Diɛt 3:3 - JAM DE NHIALIC 2011

³ Ku Yïn Bɛ̈nydït, Yïn aye köndiën ee ya gël ë katuc, Yïn ee ya tɔ tiëm, ku rit a piɔ̈u.

Diɛt 3:3 Iomraidhean Croise

Cäk 15:1

Ku ëtɛ̈ɛ̈n, Abram ë jam de Bɛ̈nydït bɛ̈n piŋ në nyuöthic ke lueel an, “Abram du riɔ̈c, yɛn ee köndu. Yïn bä gël në kërac, ku yïn bä cuööt apiɛth.”

Cäk 40:13

Në ee nïnkë yiic kadiäk, melik de Rip abï yï lony, ku pɛ̈l yïn awänydu. Ku abï yï puɔ̈k nɔm në luɔidu yic. Ka bä bɛ aa gäm abïnyde cït man ɣɔn yïn en kɔn gäm en.

2 Mel 18:30

Ku duökï Ɣedhekia bï tɔ duöŋ week, ke we bï Bɛ̈nydït ŋɔ̈ɔ̈th, ku bäk lueel an, bï Bɛ̈nydït we kony, ku bïï rem de tɔŋ de Athiriyada tɔ kääc në luɔi bï kek pänydïïtdun dɔm.

2 Mel 18:32

aɣet të bï melik de Athiriya we lɛɛr piny kït aläl kekë pinydun, piny bï yic de duum ke enap bï ke mɔ̈u aa looi, ku duum ke rap ago kuïn aa thaal, ee piny de tiim ke olip, ago miök de olip aa looi, ku miök de kiëc. Na lak kë cï yen we yɔ̈ɔ̈k looi, we cï bï thou, ku we bï pïïr. Duökï röt tɔ mɛth ë Ɣedhekia an bï Bɛ̈nydït we luök.

2 Mel 25:27

Në kööl de thiërrou ku dhorou, në pɛɛi de thiëër ku rou, në ruöön de thiërdiäk ku dhorou, ɣɔn cï kɔc ke Juda peec, yen aa gɔl ë Ebilmerodak bäänyde ke ye melik në Babilon, ago piɔ̈u kok kekë Jekonia melik de Juda, ku lony ɣön ë döm.

Diɛt 110:7

Melik abïk aa dek në pïïu ke awuölic nu ë kueer këc, ku ëtɛ̈ɛ̈n abï riɛl yök, ku jɔ kɔ̈ɔ̈c ke cï tiam.

Diɛt 119:114

Yïn ee tëdiën ë thiaan ku ye köndï, yɛn cï aŋäthdï tääu në gutguutdu yic.

Diɛt 18:2

Bɛ̈nydït yen aye kuurdï, Yen aye ya gël, ku raan ee yɛn luök, ku ye Nhialicdï, ku kuurdiën de thiaan. Ku Nhialic ee köndï, ku ye tuuŋ de kuɔɔnydï, ku ye tëdiën de riɛl.

Diɛt 27:6

Ka yɛn bï kɔc de wok ater nu ë yalɔ̈ɔ̈m tiaam. Në diɛt ke miɛtëpiɔ̈u yɛn bï miɔ̈c gam ɣönde, yɛn bï ket, yɛn bï Bɛ̈nydït piɔɔny.

Diɛt 28:7

Bɛ̈nydït yen aye riɛldï ku ye köndï, aŋääth në yapiɔ̈u. Ee yɛn kony ku tɔ yɛn mit piɔ̈u, aya piɔɔny në diɛt ke miɛtëpiɔ̈u.

Diɛt 4:3

Ŋiɛckï apiɛth, nɔn cï Bɛ̈nydït kɔc piɛthpiɔ̈ɔ̈th lɔc bïk aa kɔc ke naamde, ku ee ya piŋ thok të caal ɛn En.

Diɛt 62:7

Kuɔɔnydï kekë dhuëëŋdï atɔ̈ukï tëde Nhialic, Yen ee kuurdiën ril, Yen ee tëdiën ë thiaan Yen Nhialic.

Diɛt 84:11

Bɛ̈nydït Nhialic ee akɔ̈l ku ee köt, ku ye meliŋ de dhuëëŋ, ee wo thiɛɛi në kok ë piɔ̈nde kekë riëëu. Acïn këpiɛth ee pɛ̈n, kɔc ee yic looi.

Yith 45:25

Yɛn Bɛ̈nydït, Yɛn bï kuat de Jakop luök, ku abïk Ɛn jɔ piɔɔny.

Yith 60:19

“Ruɛl de akɔ̈l acïï bï bɛ aa ɣɛɛrdun aköl ayï pɛɛi acïï bï bɛ aa ɣɛɛrdun wakɔ̈u, Yɛn Bɛ̈nydït, Yɛn abï ya ɣɛɛrduön tɔ̈u athɛɛr, ɣɛɛr de dhuëëŋdï abï riaau ë wegup.

Luk 2:32

Abï aa many bï juöör aa nyuööth, ku bï aa dhuëëŋ de jurduön Yithriɛl.”

Nyöŋ 33:29

Kɔc ke Yithriɛl, ee miɛt ë piɔ̈u cït ŋö, duëër wek piɔ̈ɔ̈th miɛt! Acïn kɔc cït week, jur ye Bɛ̈nydït kony. Ku Bɛ̈nydït guöp Yen aye köndun ku ye abätäudun, ee week kony ku tɔ we tiëm. Kɔc ke aterdun abïk bɛ̈n, bïk we lip, në kok bä wek piɔ̈ɔ̈th kok, ku ɣäänkɛn ke läm abäk keek duöm piny.

Nyuuth 21:11

ke cath ke dhuëëŋ de Nhialic, ku ɣɛɛrde acït kuur lɛ̈ɛ̈k tuc ë ɣööcde, acït kuur cɔl jathpi, ë lɔ kïr cït man ë acidhanh cɔl kuruthalo.

Nyuuth 21:23

Ku pänydït acïï akɔ̈l ee kɔɔr, ayï pɛɛi, lek ruɛl thïn: dhuëëŋ de Nhialic yen aaye pinyde riaau, ku nyɔŋamääl yen aye maanyde.