Dhiëëu 2:2 - JAM DE NHIALIC 2011

² Bɛ̈nydït acï kɔc ceŋ wuöt ke Juda ëbɛ̈n riɔ̈ɔ̈k ke cïn kokdepiɔ̈u. Në agönhde acï ɣään ril ee piny gël dhuɔŋ piny. Acï ayäär bɛ̈ɛ̈i ë ciɛɛŋ guöp kekë bänykë.

Dhiëëu 2:2 Iomraidhean Croise

Jop 2:3

Go Bɛ̈nydït Catan thiëëc an, “De të cïn Jop tïŋ, raandiën ee Ya luöi ku piŋ Athok? Acïn raan kït kek në ee pinyë nɔm, yen ee raan adöt ku acie wäc, ee Nhialic riëëu, ka yen aye yen rɔt mɛc wei në luɔi de karɛc yiic. Yen aŋoot ke kääc në piath ë piɔ̈nde yic aril, cakaa nɔn cï yïn Ɛn wëŋë, ke bä lɔ riɔ̈ɔ̈k ke cïn kë cï looi.”

Diɛt 21:9

Abïï ke riɔ̈ɔ̈k cït man ë lɔ̈k de mac të cï en tïc. Abïï Bɛ̈nydït ke riɔ̈ɔ̈k në agönhde, ku abï mac ke cam.

Diɛt 74:7

Acïk tëduön ɣeric thuöör piny ku nyopkï në mac, acïk të ye ë Yïn lam thïn riɔ̈ɔ̈k.

Yith 22:5

Kënë ee kööl de riɔ̈ɔ̈c, ku tiëm, ku anuɔɔn në Wak ë Nyuuth yic, ku acïï Bɛ̈nydït Awärjäŋ tuöc wook. Kal ë pänydïïtda Jeruthalem acï thuöör piny, ku kɔc dhiën kɔɔrë kuɔɔny acï piŋ ë kur yiic.

Yith 23:9

Aa kïït ë Bɛ̈nydït de rɛm. Aa kïït në luɔi bï yen lɛcden tɔ kääc në biäk de kë cïk looi, ku bïï kɔckɛn ye riëëu kuɔɔr piny

Yith 25:12

Abï ɣään bär ke Mowap cï gël riɔ̈ɔ̈k, ku jiëp kɛ̈l ke piny në abuui yic.

Yith 26:5

Ee kɔc ɣɔn ë röt tɔ dït kuɔɔr piny, acï pänydït ë rëër kek thïn riɔ̈ɔ̈k, ku jiëp kɛ̈lke piny abïk lɔ thorthor në abuui yic

Yith 27:11

Kër ke tiim acïk biɔɔr ku dhoŋkï, go diäär ke kuany ke ke ye tiim ke thät. Në biäk kën ë kɔc e yökic, Nhialic Aciëŋden acïï piɔ̈u bï kok ke keek, acï ke bï nyuöth kokdepiɔ̈u.

Yith 43:28

ku jɔ bänykun tëdiën ɣeric tɔ rac, yen ayiɛ̈n Ɛn riääk Yithriɛl, Yɛn cï kɔckï tɔ lɛ̈ɛ̈të.”

Yith 47:6

Yɛn aa göth wo kɔckï, acä ke luööi cït ka cïï be aa kɔckï: acä ke tääu në yïciin ku akën ë keek nyuöth kokdepiɔ̈u, acakaa kɔc cï dhiɔp acï keek luööi arac.

Jeremia 13:14

Ku ëtɛ̈ɛ̈n abä keek jɔ dhuööŋ cï guöl, ŋɛk në ŋɛk kɔ̈u, röördït ku dhuök akït. Acïn kokëpiɔ̈u, ku cïn dhiënëpiɔ̈u, ku cïn pïïu ke nyin bï A tɔ päl luɔi näk Yɛn keek.”

Jeremia 19:15

an acïï Bɛ̈nydït de rɛm, Nhialic de Yithriɛl lueel an, “Yɛn bï ee pänydïïtë kekë wuöt thiääk ë yen kedhie, luöi këtuc wään cä lueel an bä looi, në biäk riɛl wek nïïm, ku cäkkï kë luɛɛl ee piŋ.”

Jeremia 21:7

Ku në ee kakë cök Yɛn bï Dhedekia melik de Juda gam, kekë kɔc ee ye luööi, ku kɔc nu ee pänydïïtë yic, kɔc bï poth në jɔɔkiic, ku tɔŋic, ku cɔkic, abä ke gäm Nebukadnedhar melik de Babilon, ku gäm ke remdɛn ë tɔŋ, ku gäm ke kɔc kɔɔr bïk keek nɔ̈k. Abïï keek nɔ̈k në abätäu, acïï ke bï nyuöth kokëpiɔ̈u, ku cïï kie päl, ku cïï ke tɔ pïïr. Acä lueel, Yɛn Bɛ̈nydït.”

