Dhep 3:19 - JAM DE NHIALIC 2011

¹⁹ Kööl abɔ̈! Yɛn bï kɔc yɔŋ week luöi këtuc, Yɛn bï kɔc kɔ̈c kony ëbɛ̈n ku pɔ̈k kɔc cï peec nïïm wut. Yɛn bï ayärden puk ke ye dhuëëŋ, ku abïï pinynɔm ëbɛ̈n keek aa leec.

Dhep 3:19 Iomraidhean Croise

Yith 26:11

Acïï ë kɔc ke aterdu ŋic nɔn bï Yïn ke luöi këtuc. Tɔ ke yäär Bɛ̈nydït ku tɔ ke nuan, tɔ ke yök nuan cï kiëët në biäkden. Nyuöth ë keek nhiëër dïït nhiɛɛr Yïn kɔcku.

Yith 33:1

Amawoou në kɔc ke aterda! Wek ee käŋ riɔ̈ɔ̈k ku wek kënë ë riɔ̈ɔ̈k, wek ee käŋ rum ku wek kënë ë rum. Ku aköölkuön ke rum de käŋ ku riäk de käŋ abï thök, ku keek gupken abïï keek bɛ rum ku riäk keek.

Yith 60:14

Kuat de kɔc yɔŋ week abïk bɛ̈n ku tukkï kemiɔl piny nyooth kek riëëuden. Kɔc wään ee yïn biɔɔn guöp, abïk lam në yïcök piny. Abïk yïn cɔɔl an, ‘Pänydïït de Bɛ̈nydït.’ ‘Dhiɔn, pänydït de Nhialic Ɣeric de Yithriɛl.’

Yith 60:18

Awuɔɔu ë tɔŋ acïï bï bɛ piŋ, riääk acïï bï bɛ bɛ̈n pinydun, wek bä gël ku kuɔny week cït päny, wek bï ya leec në biäk cän week kony.

Yith 61:7

Ku ayärdun ku riɔ̈ɔ̈cduön ë guöp acïk thök. We bï rëër pinydun, ku kuɛthdun abï ŋuak nyin, miɛtëpiɔ̈ndun abï tɔ̈u aɣet athɛɛr.

Yith 62:7

Acïkï bï dhil tɔ lɔ̈ŋ aɣet të bï yen Jeruthalem kɔn yïk, ku looi ke ye pänydït bï leec ë pinynɔm ëbɛ̈n.

Jeremia 30:16

Ku ë nɔɔnë kɔc ee week rum, abïï keek rum, ku kɔc ke aterdun kedhie abïï keek jɔt ke ke mac. Kɔc ee week yɔŋ kedhie abïï keek yɔŋ, ku ee we peec abïï keek peec.

Jeremia 30:19

Kɔc rɛ̈ɛ̈r ëtɛ̈ɛ̈n abïk diɛt ke thieithieei kiit, abïk aa kïïu ë miɛtëpiɔ̈u. Ku abïk kenyïïn ŋuak në athiɛɛidï, ku abï athiɛɛidï ke yiɛ̈n riëëu.

Jeremia 31:8

Abä ke bɛ̈ɛ̈i të lɔ rut, ku määt ke yiic në aguut ke piny. Cɔɔr ayï ŋɔl abï bɛ̈n ke keek, ku bɔ̈ diëër liac ku diëër kɔɔr dhiëth. Abïk bɛ̈n ciëën ke ke ye jurdït.

Jeremia 33:9

Jeruthalem abï aa tëde miɛtëpiɔ̈u, ku riëëu, ku lɛcdï, ku juöör ke pinynɔm ëbɛ̈n abïk riɔ̈ɔ̈c ku lɛthë keek, të le kek kapiɛth cä luöi kɔc ke Jeruthalem lɔ piŋ, ku piŋkï kueth cä yiɛ̈n pänydït.”

