Dhiëëu 1:1 - JAM DE NHIALIC 2011

¹ Eeŋö cïï Jeruthalem döŋ aya yetök, wun wään cï kɔn thiäŋ ke kɔc! Wun wään ye juöör riëëu, ënɔɔnë acï ciët tiiŋ thuööm. Adhuëëŋ ke pɛ̈ɛ̈nydït acï keek tɔ ye lïïm.

Dhiëëu 1:1 Iomraidhean Croise

1 Mel 4:21

Melik Tholomon aa mac ciɛɛŋ ëbɛ̈n, gɔl në wɛ̈ɛ̈r ë Yuparat lee piny de Pilithiin, ku ɣeet aken de Rip. Ku kɔc mɛc ëtɛ̈ɛ̈n ëbɛ̈n aake ye athölböden yiɛ̈n Tholomon ku yek luööi në akööl ɣɔn pïïr en ëbɛ̈n.

2 Mel 23:33

Go bäänyde thök wään bïï Neko melik de Rip ye dɔm tɔ mac në Ribila, piny de Ɣamath, ku tɔ Juda tɔ kut aguum kadiäk ku bot kaŋuan 3,400, ke kilɔɔ ke ateek, ku thiërdiäk ku ŋuan ke kilɔɔ ke adhääp, ke ye athölbö.

2 Mel 23:35

Ago Jeɣoyakim ateek ku adhääp aa kuöt melik, ku aaye wëu ke kut tëde kɔc cït man ë kënu tëde raan, ago ateek ku adhääp kɔɔr rɔt bïï lɔ gäm melik Neko rɔt yök.

2 Lëk 9:26

Tholomon aaye melik dït aläl në meliik nïïm, gɔl në piny nu ë wɛ̈ɛ̈r ë Yuparat kekë Pilithiin leer në aken de Rip.

Edhr 4:20

Ku Jeruthalem aa mɛc Meliik ril, kɔc ɣɔn mac piny tɔ̈u ë wɛ̈ɛ̈r ë Yuparat lɔŋ tui, ku yek athölbö kut ëbɛ̈n.

Neɣe 5:4

Ku ŋoot kɔ̈k ke yek lueel an, “Wok cï wëu dheen në biäk de athölbö de Melik, bï wok ke duumkuɔn ke rap ku duumkuɔn ke tiim kut kɔ̈ɔ̈th.

Neɣe 9:37

Ka ye piny ke luɔk ayek lɔ tëde meliik cï tääu në wo nïïm, në biäk cïï wok karɛc looi. Keek ayek këdɛn cïk tak luöi wook ayï ɣɔ̈kkuɔ, ka wok tɔ̈u në jiɛthëpiɔ̈u ku nɔm muum dït agökic!”

Diɛt 122:4

Yen të ye dhiën bɛ̈n thïn kï dhiëën ke Yithriɛl bïk Bɛ̈nydït bɛ̈n leec cït man cï löŋde ye lueel.

Yith 14:12

Meliŋ de Babilonia, ciëër de run ë piny, yïn ë lööny piny paannhial! Wään tueŋ yïn aacï juöör peec, ku ënɔɔnë yïn cï guɔ cuat piny.

Yith 22:2

Pänydït ëbɛ̈n ade yic anuɔɔn, ë thiäŋ kekë awuɔɔu ku miɛtëpiɔ̈u. Kɔckuön cï thou ee tɔŋë yic, aake cïï thou ke ke thäär.

Yith 3:26

Dhuöör ku dhiëëu abï nu wutic cil, ku wut guöpde abï ciët tiiŋ cï nyuc piny, ke cï yɔ̈ɔ̈t kɔ̈u bei.

Yith 49:21

Ku ëtɛ̈ɛ̈n abä aa lɛ̈k rɔt, Eeŋa ë dhiëth yɛn ë mïthkë kedhie? Mïthkï acïk määr, ku yɛn cïn nɔm mïth kɔ̈k. Yɛn aacï peec, copë ya wei, eeŋa ë muk ee mïthkë? Yɛn aacï döŋ yatök, mïthkë ë ke bɔ̈ tënou?”

