dhiën ë piɔ̈u tɔ bäp, biöŋdï ee ruu ke mɔɔl nɔm ë wɛ̈ɛ̈ric ëbɛ̈n në pïïu ke dhiëëu, ku kɔmdï ee wac në pïïu ke yanyin.

Diɛt 69:21

Wään de yɛn guöp cɔk, gokï ya gäm wurïï, wään de yɛn guöp rou, gokï ya gäm kuɔɔt.

Diɛt 88:7

Yɛn cï agönhdu miɛn kɔ̈u aläl, cït man ye apiöŋ de wɛ̈ɛ̈r raan mɔu.

Yith 38:14

Yɛn ë röl kuur ku acïï be ë piŋ, ka yɛn aa dhiau cït guuk. Yɛn ë nyin ŋoot në luɔi wɔi yɛn paannhial. Bɛ̈nydït acï a luäk në nuanë yic ëbɛ̈n.

Dhiëëu 2:11

Nyïïnkï acï ke but në dhiëëu, ku rem a piɔ̈u. Yɛn cï bäp wokë dhiënëpiɔ̈u në riääk cïï ë kɔckï riɔ̈ɔ̈k. Mïthkor ku mïththii ateteet ayek thɔ̈ɔ̈k në kuɛɛr ke pänydït yiic.

Jɔn 19:28

Na wën, aacï kakë wan, luɔi ŋicë Yecu nɔn cï käŋ guɔ thök kedhie, ke këcïgɔ̈ɔ̈r bï aa yic, ke jɔ lueel an, “Yɛn cï yal.”

Nyöŋ 28:32

Wɛ̈ɛ̈tkun ku duetkun abï keek gam ke ke ye lïïm de kɔc lei ke we tɔ̈u thïn. Aköölnyïïn we bï we nyïïn aa ruɛɛt piny, ke we daai youyou, na de të bï mïthkun röt puk.

Ɣeberuu 5:7

Ɣɔn nu Yecu ë piny nɔm, acï Nhialic lɔ̈ŋ ku dhiɛɛu në röldït, lɛ̈ŋ Nhialic Raan duëër en kuöny bei në thuɔɔuwic. Aye lɔ̈ŋ në riëëu ku kuur yen rɔt kuɔɔr piny në Nhialic nɔm, go Nhialic lɔ̈ŋde piŋ.