3 Tɔ kɔc lec yïn Nhialic, tɔ kɔc kedhie lec Yïn!
Gämë yɛn pïïr, aguɔ Yïn aa leec, në wëëtdu kony yɛn.
Luöny ë yɛn bei në aloocic, aguɔ rinku gäm thieithieei ë kɔcku yiic, në biäk de piathëpiɔ̈ndu we yɛn, yïn bä piɔɔny.
Yɛn bï rinku tɔ ye luöi dhuëëŋ në rɛm ëbɛ̈n, kɔc kedhie abïk Yïn aa leec në nïn bï bɛ̈n kedhie aɣet athɛɛr.
Tɔ kɔc lec yïn Nhialic, tɔ kɔc kedhie lec Yïn!
Du kɔc yɔŋ keek bï tɔ yäär, tɔ kɔc kuanynyïïn ku kɔc cïn käŋ lec Yïn.
Go ë Bɛ̈nydït lɛ̈k ɛn an, “Yɛn de këdïït luɔɔi në biäkdu, yïn awundï. Acie biäk bïï yïn dhiëën ke Jakop tɔ dït, ku ta Yithriɛl cï döŋ apïïr puk nɔm yetök, ku yïn bä tɔ ye ɣɛɛr de juöör aya, ago kɔc ke piny nɔm kony wëi.”
Në biäk de ee kënë, Bɛ̈nydït abï kɔcke kɔn päl wei, agut të bïï tiiŋ rɔ̈p kɔn dhiëth, ku kɔn kɔckɛn cï döŋ apïïr kenïïm puk, bïk bɛ̈n mat në Yithriɛl.
