Dhiëëu 1:15 - JAM DE NHIALIC 2011

¹⁵ “Bɛ̈nydït acï kɔckiën ril kë tɔŋ rɛɛc kedhie. Ku tooc amatnɔm bïï dhuökï riɔ̈ɔ̈k. Acïk kɔckï dhuɔŋ piny cït man ye raan mɔ̈n de enap dhiim tëde dhiɛ̈m.

Dhiëëu 1:15 Iomraidhean Croise

2 Mel 9:33

Go Jeɣu lɛ̈k keek an, “Cuɛ̈tkï piny!” Gokï cuat piny, go biäk de riɛmde kuëër në päny de ɣöt kɔ̈u ku jöŋgöör gup. Ku jɔ jöŋgör de Jeɣu ku abëëlkɛn ke tɔŋ aa tëëk në yekɔ̈u,

Diɛt 119:118

Yïn ee raan reec lööŋku rɛɛc, kiɛɛrdɛn rɛɛc yek looi acïn naamde.

Yith 28:18

Löŋduön cäk mac në thuɔɔu abï riɔ̈ɔ̈k, ku riäk amatdun në paan ë thuɔɔu. Të le riääk bɛ̈n ke nap piny we bï tiaam.

Yith 41:2

“Eeŋa yen ë bïï raan bï kɔc bɛ̈n tiaam, të lɔ aköl amiäk, ku jɔ rɔt looi ke ye raan cï tiam në ɣään cïï yen ke lɔ thïn kedhie? Eeŋa tɔ ye tiam meliik ku juöör? Aye abätäude ke yuöp piny cït abuui. Aye dhɛ̈ŋke ke riäär piny cï wal gɔp ë yom.

Yith 5:5

“Kë bä luöi domdiën enap kï, yɛn bï thɔc cän e geeu nyaai, ku thuöör kal wään cän e gël piny, ku ta ciɛm ë läi roor ku dumkï.

Yith 63:3

Go Bɛ̈nydït bɛ̈ɛ̈r an, “Yɛn ee juöör ke piny nɔm dum yiic, cït man ë kë dhiim mɔ̈n de enap, ku acïn raan cï A bɛ̈n kony. Acä ke dum yiic në agönhdï, go riɛmden lupɔɔkï riɔk kedhie.

Jeremia 13:24

Bɛ̈nydït abï we wɛɛr piny cï wal cï yom ë jɔ̈ɔ̈ric ke gap wei.

Jeremia 14:17

Bɛ̈nydït acï yɛn yɔ̈ɔ̈k bä kɔc lɛ̈k jiɛthëpiɔ̈ndï, ku guɛɛr an: “Në ya wat nyin në pïïu aköl ku wakɔ̈u, në ya cïï kääc ë dhiëëu, në biäk cïï kɔckï yiëk gup bɔ̈ɔ̈tdït, ku acï ke gäm gup tëtöök.

Jeremia 18:21

Ku ënɔɔnë Bɛ̈nydït, tɔ mïthken thou në cɔk, tɔ keek näk në abätäu. Tɔ diäär tɔ cïn nïïm röör ku mïth, tɔ röör thou në jɔk, ku tɔ dhuök näk ë tɔŋic.

Jeremia 37:10

Cakaa wek ë tiam rem de tɔŋ ë Babilonia ëbɛ̈n, abï kɔc de gup tëtöök döŋ, ke ke nin ë pɛɛnyken yiic, kek ee röörkë abïk ŋoot ke ke jɔt röt ku nyopkï pänydït piny.”

Jeremia 50:26

Makkï në aguuk ëbɛ̈n, ku dhuɔŋkï ɣäänkɛn cï yen rap thiaan thïn thook! Kuötkï ka cï peec nïïm, cït akuut ke rap! Riäkkï piny! Cïn kë nyääŋkï piny taitai!

Jeremia 51:34

Melik de Babilonia acï Jeruthalem dhuɔŋ piny ku ciɛm. Acï pänydït wiic yic, cï gul de pïïu, cït man ë ŋuäldït acï liek. Acï kë duëër jɔt jɔt, ku deeny kɔ̈k wei.

