Dhiëëu 1:2 - JAM DE NHIALIC 2011

² Ee ruu ke dhiau wakɔ̈u, ku jɔ pïïu wat ë yegëm. Määthkɛn wäänë kedhie, acïn raan cï döŋ bïï yen bɛ̈n duut piɔ̈u. Kɔc wään mät në yen acïk yen nyiɛɛn, ku ënɔɔnë acïk aa kɔc de ater në yen.

Dhiëëu 1:2 Iomraidhean Croise

Jop 6:15

ku week määthkï, wek cï ya math cït man ë nyïïn cï dëu.

Jop 7:3

Yɛn cï tɔ thöl pɛɛiyë ku pɛɛiyë ke cïn kë ee nɔm ɛn, ku thɔ̈l wɛ̈ɛ̈rë ku wɛ̈ɛ̈rë ke ya nuan.

Diɛt 126:5

Tɔ kɔc ee dhiau të com kek duumken, tɔ keek tem rɛɛpken në miɛtëpiɔ̈u!

Diɛt 31:11

Ku kɔc de wok ater acïk ɛn maan në biäk de katuc juëc cï ya yök, ayï kɔc rëër wok acïk ɛn biɔɔn guöp. Ku määthkï ayek gup riɔ̈ɔ̈c në yɛn ku kɔtkï të cï kek a tïŋ.

Diɛt 6:6

Yɛn cïï dhiën ë piɔ̈u tɔ bäp, biöŋdï ee ruu ke mɔɔl nɔm ë wɛ̈ɛ̈ric ëbɛ̈n në pïïu ke dhiëëu, ku kɔmdï ee wac në pïïu ke yanyin.

Diɛt 69:21

Wään de yɛn guöp cɔk, gokï ya gäm wurïï, wään de yɛn guöp rou, gokï ya gäm kuɔɔt.

Kɛ̈ŋ 19:7

Ku na jɔ raan kuanynyin aa caany në kɔcke, ku na määthke bïk jɔ caany në cäny yïndï! Na kɔɔr an bï keek lip, abï yecin aa taar, ka cïï ke yök.

Jeremia 13:17

Të cä wek bï piŋ, ke yɛn bï dhiau ke ya thiaan në biäk de lɛcdun, yɛn bï dhiau ë jiɛthëpiɔ̈u, ku pïïu ke yɛn nyin abïk riŋ, në biäk cïï kɔc ke Bɛ̈nydït peec.

Jeremia 2:25

Yïn Yithriɛl du yïcök tɔ baat, ku nɔn bïï yïn röl ril wei ke yï cop yiëth kɔ̈k cök. Ku acï lueel an, ‘Ei! Yɛn cïï rɔt bï pɔ̈k ciëën. Yɛn nhiaar yiëth ke juöör kɔ̈k, ku yɛn bï lɔ në kecök.”’

Jeremia 3:1

Aye Bɛ̈nydït lueel an, “Na cï moc tiiŋde pɔ̈l, ku cï ye nyääŋ piny, ku cï lɔ ya tiiŋ de mony däŋ, acïï moc bï bɛ dök nɔm ciëën. Kënë aduëër piny tɔ rac taitai. Ku yïn Yithriɛl, yïn cï aa akɔɔrröör de röör juëc, ku akɔɔr ënɔɔnë bä rɔt dɔ̈k Ɛn!

Jeremia 30:14

Kɔc nhiaarkï acïk nïïm määr ë week, acïkï we be kuɔny. Wek cä mak cï raan de ater, luɔi cän we luöi këtuc atuc arëët, në biäk juëc ë awɛ̈ɛ̈ckun, ku kërɛɛcdun adït.

Jeremia 4:30

Amawoou Jeruthalem! Eeŋö ee yïn cieŋ ë lupɔ amujuŋ thith? Eeŋö ee yïn adhɛ̈p tääu ku giit yïnyin? Yïn tɔ rɔt läk ke cïn kë bä yök thïn! Kɔc nhiaar yïn acïk yïn rɛɛc ku kɔɔrkï bïk yï nɔ̈k.

Jeremia 9:1

Aa ya nhiaar duëër nɔmdï aa yinh ë pïïu, ku jɔ nyïïnkï aa awɛɛŋ ke pïïu, aguɔ aa dhiau aköl ku wakɔ̈u në biäk de kɔckiën cï nɔ̈k.

Dhiëëu 1:19

“Yɛn cï kɔc mät në yɛn cɔɔl, ku acïk jaai bïk a kony. Bäny ke kakë Nhialic ku röördït acïk thou në kuɛɛr ke pänydïtic, ke ke kɔɔr kë cam bï keek muk apïïr.

Dhiëëu 1:21

“Tïŋ teerdï, acïn raan dut ɛn piɔ̈u. Kɔc ke aterdï amitkï piɔ̈ɔ̈th në biäk cï yïn riääk tɔ bɔ̈ në yaguöp. Tɔ kööl wään cï lueel ë gutguut tɔ bɔ̈, tɔ kɔc ke aterdï tɔ nuan cït man ë yɛn.

Dhiëëu 1:9

Kërɛɛcde acï guɔ tïŋ, ku acïn këde yic thïn kekë riääkde. Wïïkde ee kërac aläl, ku acïn raan cï ye duut piɔ̈u. Kɔc ke aterde acïk tiam, ku ee Bɛ̈nydït lɔ̈ŋ në kokdepiɔ̈u.

Dhiëëu 2:11

Nyïïnkï acï ke but në dhiëëu, ku rem a piɔ̈u. Yɛn cï bäp wokë dhiënëpiɔ̈u në riääk cïï ë kɔckï riɔ̈ɔ̈k. Mïthkor ku mïththii ateteet ayek thɔ̈ɔ̈k në kuɛɛr ke pänydït yiic.

Edhekiɛl 16:37

Në biäk de ee kënë yɛn bï määthkuön thɛɛr kedhie määt yiic, ka nhiaar keek ku ka man keek. Abä keek bɛ̈ɛ̈i në yïlɔ̈ɔ̈m, abïk yïn gɛɛu cil, ku yɛn bï lupɔɔ yɔ̈ɔ̈t bei në yïkɔ̈u ku ja ke tɔ woi yïn ke yï cï kɔ̈u lupɔ.

Ɣodh 2:7

Abï röörke aa cop cök, ku cïï ke gïth. Abï keek aa kɔɔr, ku cïï keek yök. Ku ëtɛ̈ɛ̈n, abï jɔ lueel an, “Yɛn bï yanɔm puɔ̈k monydï cït man wään tueŋ, yɛn aa ŋuän wään në ënɔɔnë.

Maika 7:5

Du kë lueel ë raan rɛ̈ɛ̈r wek ee bɛ gam, ku du mɔ̈th ee bɛ ŋɔ̈ɔ̈th. Ayï tiiŋduön man nin në yïyɔu, ye yïliep tiit në yen.

Nyuuth 17:13

Meliikkë löŋden akït, ku yek lɛ̈n rac yiɛ̈n riɛlden ku bɛ̈ɛ̈nyden.

Nyuuth 17:16

Ku tuŋ kathiëër wën cï tïŋ ë lɛ̈n rac nɔm, kek abïk akɔɔrröör maan guöp, ku tɔkï kuany nyin, ku cïn kɔ̈u lupɔ, ku abïk rïïŋde cuet, ku nyopkï ë mac.