Dhiëëu 1:3 - JAM DE NHIALIC 2011

³ Kɔc ke Juda acï keek tɔ ye lïïm, acï keek cuɔp wei ë bɛ̈iken yiic. Arëërkï në juöör kɔ̈k yiic, ke ke cïn nïïm piny. Acï keek gɛɛu cil në kɔc ke ater, ku acïn të duëër kek röt kual.

Dhiëëu 1:3 Iomraidhean Croise

2 Mel 25:11

Ku pec Nebudharadan kɔc ɣɔn cï döŋ wutic, ayï kɔc ɣɔn cï kɔt tëde melik de Babilon, ku jɔ aa kɔc kɔ̈kkë ëbɛ̈n.

2 Mel 25:21

Go melik de Babilon ke dui, ku nɛ̈k ke wutic ë Ribla piny de Ɣamath. Ka kɔc ke Juda cï ke jɔt pinyden, ke ke cï peec.

2 Mel 25:4

Go kɔc kal ë pänydït pïl kɔ̈u, ku kɔt kɔc ee tɔŋ thɔ̈ɔ̈r kedhie ɣɔn akɔ̈u, gokï tëëk në kueer bɔ̈ të lɔ kal thok në kaam ë kɛ̈l kaarou, në kueer ë dom de melik, ke kɔc ke Babilon ë ke cï wut cak tuɔɔk cil, acïk bɛ̈n tëëk ke ke wel kenïïm Araba.

2 Mel 25:5

Ku rem de tɔŋ de Babilon acïk keek bɛ̈n cuɔp kueer, ku dɔmkï melik në riaaŋ de Jeriko yic, ku remdɛn ë tɔŋ aake cï thiëi wei në yeciin.

Jeremia 13:19

Wuöt tɔ̈u të lɔ wöuwic ë Juda acï keek tuɔɔk, acïn raan duëër lɔ të nu kek. Kɔc ke Juda kedhie acï keek peec.”

Jeremia 16:16

Aye Bɛ̈nydït lueel an, “Yɛn cï kɔc juëc ee dep ë rec cɔɔl, bïk ee kɔckë bɛ̈n dɔm. Ëtɛ̈ɛ̈n Yɛn cï kɔc juëc ee yäp cɔɔl, bïk ee kɔckë bɛ̈n yɔ̈ɔ̈p, ë kuriic ëbɛ̈n, ku kurthii nïïm ëbɛ̈n ku kɔ̈kkiic ku ë kur dït nïïm.

Jeremia 24:9

Yɛn bï riääk dït bɛ̈ɛ̈i në kegup, ka juöör ke pinynɔm kedhie abïk riɔ̈ɔ̈c. Abïï kɔc ke biɔɔn gup, ku dɔl kɔc ke gup, ku bui keek gup, ku rinken abïï keek tɔ ee këde aciɛɛn në piny nɔm ëbɛ̈n, piny bän keek thiäi thïn.

Jeremia 39:9

Ku kë ciëën, go Nebudharadan bɛ̈ny tueŋ de rem, kɔc wën cï döŋ ë pänydïtic jɔt ëtök në kɔc cï röt mät yen, leer keek Babilonia ke ke mac.

Jeremia 52:15

Ku jɔt Nebudharadan kɔc wään cï döŋ piny ë pänydïtic, leer keek Babilonia, atëët lik cï döŋ, ku kɔc cï mat ë kɔc ke Babilonia.

Jeremia 52:8

Ku rem de tɔŋ de Babilonia, acïk Dhedekia bɛ̈n cop, abïk lɔ dɔm ë riaaŋ thiääk ke Jeriko, ku aacïï remdɛn ë tɔŋ päl wei.

Dhiëëu 2:9

Athïïnke acïk lɔ piny ë tiɔpic, waike acï ke dhuööŋ abïk lɔ thorthor. Melikde ku adhuëëŋke anukï ë juööriic. Löŋ acïï be ë wɛ̈ɛ̈t, ku tït acïn nyuuth ee bɛ̈n tëde keek tëde Bɛ̈nydït.

Dhiëëu 4:15

Ayek kɔc ke yöök, an, “Lak tɛ̈n, yïn cï dhiöök! Du ya jak! Ku jɔkï cath ë paarpaar, acï ke lɛɛr ë juöör yiic, ke cïn raan loor keek.

Dhiëëu 5:5

Wok ye kuaath atuc cï mul ku nɔn ee thɔ̈rɔ̈ɔ̈l, wok cï bäp, ku wok ye pɛ̈n lɔ̈ŋ.

Edhekiɛl 5:12

Biäk töŋ de diäk ë kɔckun abï thou në jɔk ku cɔk ë pänydïtic, ku thou biäk däŋ de diäk në abätäu biic në pänydït thok, ku biäk töŋ de diäk ciëën abä thiäi piny në ɣään ke yom kedhie, ku cuɔp keek në abätäu.

Nyöŋ 28:48

Ka ënɔɔnë, wek bï kɔc ke ater aa lɔ luööi, kɔc bïï Bɛ̈nydït keek tuöc week. Wek bïï cɔk nɔ̈k kekë reu, ku ciënkï kɔ̈ɔ̈th lupɔɔ, ku we bï këriëëc ëbɛ̈n aa kɔɔr. Bɛ̈nydït abï week yɔŋ cï ka ɣɛ̈ɛ̈c wëëth agut të bïï ë week riɔ̈ɔ̈k.