Diɛt 100:2 - JAM DE NHIALIC 2011

² Lamkï Bɛ̈nydït në miɛtëpiɔ̈u. Bäkkï të tɔ̈u Yen në diɛt ke miɛtëpiɔ̈u!

Diɛt 100:2 Iomraidhean Croise

1 Mel 8:66

Në kööl ëbɛ̈t, go Tholomon kɔc tɔ lɔ në bɛ̈iken yiic. Go kɔc melik leec ku jiëlkï ke ke mit piɔ̈ɔ̈th kedhie, në athiɛɛi cïï Bɛ̈nydït gäm Debid raandɛn ee ye luööi kekë kɔckɛn ke Yithriɛl.

2 Lëk 29:30

Go Melik Ɣedhekia kekë bäny ke baai, gokï Lebai yɔ̈ɔ̈k bïk Bɛ̈nydït piɔɔny ë diɛt ɣɔn thɛɛr gɛ̈ɛ̈r ë melik Debid kekë Athap monydaai. Go kɔc kedhie ket ke ke mit piɔ̈ɔ̈th ku tukkï kemiɔl ku lɛmkï Nhialic.

2 Lëk 31:2

Go melik Ɣedhekia luɔi bɛ tɛ̈k kɔc ke Lebai ku bäny ke kake Nhialic, ago ŋɛk luɔi bï ya looi ŋic. Luɔiyë ade yic miɔ̈c ye nyop ëbɛ̈n, ku miɔ̈c de mät, ku luɔi bïï läm wat ë Luaŋdïtic, ku gɛm de piɔ̈ny ku lɛc në ɣään kɔ̈k ke Luaŋdïtic.

Diɛt 42:4

Kakë aya keek tak, të yan yapiɔ̈u lueel, në täu wään yan lɔ wo kuut ɣön ë Nhialic, ku wat keek të jɔ wok lɔ ke wo cath kuut mit piɔ̈ɔ̈th, kït në röldït ë diɛt ke thieithieei.

Diɛt 71:23

Yɛn bï kïïu në miɛtëpiɔ̈u, ke ya cɔ̈ŋ, në guöpdï ëbɛ̈n yɛn bï ket, në luöi cï Yïn yɛn kony.

Diɛt 95:2

Lokku ë Yenɔm në miɔ̈c de thieithieei ku këtku diɛt ke miɛtëpiɔ̈u ku piɔ̈ny.

Nyöŋ 12:12

Jakï piɔ̈ɔ̈th miɛt ëtɛ̈ɛ̈n në Bɛ̈nydït lɔ̈ɔ̈m week në mïthkun, ku lïïmkuön röör ku diäär, ku Lebai rëër ë wuötkuniic, ku aŋiɛckï nɔn cïn ë Lebai nïïm wuöt ke naamden.

Nyöŋ 16:11

Yak piɔ̈ɔ̈th miɛt në Bɛ̈nydït lɔ̈ɔ̈m, yak piɔ̈ɔ̈th miɛt në mïthkun ëtök, ku kɔc ee we luööi, ku Lebai, ku kɔc lei, ku mïth abɛɛr, ku tiiŋ abaar rɛ̈ɛ̈r ë wuötkuniic, yak ee kënë looi të töŋ de läm, të bïï ë Bɛ̈nydït Nhialicdun lɔc, ago rinke tɔ rɛ̈ɛ̈r thïn.

Nyöŋ 16:14

Miɛtkï piɔ̈ɔ̈th në yen ë mïthkun, ku kɔc ee we luööi, ku Lebai, ku kɔc lei, ku mïth abɛɛr, ku diëër abɛɛr rɛ̈ɛ̈r ë wuötkuniic.

Nyöŋ 28:47

Bɛ̈nydït acï week thieei në käŋiic ëbɛ̈n, ku akënkï luööi në miɛtëpiɔ̈u ku në piɔ̈ɔ̈th mit.

Pilipoi 4:4

Yak piɔ̈ɔ̈th miɛt ë Bɛ̈nydïtic ë aköölnyïïn kedhie: abä nyɔkic an, Yak piɔ̈ɔ̈th miɛt!