Yith 50:5

Bɛ̈nydït acï ya gäm yöŋ de käŋiic, ku akɛ̈n rɛɛc, ku yɛn kën rɔt yal wei në yelɔ̈ɔ̈m.

Yith 52:2

Teŋ rɔt abä nɔm lääu, Jeruthalem! Jɔt rɔt në abuui yic ku nyuc në thöönydu nɔm! Däkkï kuɛɛt cïï ë we duöt, wek yï nyan de Dhiɔn cï peec!

Yith 52:7

Ee kë piɛth cït ŋö bä raan toc tïŋ ke bɔ̈ ke cath ë kur nïïm, ke bïï wëlpiɛth, wël ke mät, wël ke piath! Ee thoŋ de tiëm caal, ku lɛ̈k Dhiɔn an, “Nhialicdu ee melik!”

Yith 54:4

Du riɔ̈c, yïn cïï yäär bï bɛ nyɔk, ku cïï yïn bï bɛ kuɔɔr piny. Yïn bï nɔm määr në ayärduön ɣɔn yïn dhuk, ku mär nɔm në rëërdu yïtök cï tiiŋ abaar.

Jeremia 31:7

Aye Bɛ̈nydït lueel an, “Kiɛtkï diɛt ke miɛtëpiɔ̈u në biäk ë Yithriɛl, jurdït ë juööriic. Kiɛtkï diɛtkuön ke alɛɛc, an, ‘Bɛ̈nydït acï kɔcke luök, acï kɔc cï döŋ kedhie kony.’

Jeremia 40:9

Go Gadalia lɛ̈k keek an, “Wek cä lëk jamdï an, acïn kë duëër week tɔ riɔ̈c ë luɔi bä wek röt gäm kɔc ke Babilonia. Ɣapkï ee pinyë, ku luööikï melik de Babilonia, ku käŋ kedhie abïk piath tëde week.

Jeremia 42:2

Agokï lɛ̈k tiët Jeremia an, “Loi kë lɛ̈kku yïn! Läŋ Bɛ̈nydït Nhialicda ë biäkda. Läŋë ë biäkda wodhie, wok kɔc cï poth. Ɣɔn thɛɛr wok juëc, ku ënɔɔnë, wok cï döŋ ke wo lik cït man woi yïn en.

Jeremia 44:2

An acïï Bɛ̈nydït de rɛm, Nhialic de Yithriɛl Lueel an, “Wek cï riääk cï yiɛ̈n Jeruthalem kekë pɛ̈ɛ̈nydït kɔ̈k ke Juda kedhie tïŋ ë we nyïïn. Cakaa ënɔɔnë aŋootkï ke ke cï riääk, ku acïn raan ceŋ keek,

Jeremia 44:6

Yeka cän agönhdï ku jiɛthëpiɔ̈ndï wäl ë pɛ̈ɛ̈nydït ke Juda yiic ku kuɛɛr ke Jeruthalem yiic, ku nyuɔp ke në mac. Acïk döŋ ke ke cï riääk, agut cï ee köölë.

Jeremia 50:23

Babilonia acï piny nɔm ëbɛ̈n dui ë dëi, ku ënɔɔnë dëiyë acï dhuɔɔŋ! Juöör kedhie acïk päu në kë cï rɔt luöi ee pinyë.

Jeremia 9:11

Aye Bɛ̈nydït lueel an, “Yɛn bï Jeruthalem tɔ e dhuur de ka cï riääk, të bï kɔ̈ɔ̈rgɔl aa ceŋ thïn, pɛ̈ɛ̈nydït ke Juda abïk aa jɔ̈ɔ̈r, të cïn raan bï rëër thïn.”

