Diɛt 127:2 - JAM DE NHIALIC 2011

² Acïn naamde bï raan aa lui aläl ë biäk de pïïr bï raan aa pääc miäk rial ku le tɔ̈c ke cï gääu. Bɛ̈nydït ee kɔc nhiɛɛr gäm këcam, ke ke nin.

Diɛt 127:2 Iomraidhean Croise

Jop 11:18

Ku yïn bï nyin riɛl në luɔi de yen aŋäth, yïn bï yïkɔ̈u aa lieec ku jɔ lɔ̈ŋ në mätic.

Diɛt 3:5

Yɛn ee tɔ̈c piny ku niɛɛn, Bɛ̈nydït ee ya gël në wɛ̈ɛ̈ric ëbɛ̈n,

Diɛt 4:8

Të cän tɔ̈c piny, yɛn ee niin ë mät, Ee Yïn Bɛ̈nydït Yïtök, ee Yïn ee yɛn gël apiɛth.

Diɛt 60:5

Luäk wook në riɛldu, bɛ̈ɛ̈rë lɔ̈ŋda, ago kɔckuön nhiaar keek kony wëi.

Kɛ̈ŋ 10:22

Kuɛth ee athiɛɛi de Bɛ̈nydït, ku acie luɔiduöndït.

Wɛ̈ɛ̈t 1:14

Yɛn cï luɔɔi ee looi ë piny nɔm ëbɛ̈n tïŋ, keek kedhie ayek ɣɔ̈ric, cït cum de yom cök.

Wɛ̈ɛ̈t 4:8

Ade raan rɛ̈ɛ̈r yetök, acïn nɔm meth, ku acïn nɔm mänhë, ku ee tɔ̈u aköölnyïïn, ke cïï piɔ̈u kueth në kajuëc tɔ̈u në yen, eeŋa jɔ luööi aläldïïtë aya ke cïï rɔt tɔ lɔ̈ŋ? Kënë ee ɣɔ̈ric ayadäŋ, ku ee pïïr de yic nuɛɛn.

Wɛ̈ɛ̈t 5:12

Raan ee lui ë yecin ee niin apiɛth, na cï cak cam ku nɔn kën cam arëët, ku juëc de kake raan kueth ayek en pɛ̈n nïn.

Wɛ̈ɛ̈t 6:7

Luɔɔi ril ye raan looi ëbɛ̈n ee biäk de thoŋde, ku acie kuɛth.

Jeremia 31:26

Ka abïï kɔc aa lueel an, ‘Yɛn aacï tɔ̈c aguɔ pääc ke ya ril.’

Edhekiɛl 34:25

Yɛn bï mät looi wo keek, män bï rëërdɛn tɔ tiëc. Yɛn bï läi rac tɔ̈u roor në piny yic nyaai, ago amɛ̈lkï ciën kë bï ke bɛ cam në duum yiic ku yek nïn roor.