Diɛt 102:2 - JAM DE NHIALIC 2011

² Të täu ɛn ë nuanic, du Yïnɔm ee wɛl wei ë yɛn! Piŋ kë lɛ̈k Yïn, ku dap yɛn piŋ thok të caal ɛn Yïn!

Diɛt 102:2 Iomraidhean Croise

Jop 34:29

Na cïï Nhialic lueel bïï ciën kë looi taitai, acïn raan duëër En yiëk yeth gääk. Të wel En enyin wei në raan nɔn ee jur aduëër ciën riɛl.

Jop 7:21

Eeŋö jiɛi Yïn luɔi pɛ̈l Yïn ɛn awɛ̈ɛ̈ckï ku nyaaiyë karɛckï? Ku ënɔɔnë yɛn bï tɔ̈c abuui yic, Yïn bï ya kɔɔr ku Yïn cïï ya bï bɛ yök.

Diɛt 104:29

Të cïn keek nyääŋ piny, ayek riɔ̈ɔ̈c, ku të cïn wëiku jɔt ayek thou ku dɔkkï kenïïm në abuuidɛn wään bïï kek thïn.

Diɛt 13:1

Bä nɔm jɔ määr në yɛn agut cï nɛn Bɛ̈nydït? Aɣet athɛɛr? Bä rɔt aa thiaan në yɛn aɣet cï nɛn?

Diɛt 143:7

Bɛ̈nydït bɛ̈ɛ̈rë lɔ̈ŋdï ënɔɔnë! Yɛn cï nɔm ciën aŋäth ëbɛ̈n. Du rɔt thian ë yɛn, na cie yen ke yɛn bï tɔ̈u në kɔc bï lɔ paan ë thuɔɔu.

Diɛt 17:1

Piŋ lɔ̈ŋdï Bɛ̈nydït yɛn lip yic, gɔk lɔ̈ŋdï yic apiɛth yɛn läŋ kuɔɔny! Piŋ lɔ̈ŋdiën cïn yic ruëëny.

Diɛt 22:19

Bɛ̈nydït du rɔt tɔ mec we yɛn! Yïn aye riɛldï, dap ɛn kony.

Diɛt 27:9

du rɔt thian në yɛn, du awundu pɛ̈l wei. Yïn aaye konydï, du ya nyiëëŋ piny, du ya päl, Nhialic, konydï.

Diɛt 31:2

Piŋ këdï, ku dap ɛn luök! Tɔ rɔt ee kuur gël ɛn, tɔ rɔt ee kal ril kony yɛn.

Diɛt 40:13

Kony ɛn Bɛ̈nydït! Dap a luök ënɔɔnë!

Diɛt 69:17

Du rɔt thiaan në awundu, yɛn nu në nuandïtic, luäk ɛn ënɔɔnë!

Diɛt 70:1

Nhialic kony ya! Bɛ̈nydït, luäk yɛn ënɔɔnë.

Diɛt 71:2

Në baŋ de piathëpiɔ̈ndu, luäk ɛn ku luönyë ë ya bei. Piŋ lɔ̈ŋdï ku kony yɛn.

Bɛ̈n 2:23

Ku në ee runkë yiic, melik ë Rip ë bɛ̈n thou, ku ŋoot kɔc ke Yithriɛl ke ke dhiau piɔ̈ɔ̈th në ciɛɛŋ cieŋ ë keek, ku yek kuɔɔny dhiëëu. Go Nhialic dhiënden piŋ.

Bɛ̈n 2:24

Na wën, aacï Nhialic dhiënden piŋ, ke tak mändɛn ɣɔn cï looi kekë Abraɣam, ku Yithaak, ku Jakop.

Yith 43:2

Të tëëk yïn në pïïuwiic të thiäŋ, Yɛn bï tɔ̈u wo yïn, kadhal yïn acïkï yïn bï tiaam. Të tëëk yïn në macic, yïn cïï bï nyop, këril them yïn ëbɛ̈n acïn kë bïï luöi yïn.

Yith 65:24

Aɣet të ŋoot kek ke ke läŋ ɛn, yɛn bï lɔ̈ŋden puk nɔm.

Yith 8:17

Bɛ̈nydït acï rɔt thiaan ë kɔcke, ku aya ŋɔ̈ɔ̈th, ku yɛn aa aŋäthdï tääu në Yeguöp.

1 Kor 10:13

Acïn thëm cï we them pei, ee yen ë thëm töŋë jäŋ ëbɛ̈n. Ku Nhialic ee piɔ̈u adöt, acïï we bï pɔ̈l a them ë thëm cäkï duëër lëu ë guöm, ku abï kueer looi kekë thëm ëtök, kueer duɛ̈ɛ̈r wek ban thïn, luɔi bä wek e lëu në guöm.