Diɛt 1:3 - JAM DE NHIALIC 2011

³ Kek ee kɔckë akïtkï në tiim cï cil në wɛ̈ɛ̈r yɔu, tiim ee luɔk në aköölkɛn ke luɔk, tiim cïï yïth ee biɔɔr. Ayek tiam në këriëëc yek looi yic ëbɛ̈n.

Diɛt 1:3 Iomraidhean Croise

Cäk 39:23

Go raan ee kɔc mac tiit cuök ee bɛ diɛɛr në ka nu në Jothep ciin, në luɔi ë tɔ̈u ë Bɛ̈nydït ke Jothep. Ku aye Jothep tɔ tiëm në këdɛn ye looi yic ëbɛ̈n.

Cäk 39:3

Ago bɛ̈nyde ye tïŋ luɔi tɔ̈u ë Bɛ̈nydït ke yen. Ku tïŋ luɔi yen ka nu në yeciin ŋuak nyïïn.

2 Mel 18:7

Ku Bɛ̈nydït aa Ye tɔ̈u ke yen agut të le yen thïn, aa cï dɛ kajuëc. Ku aacï melik de Athiriya rɛɛc thok, ku jiɛi bïï luööi.

1 Lëk 22:11

Ku lueel ë Debid an, “Ënɔɔnë mɛnhdï Bɛ̈nydït Nhialicdu abï tɔ̈u ke yïn, ku abï gutguutde döt, ku bä Luaŋdïït de Nhialicdu yïk, cït man ë kë cï lueel.

1 Lëk 22:13

Të le yïn lööŋ cï Bɛ̈nydït gäm Mothe në baŋ de kɔc ke Yithriɛl lɔ riëëu kedhie, yïn bï tiam ë luɔidu yic. Riit yïpiɔ̈u ku tɔ rɔ ril, ku du riɔ̈c.

2 Lëk 31:21

Ku kë ye looi ëbɛ̈n aaye tiam thïn, në biäk de ka cï luöi ɣön ë Nhialic ëbɛ̈n, ku në biäk yen wëët ku lööŋ kuany cök, aaye looi në yepiɔ̈u ëbɛ̈n ë riëëu de Nhialic ago jɔ kuɛth.

2 Lëk 32:23

Go kɔc juëc lɔ Jeruthalem ke ke yïn miɔ̈c Bɛ̈nydït, ku gëmkï miɔ̈c kɔ̈k melik Ɣedhekia, gɔl ëtɛ̈ɛ̈n juöör ëbɛ̈n acïk Ɣedhekia bɛ̈n riëëu guöp.

Jop 14:9

ke yen, të cï yen awäu de pïïu ŋöör ee guɔ nyok cï tim thiin jɔt rɔt.

Jop 22:28

Këduön cï kiëët ëbɛ̈n abï rɔt lëu ku ɣɛɛr abï kueerdu aa meeric.

Diɛt 128:2

Yïn bï mïth ke tim cï com në yïciin cam, ku yïn bï piɔ̈u miɛt ku abï piath ke yïn.

Diɛt 129:8

Acïn raan de kɔc ee tëëk bï ye lueel an, “Bɛ̈nydït abï ya yï thieei! Yïn cuk thieei në rin ke Bɛ̈nydït.”

Diɛt 92:14

tiim ee ŋuɔl ë mïth ke ke cï dhiɔp ku ayek tɔ̈c ku rilkï ëceŋ.

Diɛt 92:15

Kënë anyooth nɔn ye Bɛ̈nydït yic looi, ku acïn kërɛɛc nu ë piathëpiɔ̈ndï yic.

Yith 27:11

Kër ke tiim acïk biɔɔr ku dhoŋkï, go diäär ke kuany ke ke ye tiim ke thät. Në biäk kën ë kɔc e yökic, Nhialic Aciëŋden acïï piɔ̈u bï kok ke keek, acï ke bï nyuöth kokdepiɔ̈u.

Yith 3:10

Lɛ̈kkï kɔc piɛthpiɔ̈ɔ̈th an, “Kakun abïk piath në luɔi bä wek piɔ̈ɔ̈th miɛt në käŋiic kak ë luɔidun.

Yith 44:4

Abïk bɛ̈n nhial cï wal nu ë pïïuwiic, ku abïk ciët tiim cï cil në nyin ë pïïu yɔu.

Yith 58:11

Ku wek bä aa caath ë ceŋ ku ta we kueth në kapiɛth. Wek bä muk aril ku apiɛth. Wek bï ciët dom de yic pïïu juëc, ku ciëtkï nyin de pïïu cie dëu.

