Dhiëëu 1:19 - JAM DE NHIALIC 2011

¹⁹ “Yɛn cï kɔc mät në yɛn cɔɔl, ku acïk jaai bïk a kony. Bäny ke kakë Nhialic ku röördït acïk thou në kuɛɛr ke pänydïtic, ke ke kɔɔr kë cam bï keek muk apïïr.

Dhiëëu 1:19 Iomraidhean Croise

Jeremia 2:28

“Tɔ̈u yiëth wään cäk ke luöi röt ënou? Wään täu wek në riääkic, takï ke kony week të duëër kek e lëu! Juda yïn de nɔm yiëth juëc cït juëc de pɛ̈ɛ̈nydïtku.

Jeremia 30:14

Kɔc nhiaarkï acïk nïïm määr ë week, acïkï we be kuɔny. Wek cä mak cï raan de ater, luɔi cän we luöi këtuc atuc arëët, në biäk juëc ë awɛ̈ɛ̈ckun, ku kërɛɛcdun adït.

Jeremia 4:30

Amawoou Jeruthalem! Eeŋö ee yïn cieŋ ë lupɔ amujuŋ thith? Eeŋö ee yïn adhɛ̈p tääu ku giit yïnyin? Yïn tɔ rɔt läk ke cïn kë bä yök thïn! Kɔc nhiaar yïn acïk yïn rɛɛc ku kɔɔrkï bïk yï nɔ̈k.

Dhiëëu 1:1

Eeŋö cïï Jeruthalem döŋ aya yetök, wun wään cï kɔn thiäŋ ke kɔc! Wun wään ye juöör riëëu, ënɔɔnë acï ciët tiiŋ thuööm. Adhuëëŋ ke pɛ̈ɛ̈nydït acï keek tɔ ye lïïm.

Dhiëëu 1:11

Kɔc ke Jeruthalem ayek teer ke ke kɔɔr kë bïk cam. Ayek wëuken waar në këcam bï ke muk apïïr. Pänydït ee cööt, an, “Bɛ̈nydït, tïŋ ɛn, woi ɛn në nuandï yic.

Dhiëëu 1:2

Ee ruu ke dhiau wakɔ̈u, ku jɔ pïïu wat ë yegëm. Määthkɛn wäänë kedhie, acïn raan cï döŋ bïï yen bɛ̈n duut piɔ̈u. Kɔc wään mät në yen acïk yen nyiɛɛn, ku ënɔɔnë acïk aa kɔc de ater në yen.

Dhiëëu 2:20

Bɛ̈nydït, tïŋ tei. Eeŋö jɔ yïn wo luöi këtuc aya? Diäär acuetkï rïŋ ke mïthkɛn nhiaarkï! Bäny ke kake Nhialic ku tït anäk keek tëɣeric guöpde!

Dhiëëu 4:17

Wok woi kuɔɔny cie bɛ̈n, wok cï daai abuk jɔ kɔ̈ɔ̈c në daai. Wok cï kuɔɔny tiit tëde jur cie kony.

Dhiëëu 5:12

Bänykuɔ acï ke jɔt ku nɔ̈k keek, ku röördïtkuɔ acïï keek ee riëëu gup.