1 Kɛ̈tkï Bɛ̈nydït diɛt, wek pinynɔm ëbɛ̈n!
Yɛn bï dïtdu aa thieei Nhialinydï ku ë meliŋdï, Yïn bä leec aɣet athɛɛr ku athɛɛr.
Yak piɔ̈ɔ̈th miɛt ku dalkï në Bɛ̈nydïtic, wek kɔc piɛthpiɔ̈ɔ̈th, në biäk de kë cïï ë Bɛ̈nydït looi. Wek kɔc ee yen riëëu, miɛtkï piɔ̈ɔ̈th wedhie!
Wek kɔc wedhie, pamkï wecin në miɛtëpiɔ̈u! Pianykï Nhialic në röldït!
Nhialic ee lɔ nhial në thööcde nɔm. Ade awuɔɔu de miɛtëpiɔ̈u ku kuöth de kɛŋ ëtɛ̈ɛ̈n, të le Bɛ̈nydït nhial.
Pianykï Nhialic në awuɔɔu de miɛtëpiɔ̈u wek pinynɔm ëbɛ̈n!
Pinynɔm ëbɛ̈n alam Yïn, ayek Yïn kɛ̈t diɛt ke piɔ̈ny, ayek rinku piɔɔny në diɛt.”
Tɔ juöör ëbɛ̈n mit piɔ̈ɔ̈th, ku kïtkï në miɛtëpiɔ̈u, në luöi Yïn löŋ de kɔc guiir në yic, ku tit jur ëbɛ̈n ë pinynɔm
Pianykï Nhialic, wek ciɛɛŋ ke pinynɔm. Pianykï Bɛ̈nydït në diɛt,
Kɛ̈tkï Bɛ̈nydït diɛt në miɛtëpiɔ̈u, wek pinynɔm ëbɛ̈n, pianykï në diɛt ku yak ket ë miɛtëpiɔ̈u!
Kɛ̈tkï ku moc kiɛɛu nyan de Dhiɔn, ku miɛtkï piɔ̈ɔ̈th wek kɔc ke Yithriɛl! Miɛtëpiɔ̈u arëët yïn nyan de Jeruthalem!
Ëtɛ̈ɛ̈n Bɛ̈nydït abï ya Melik de pinynɔm ëbɛ̈n. Abïï ë raan ëbɛ̈n lam ke ye Nhialic ku abïk ŋic në ee rin manë.
Ku të cï en guɔ thiɔ̈k ke pänydït, ku cï ɣet ë kuur ë Olip thar, ke kut dïït ë kɔc piööcë ëbɛ̈n ke ke jɔ piɔ̈ɔ̈th miɛt ku leckï Nhialic ë röl dït në baŋ de luɔi dït ëbɛ̈n luɔi cïk tïŋ,
Ku be lueel an, “Yak piɔ̈ɔ̈th miɛt, wek Juöör, në kɔcke ëtök!”
“Wek juöör jakï kɔcke leec, në baŋ yen riɛm de kɔcke guöör Ku lui kɔc ë näk keek këtuc, ku pɛ̈l awɛ̈ɛ̈c ke kɔcke.”
