Diɛt 5:7 - JAM DE NHIALIC 2011

⁷ Ku në biäk ë nhiëërduön agɔk, yɛn duëër bɛ̈n ɣöndu, yɛn bï lam Luaŋduön ɣeric ku guöt a nɔm piny në Yïnɔm në riëëu.

Diɛt 5:7 Iomraidhean Croise

1 Mel 8:35

“Të cïï Yïn deŋ tɔ kääc ke cïï be tuɛny, në biäk cïï kɔcku Yï luöi awäc, ku cïk kepiɔ̈ɔ̈th puk, ku wëëtdï kenïïm eenë, ke ke läŋ Yïn ke ke koor röt piny,

1 Mel 8:38

Ke Yï jɔ lɔ̈ŋden piŋ. Të de yen raan töŋ de kɔc ke Yithriɛl cï piɔ̈u dhiau në riäŋ cï ke yök, ku puk rɔt Yïn ke tɛ̈ɛ̈r e cin ë Luaŋdïïtë në lɔ̈ŋ.

Diɛt 101:7

Acïn aluenh bï rëër ɣöndiën ë bääny, ku acïn raan de yic aguk bï tɔ̈u ë yalɔ̈ɔ̈m.

Diɛt 130:4

Ku Yïn ee wook päl awɛ̈ɛ̈ckuɔ, ke wo bï aa riɔ̈ɔ̈c ë Yïn.

Diɛt 132:7

Goku lueel an, “lokku ɣön de Bɛ̈nydït, lok lɛmku në thööcde nɔm.”

Diɛt 138:2

Yɛn bï yanɔm wɛl luaŋduön ɣeric, ku guöt yanɔm piny ku lɛɛc rinku në biäk de nhiëërduön agɔk ku piɔ̈nduön adöt, në biäk cï yïn rinku ku lööŋku nyuɔɔth nɔn nu kek ë käŋ nïïm ëbɛ̈n.

Diɛt 28:2

Piŋ lɔ̈ŋdï, të dhiëëu ɛn kuɔɔny, të yan yacin jat nhial të lɔ tëduön ɣeric.

Diɛt 34:17

Të cïï kɔc piɛthpiɔ̈ɔ̈th dhiau në Bɛ̈nydït nɔm ke ke kɔɔr kuɔɔny, aye Bɛ̈nydït piŋ, ku luɛ̈k keek bei në nuan cï keek yök yic.

Diɛt 51:1

Kokëpiɔ̈u we yɛn, në biäk ë nhiëërduön agɔk. Në biäk de kokdepiɔ̈ndu, nyaaiyë awɛ̈ɛ̈ckï wei!

Diɛt 52:8

Ku yɛn cït tim de olip tɔ̈c nu ɣön ë Nhialic yic, yɛn ee nhiëër agɔk de Nhialic ŋɔ̈ɔ̈th aɣet athɛɛr.

Diɛt 55:16

Ku yɛn bï Bɛ̈nydït Nhialic cɔɔl bï a kony, ku abï yɛn luök.

Diɛt 69:13

Ku në biäkdï, Bɛ̈nydït, ee Yïn bä ya lɔ̈ŋ, gam lɔ̈ŋdï Nhialic, në köölduön cï lɔc. Bɛ̈ɛ̈rë lɔ̈ŋdï në biäk de nhiëërduön agɔk, në biäk ee Yïn gutguutduön de kuɔɔny döt.

Diɛt 69:16

Bɛ̈ɛ̈rë lɔ̈ŋdï Bɛ̈nydït, në piath de nhiëërduön agɔk, në biäk de dït de kokdepiɔ̈ndu, Pɔ̈kë rɔt ɛn!

Kɛ̈ŋ 6:16

Kakë kadhetem ee ka mɛɛn ë Bɛ̈nydït keek, ayï dhoronden acïï ke kɔɔr bï ke tïŋ taitai. Ɣɛ̈ɛ̈c ë nɔm, ku liem ee lueth töör, ku ciin ee raan cïn guöp awäc nɔ̈k, ku piɔ̈n ee karɛc tak, ku cök ee pial ë yät të le kek kërac looi, ku cäätɔ ee käŋ cak ëbɛ̈n, ku raan ee wël rac com në kɔciic.

Yith 55:7

Takkï kɔc ee karɛc looi päl kueer ë pïïrden, ku waar kɔc cïï piɔ̈ɔ̈th piath täŋden ë ke puk röt Bɛ̈nydït, Nhialicda ee piɔ̈u kok ku ee karɛc dap pɔ̈l.

Yith 64:11

Ku ɣöndan ɣeric läk, të wään ye kuarkuɔ yï piɔɔny thïn, acï riɔ̈ɔ̈k në mac. Ɣään piɛthkuɔ kedhie acï ke riɔ̈ɔ̈k.

Danyel 6:10

Na ɣɔn aacï Danyel ye ŋic nɔn cïï ë rin gäär thïn, go lɔ baai. Le ɣöndɛn nu nhial, ku awëërnyïïn ke ɣönde aake wel röt të lɔ Jeruthalem. Në awëërnyin ëtɛ̈ɛ̈n ee yemiɔl tuk, ku lɛ̈ŋ Nhialic raan diäk ë kööl tök, cït man yen e looi ë ceŋ.

Ɣodh 3:5

Ku ëtɛ̈ɛ̈n, mïth ke Yithriɛl abïk kenïïm puk, ku kɔɔrkï Bɛ̈nydït Nhialicden, ku kɔɔrkï meliŋ cït Debid. Wadäŋ në akööl ciëën, abïk aa bɛ̈n në Bɛ̈nydït lɔ̈ɔ̈m në riëëu, bïï ë keek bɛ̈n thieei.

Luɔi 9:31

Go ɣööt ke Nhialic jɔ rëër ke ke lɔ dïu ë Juda ëbɛ̈n ku Galili ku Thamaria, gokï jɔ riɛl ë gäm, ku yek cath ë riëëu de Bɛ̈nydït, ku në muŋdepiɔ̈u de Wëidït ɣer, agokï kenyïïn ŋuak.

Ɣeberuu 4:16

Yen dɔm wok aŋäth ku cutku röt të nu Yecu në thööny de Nhialic lɔ̈ɔ̈m, ke wo bï kuɔɔny de kok de piɔ̈u kekë dhuëëŋ de piɔ̈u yök në aköölkë yic.

Jocua 24:15

Na cäkkï Bɛ̈nydït bï luööi, ke we lɔc raan bäk luööi ee köölë. Tɛk däŋ, bäk yiëth ɣɔn ye kuarkun lam piny de Yuparat lɔŋ tui kek bäk luööi, ku nɔn ee kek yiëth ke kɔc ke Amor, kɔc rɛ̈ɛ̈r wek pinyden. Na yɛn wokë baaidï, ee Bɛ̈nydït Yen abuk luööi.”