Jeremia 6:11

Agönhduön göth yïn we keek Bɛ̈nydït, ee dëp në ya yic ayadäŋ, ku acïn luöi duɛ̈ɛ̈r ɛn en bɛ muk.” Na wën, go ë Bɛ̈nydït lɛ̈k ɛn an, “Wälë agönhdï në mïth gup në kuɛɛriic ku në amɛɛt ke dhuök yiic. Ku moc ku tik abï keek jat wei, acakaa raandït cï dhiɔp arëët acïï bïï pɔ̈l.

Dhiëëu 2:21

Kɔc kor ku röördït atɔ̈ukï piny ke ke cï thou ë kuɛɛriic. Dhuök ku diäär acï keek nɔ̈k në abätäu de raan ater. Acï keek tɛm röt të cïn kokdepiɔ̈u në kööl de agönhdu.

Dhiëëu 3:34

Bɛ̈nydït aŋic të cï wëikuɔ dhuööŋ në aloc yiic ëbɛ̈n.

Danyel 3:13

Ku ëtɛ̈ɛ̈n melik Nebukadnedhar ë guɔ gɔ̈th, go kɔc yɔ̈ɔ̈k bïk wäthii kadiäk lɔ bɛ̈ɛ̈i ë yenɔm.

Jowɛl 3:13

Nɔ̈mkï menyjel ke tëm, rap acïk luɔk. Bäk duömkï enap yiic, dhiëm ke mäu acïk thiäŋ, ku töny acïk nïïm lɔ wei. Në biäk cï karɛcken juëc arëët.

Maika 7:10

Ku ëtɛ̈ɛ̈n, abï raan ater tïŋ, ku gëm en ayäär. Kɔc wään ee ya dɔl guöp an, “Nu Bɛ̈nydït Nhialicdu ënou? Abä ke bɛ tïŋ awiëëk. Abï keek dum yiic, ku ciɛth ë kekɔ̈ɔ̈th cït raan cath ë tiɔ̈kic.

Malakai 4:3

Piɛŋkï kë lueel ë Bɛ̈nydït de rɛm an, Kɔc ë karɛc looi abäk keek dum yiic në wecök në ee köölë. Abïk aa abuui tei në wecök kööl lan ee kakë looi.

Luk 21:24

Ku abï ke nɔ̈k ë abätäu, ku pec ke leerëke ë Juöör yiic ëbɛ̈n: ku Jeruthalem abï käcic ë Juöör, a thöökë run ke Juöör.

Nyöŋ 28:33

Jur lei abï rɛɛpkun jɔt ëbɛ̈n, rɛɛp cäk keek puur në luɔi ril ke ke bï luɔk, acïn kë bäk yök thïn, ee yaaŋ cuth rɔt kekë luɔi rac.

Ɣeberuu 10:29

Në täŋdunic, duëër aa këtuc dïït cït ŋö, yen kuöm bï röŋ ke raan bï Wën ë Nhialic dhɔɔt guöp? Në reec reec yen En, ku kɛ̈c në yecök, ku ee riɛm de löŋ cï piɛc mac bï yen tɔ piɛthpiɔ̈u tɔ cïn naamde, ku ye Wëidït ɣer ke dhuëëŋdepiɔ̈u läät ë lɛ̈ɛ̈t rac.

Nyuuth 19:15

Ku bɔ̈ abätäu moth bei ë yethok, bï en juöör kip: ku abï ke jɔ cieŋ ë thieny wëëth: go kën ee mïth ke enap dhiim thïn duöm piny, aye mɔ̈u, mɔ̈n ë tuöc de agönhdïït ë Nhialic Awärjäŋ.

Bäny 10:8

Në runiic kathiëër ku bɛ̈t aake yɔŋ mïth ke Yithriɛl tɔ̈u në baŋ të lɔ aköl amiäk në Jordan kɔ̈u ë Giliyad, piny de kɔc ke Amor.