Dhiëëu 1:19

“Yɛn cï kɔc mät në yɛn cɔɔl, ku acïk jaai bïk a kony. Bäny ke kakë Nhialic ku röördït acïk thou në kuɛɛr ke pänydïtic, ke ke kɔɔr kë cam bï keek muk apïïr.

Dhiëëu 2:1

Bɛ̈nydït acï nyan de Dhiɔn kum ë mɔ̈ɔ̈th në agönhde. Läkdɛn de paannhial acï puk ke ee riääk. Në kööl de agönhde acï Luaŋdït pɔ̈l aya.

Dhiëëu 2:10

Röördït ke nyan de Dhiɔn ayek nyuc piny ke ke mim thook. Ku tɔ̈u abuui në kenïïm, ku ceŋkï lupɔɔ ke cual ë kekɔ̈ɔ̈th. Ku dhueec ke Jeruthalem ayek kenyïïn kuöm piny në ayäär.

Dhiëëu 4:1

Adhääp acïï be lɔ riauriau, adhäm awai acï rɔt waar, kur ɣeriic ke Luaŋdït acï ke wɛɛr piny ë kuɛɛr yiic ëbɛ̈n.

Dhiëëu 5:16

Acïn kë cï döŋ në kak ee wook tɔ lec röt. Amawoou në wook, wok cï karɛc looi, ku ënɔɔnë wok cï luöi këtuc.

Edhekiɛl 26:16

Meliik ke juöör ee cath wïïr ëbɛ̈n abïk bɛ̈n piny në thöcken nïïm. Abïk aluluutken yɔ̈ɔ̈t bei, ku bïïkï lupɔɔ amujuŋ ke bääny bei në kekɔ̈ɔ̈th, ku jɔkï nyuc piny ke ke lɛthë keek. Abïk riɔ̈ɔ̈c arëët në riääk cï yïn yök, ka lɛthden lɛthë ke acïï bï kɔ̈ɔ̈c.

Edhekiɛl 26:2

“Mɛnh ë raan, kënë ee kë ye kɔc nu në pänydït de Tayer lueel ke ke mit piɔ̈ɔ̈th. Ayek cööt an, ‘Jeruthalem acï riääk! Riɛldɛn de ɣɛɛc ë käŋ ë jäl! Acïï bï bɛ teer ke wook taitai!’

Edhekiɛl 5:5

Acïï Bɛ̈nydït Awärjäŋ lueel an, “Tiëŋkï Jeruthalem. Acä tääu ë juöör yiic cil, ku jɔ piiny kɔ̈k tɔ̈u ë yelɔ̈ɔ̈m ëbɛ̈n.

Lebai 26:31

Yɛn bï pɛ̈ɛ̈nydïtkun riäär piny, ku riääk ɣäänkuön ke läm, ku rɛɛc miɔ̈cduön ye gam.

Lebai 26:33

Yɛn bï tɔŋ yiɛ̈n week ku thiäi we piny ë juööriic. Pinydun abï yic ciën kɔc ku pɛ̈ɛ̈nydïtkun tɔ̈u ke ke cï riääk.

Dhep 2:15

Yen kë ee rɔt looi ka tëde kɔc ee kenïïm ɣääc në riɛlden kapäc, ku yek tak an rëërkï në mätic, ayek ŋic an pänydïïtden, ee yen adït ë pinynɔm, ku yen abï ja aa wun cï riääk cieŋ ë läi roor! Ku raan ëbɛ̈n ee tëëk ë ye këc abïï aa geet ku lɛt ë yeciin.

Nyuuth 18:7

Lɛc ee yen rɔt leec, ku kuɛth ee yen kuɛth ë kamit. Yen acït lɛ̈ŋ bä wek e leeŋ wëi ku dhiën bä wek e tɔ dhiau: Në luɛl ee yen e lueel ë yepiɔ̈u, an: ‘Yɛn rɛ̈ɛ̈r ke ya ye melik tik! Ku cä ye thuööm, ku yɛn cïï dhiëëu bï tïŋ anandï.”