Jeremia 5:10

Yɛn bï kɔc ke ater tooc bïk tim de enap de kɔckï lɔ yɛp piny, ku acïkï keek bïï riɔ̈ɔ̈k taitai. Abä keek yɔ̈ɔ̈k bïk kër tɛm nïïm wei, në cïï ee kërkë ee kakï.

Dhiëëu 2:17

Bɛ̈nydït acï këdɛn cï lueel an bïï looi jɔ looi. Acï wook riɔ̈ɔ̈k ke cïn kokdepiɔ̈u, cït man cï yen ye lueel ɣɔn thɛɛr. Acï kɔc ke aterde tɔ tiëm, acï keek tɔ mit piɔ̈ɔ̈th në wïïk cï wok wïïk.

Dhiëëu 2:21

Kɔc kor ku röördït atɔ̈ukï piny ke ke cï thou ë kuɛɛriic. Dhuök ku diäär acï keek nɔ̈k në abätäu de raan ater. Acï keek tɛm röt të cïn kokdepiɔ̈u në kööl de agönhdu.

Dhiëëu 2:5

Bɛ̈nydït acï kɔc ke Yithriɛl riɔ̈ɔ̈k cï kɔc ke ater. Acï ɣään ril ku ɣöötdït nyääŋ piny ke ke cï riääk. Bɛ̈nydït acï jiɛthëpiɔ̈u cï bï thɔ̈k nyäŋ kɔc ke Juda.

Dhiëëu 3:43

“Yïn cï wook cop ku näk wo, kokdepiɔ̈ndu acï agönhdu yen thiaan.

Edhekiɛl 5:11

“Ka ënɔɔnë, ke ya ye Nhialic pïïr, kënë ee jam de Bɛ̈nydït Awärjäŋ në biäk cä wek tëdiën ɣeric dhiöök në kërac yak looi ëbɛ̈n, kanhiany cäk looi, we bä ke nɔ̈k ke cïn kokëpiɔ̈u.

Edhekiɛl 7:4

Yïn cä bï kɔn pɔ̈l ku cä yïn nyuth kokdepiɔ̈u. Yïn bä luöi këtuc në biäk de karɛckuön cï looi, ago jɔ ŋic nɔn ee Yɛn Bɛ̈nydït.”

Edhekiɛl 7:9

Yïn cä bï kɔn pɔ̈l ku cä yïn nyuth kokdepiɔ̈u. Yïn bä luöi këtuc në biäk de karɛckuön cï looi, ago jɔ ŋic nɔn ee Yɛn Bɛ̈nydït, ku ee Yɛn ee raan ee kɔc luöi këtuc.”

Edhekiɛl 8:18

Abïk riɛl de agönhdï yök ëbɛ̈n. Acä keek bï pɔ̈l, ku cä piɔ̈u bï kok wo keek. Abïk a lɔ̈ŋ aläl në awuɔɔu dït, ku yɛn cïï lɔ̈ŋden bï piŋ.”

Edhekiɛl 9:10

Ku Yɛn cïï piɔ̈u bï kok wo keek, abä keek luöi ka wään cïk keek kɔn luöi kɔc kɔ̈k.”

Maika 5:14

Yɛn bï yïïŋ de Acera yanhduön tik wuöth thar bei, ku riääk pɛ̈ɛ̈nydïtkun.

Malakai 1:4

Tɛk däŋ, duëër kɔc ke Edom, dhiën de Ethau, lueel an, “Na cakaa nɔn cï wo riɔ̈ɔ̈kë, wok bï bɛ yïk. Ku kë cï Bɛ̈nydït de rɛm lueel kï an, “Tɛk däŋ bïk keek bɛ nyɔk në yïk, ku abä keek bɛ nyɔk në riäk riääk Ɛn keek, man abï keek aa cɔɔl an kɔc rac, ku cɔl keek an jur ye Bɛ̈nydït gɔ̈th ke keek aɣet athɛɛr.

Math 18:33

Ku yïn, cïï piɔ̈u duëër dhil kok wekë raanduön aa wek lïïm ëtök, cït man cän piɔ̈u kok wokë yïn?’

2 Kor 10:4

Wëukuɔn ke tɔŋ acïkï ee ka ke guöp, ayek riɛl ëtör ë Nhialic nɔm, bïk alocdït ril aa dhuöör piny,

Nyöŋ 28:52

Abïk wuöt ëbɛ̈n mak, wuöt nu ë piny gëmë Bɛ̈nydït Nhialicdun weekë, ku kɛ̈ldït bär cï gël, kɛ̈l yak keek ŋɔ̈ɔ̈th abïk wïïk.

Nyöŋ 32:22

“Agönhdï abï biöl cït mac, ku nyop këriëëc ëbɛ̈n ë pinynɔm. Ku abï lɔ ë piny thar ku nyop mei ë kur thäär.