Diɛt 24:3 - JAM DE NHIALIC 2011

³ Eeŋa duëër lɔ nhial në kuur de Bɛ̈nydït nɔm? Eeŋa duëër kɔ̈ɔ̈c tëdɛn ɣeric?

Diɛt 24:3 Iomraidhean Croise

1 Lëk 15:1

Na biäk de luɔide, go Debid ɣööt yïk ë pänydït de Debid yic. Ku jɔ piny guiir bï yen Athänduŋ de män ë Nhialic tääu thïn, ku jɔ luöi paany.

Diɛt 15:1

Bɛ̈nydït eeŋa bï lɔ ɣöndu? Eeŋa duëër lɔ̈ŋ në Dhiɔn nɔm, kuurduön ɣeric?

Diɛt 2:6

Ku lueel an, “Yɛn ë meliŋdï kuany në Dhiɔn nɔm, kuurdiën ɣeric.”

Diɛt 65:4

Thieithieei në kɔc cï keek lɔc, kɔc cï keek bɛ̈ɛ̈i bïk rɛ̈ɛ̈r ɣöndu. Wo bï kuɛth në kapiɛth tɔ̈u ɣöndu, athiɛɛi de ka nu luaŋduön ɣeric.

Diɛt 68:18

Yïn cï lɔ nhial në kuur bäär nɔm ya, ku jɔt kɔc juëc cï peec ku gam miɔ̈c tëde keek, ayï kɔc reec Yïn. Bɛ̈nydït Nhialic abï rɛ̈ɛ̈r ëtɛ̈ɛ̈n.

Edhekiɛl 44:5

go ë Bɛ̈nydït lɛ̈k ɛn an, “Mɛnh ë raan, woi ka ye tïŋ ku ka ye piŋ apiɛth. Yïn bä lɔ lɛ̈k lööŋ ku wëët de tëɣeric. Döt apiɛth, ee kɔc kou, kek bï aa tɔ lɔ Luaŋdït ku lek biic, ku ee yïŋa kek cïï bï ya lɔ.

Edhekiɛl 44:9

“Yɛn Bɛ̈nydït Awärjäŋ, yɛn aa lueel en, an acïn alen kënë cueel, ku cin raan cïï yɛn ee riëëu bï lɔ tëdiën ɣeric, na cakaa alen rɛ̈ɛ̈r në kɔc ke Yithriɛl yiic.”

Lebai 10:3

Na wën ke Mothe ë yöök Aron an, “Kënë ee kë wään bïï Bɛ̈nydït jam në biäkde, Ago Aron nɔm ciën këdɛn lueel në biäk de thon ë wɛ̈ɛ̈tke.

Malakai 3:1

Go Bɛ̈nydït de rɛm ke yɔ̈ɔ̈k an, “Piɛŋkï, Yɛn bï tunydï tuɔɔc tueŋ, le kueerdï kiɛm piny. Ku bïï löŋdiën cï mac bɛ̈n caal, yen tuny nhiaarkï. Ku ëtɛ̈ɛ̈n, Bɛ̈nydïïtduön kaarkï abï dap guɔ bɛ̈n Luaŋdït ëthiäu.

Jɔn 13:36

Go Thimon Petero thiëëc an, “Bɛ̈nydït, ee tënou bï yïn lɔ?” Go Yecu bɛ̈ɛ̈r an, “Të la yɛn thïn, yïn cïï a duëër kuany cök ënɔɔnë, yïn bï a kuany cök wadäŋ.”

Jɔn 20:17

Go Yecu yɔ̈ɔ̈k an, “Du ya jak guöp, yɛn ŋoot ke yɛn kën lɔ nhial tëde wäär. Jɔ lɔ tëde wɛ̈ɛ̈tamäthkuɔ, lɛ̈kë keek, an, Yɛn lɔ nhial tëde Wäär, ku ye Wuöördun, ku la tëde Nhialicdï, ku ye Nhialicdun.”

Ɣeberuu 12:28

Jɔku Bɛ̈nydït leec në luɔi cï Yen wo gäm ciɛɛŋ cïï duëër ë nieeŋ. Yok Nhialic tiiŋ piɔ̈u në läm ye wok e lam ku luuiku, ku lecku, yok riɔ̈ɔ̈c ku rïïuku.