Jeremia 17:8

Keek acïtkï tiim ee cil ë wɛ̈ɛ̈r yɔu, ku ye meiken ɣet ë pïïuwiic. Acïkï ee riɔ̈ɔ̈c të cï piny tuöc, në biäk ye yïthken tɔ̈u ke ke tɔ̈c, acïkï ee diɛɛr të cïn en deŋ, ayek ŋoot ke ke lok në mïth.

Edhekiɛl 17:8

Ku enap aacï com ë tiɔɔm piɛth yic, ye piɔɔk në pïïu apiɛth, ago cil ke de yïth ku lok në mïth ke enap ku bïï dɛ yïth ku bïï aa tim cïn kë kït kek.

Edhekiɛl 19:10

Moor aa cït tim de enap cï com në nyin nɔm. Në biäk de yen pïïu juëc tim de enap acïï yïth ku mïth cï luɔk kuöm piny.

Edhekiɛl 31:5

Në biäk cïï ë ye ŋiëc piɔɔk, ee jɔ dït ke bäär awär tiim kɔ̈k. Kërke ayek kɔ̈ɔ̈th dït ku bɛ̈ɛ̈rkï.

Edhekiɛl 47:12

Tiim juëc yiic abïk luɔk në këcam në nyin biäkë ku nyin biäkë. Yïthken acïkï bï aa biɔɔr, ku abïk nïïm dɛk mïth ke ke cïï kääc. Abïk nïïm dɛk mïth piɛth ë pɛ̈i nyïïn ëbɛ̈n, në biäk ye ë keek piɔɔk ë nyin ee bɛ̈n bei tëɣeric. Tiim abïk kacaam aa bɛ̈ɛ̈i, ku yïthken abïk kɔc tɔ waar në juäi.”

Kuɛ̈n 24:6

Acïk ciët bäny dïït lääuwic, ku cïtkï tiim ke thidar nu në wɛ̈ɛ̈r yɔu. Ku cïtkï tiim ke aloyeth ë com ë Bɛ̈nydït, ku cït tiim ke thidar nu në pïïu thook.

Math 13:6

Na wën, acï akɔ̈l ruɛl, ke ke biɔɔr, ku yomkï, në baŋ cïn kek mei.

Math 21:19

Na wën, ke tïŋ tim ë ŋaap ë kueer këc, go bɛ̈n të nu yen, go ciën kë yök ë yenɔm, ee yïth tei kapäc. Go tim yɔ̈ɔ̈k an, “Ë cïn mïth bï bɛ aa tɔ̈u ë yïnɔm athɛɛr!” Go ŋaap riɔu ënɔnthiinë.

Math 21:34

Na wën, acï luɔk de tiim thiɔ̈k, ke toc lïïmke tuc ke kɔc ë dom tiit an, bïk ka cï luɔk nööm tëde keek.

Math 21:41

Gokï lueel an, “Abï ke nɔ̈k ë näŋ tuc, kek kɔc racpiɔ̈ɔ̈thë, ago domdɛn ë enap tääu ë kɔc kɔ̈k cin, kɔc bï dom aa tiit, kɔc bï yen aa yiɛ̈n mïth ke tiim ëkööldɛn ee kek luɔk.”

Jɔn 15:6

Raan cie rëër ë yayic, ka cuɛtë wei cït man ë këër, ago riɔu, ago ke kut nïïm, ku cuɛtë ke mɛɛc, agokï nyop.

Nyöŋ 28:8

“Bɛ̈nydït Nhialicdun abï luɔidun thieei, abï adhɛnkun thiɔ̈ɔ̈ŋ në rap. Abï week thieei piny lee gäm weekë.

Juda 1:12

Kɔckë ayek kuur cï thiaan këcamduön ë nhiëëric, të ye kek rɔm ë week ëtök ë këcam, ku yek këyäc thiɔ̈ɔ̈ŋ ke ke cïï riɔ̈c, ayek luäät cïn yiic pïïu, luäät ee yom kuaath. Acïtkï tiim ee mïthken dap yom, agokï cuö lok, tiim ruël cï thou raanrou, ago ke wöth bei në meiken.

Nyuuth 22:2

Ku tim ë pïïr anu ë kiir nɔm lɔŋë, tim ee luɔk ë mïth ee yiic thiëër ku rou, ee luɔk ë pɛ̈i nyïïn kedhie: ku yïth ke tim aye ke tɔ ye wɛ̈ɛ̈l ee juöör tɔ dem.