Diɛt 26:9 - JAM DE NHIALIC 2011

⁹ Du ɛn näk wokë kɔc de gup awɛ̈ɛ̈c, luäk wëikï tëde kɔc ee kɔc nɔ̈k,

Diɛt 26:9 Iomraidhean Croise

2 Tham 16:7

Go Cimei Debid lam an, “Jäl! Jäl! Raan ee kɔc nɔ̈k! Raan nhiany!

2 Tham 21:1

Ɣɔn ye Debid melik, cɔŋdït acï bɛ̈n tuöl, abïï run kadiäk lɛɛr. Go Debid Bɛ̈nydït lɔ̈ŋ. Go ë Bɛ̈nydït lɔ̈ŋde piŋ, ku puk nɔm en an, “Thaulo kekë dhiënde adekï gup aciɛɛn, në biäk cï kek kɔc ke Gibiɔn nɔ̈k.”

Diɛt 139:19

Nhialic, Yïn ŋääth nɔn bïï yïn kɔc rac nɔ̈k! Kɔc ke akuöörkuöör adï pɛ̈lkï yɛn!

Diɛt 51:14

Luäk ɛn në kɔc rac ee kɔc nɔ̈k, kony wëikï ku liemdï, ke ya bï konyduön ë wëi piɔɔny.

Diɛt 55:23

Ku yïn Nhialic, bɛ̈ɛ̈iyë kɔc ee kɔc nɔ̈k ku kɔc ee käŋ töör, tɔ ke lɔ në raŋic, ke biäk de runken ë kën kɔn thök. Ku në biäkdï, yɛn bï Nhialic ŋɔ̈ɔ̈th.

Malakai 3:18

Ku ëtɛ̈ɛ̈n, wek bï kë loi rɔt jɔ ŋic në kaam de raan ɣer piɔ̈u kekë raan ee karɛc looi, ku kaam de raan ee Nhialic luööi kekë raan cïï Nhialic ee luööi.

Math 24:51

ago nyaai ë käŋ yiic, ku tɔ yök këdɛn tuc kekë kɔc de yäc aguk ëtök, dhiëëu abï nu ëtɛ̈ɛ̈n kekë ŋëny de lec.

Math 25:32

go juöör kut nïïm kedhie ë yenɔm, go ke pɔ̈ɔ̈c, jurë ku jurë, cït man ë tïn ë thök tiit ee amɛ̈l poc ë bɔɔth yiic.

Math 25:44

Ku abïk puk nɔm aya an, ‘Bɛ̈nydït, ë yï cuk tïŋ nɛn ke yï cï cɔk nɔ̈k, ku cï yal, ku ye kaman, ku cïnë kɔ̈u lupɔ, ku tök yïn, ku mac yï, ku kënku yï kony?’

Math 25:46

Ku kɔckë abïk lɔ lek këdɛn tuc yök kë bï ceŋ athɛɛr, ku lɔ kɔc piɛthpiɔ̈ɔ̈th të nu pïïr athɛɛr.”

1 Tham 25:29

Cakaa de raan kɔɔr bïï yïn nɔ̈k, ke wëi ke Bɛ̈nydï abïk yïn tiit në kɔc pïïr ë tök, në riɛl de Bɛ̈nydït Nhialicdu. Ku wëi ke kɔc ke aterdu abï keek riëër wei cït man ë dön nu ë thieec thok.