Jeremia 46:28

Yɛn bï bɛ̈n tëde week ku kuɔny week. Yɛn bï juöör riɔ̈ɔ̈k ëbɛ̈n, të cän week thiäi piny, ku wek cä ke bï riɔ̈ɔ̈k. Ku we cä bï pɔ̈l ke we kën luöi këtuc, ku të lan week luöi këtuc, abä looi arɔ̈ŋ. Acä lueel, Yɛn Bɛ̈nydït.”

Edhekiɛl 16:27

“Ënɔɔnë yɛn cï yaciin jɔt, bï yïn luöi këtuc, ku jat biäk de athiɛɛidï. Wek cä gäm Pilithiin, kɔc man week ku arackï piɔ̈ɔ̈th në karɛc yakkï keek looi.

Edhekiɛl 16:57

ku wään kën ë karɛc yak looi kɔn nyuöth kɔc? Ënɔɔnë wek cï ciët yen, we ye bui gup në kɔc ke Edom, ku kɔc ke Pilithiin, ku kɔckuön kɔ̈k thiääk ë week, kɔc man week.

Edhekiɛl 34:16

“Yɛn bï ka cï määr lɔ kɔɔr, ku pɔ̈k ka cï tai roor nïïm ciëën, ku dɛɛr ɣään töök ke thök de gup bɔ̈ɔ̈t, ku ta ka de gup jɔɔk dem, ku ka cuai ku rilkï abä keek riɔ̈ɔ̈k, në biäk ee Yɛn tïn ee kë yic looi.

Edhekiɛl 39:13

Raan ëbɛ̈n raan nu ee pinyë abï kɔc kuɔny në täu tɔ̈ɔ̈u ë keek, ku abï ke dhuëëŋ gup në biäk de ee kënë në kööl de tiëmdï. Acä lueel, Yɛn Bɛ̈nydït Awärjäŋ.

Edhekiɛl 39:26

Të bï kek bɛ lɔ rëër në mätic pinyden, ke cïn raan riëëc keek, abïk nïïm bɛ määr në ayär wään cï kek gup yäär në luɔi cï kek A nyiɛɛn.

Maika 7:10

Ku ëtɛ̈ɛ̈n, abï raan ater tïŋ, ku gëm en ayäär. Kɔc wään ee ya dɔl guöp an, “Nu Bɛ̈nydït Nhialicdu ënou? Abä ke bɛ tïŋ awiëëk. Abï keek dum yiic, ku ciɛth ë kekɔ̈ɔ̈th cït raan cath ë tiɔ̈kic.

Dhep 3:15

Bɛ̈nydït acï luɔi lui En yïn këtuc pɔ̈l, acï kɔckuön ke ater nyaai ëbɛ̈n, Bɛ̈nydït, Meliŋ de Yithriɛl atɔ̈u ke week, ka cïn kë bï we bɛ riääc ënɔɔnë.

Dhek 8:23

Acï Bɛ̈nydït de rɛm lueel an: Në aköölkë yiic, alɛi kathiëër në juöör ke thook yiic ëbɛ̈n, abïk aa bɛ̈n tëde raan töŋ ë Judai, ku lëkkï yen an, ‘Tɔ wo lɔ të le yïn thïn në yïn ëtök. Acuk piŋ nɔn tɔ̈u ë Nhialic ke week.’

Nyöŋ 26:19

Abï week tɔ dït awär juöör cï cak ëbɛ̈n, ku wek bï lɛc ku riëëu yiɛ̈n rinke. Wek bï aa kɔc ɣeriic ke Bɛ̈nydït Nhialicdun cït man cï Yen e lueel.

Ɣeberuu 12:13

Ku yak kueer lɔ loulou cak në wecök ke ŋɔl cï rɔt bï yal wei kueer, aŋuɛ̈ɛ̈n luɔi bï ŋɔl waar ku deem.

Nyuuth 20:9

Gokï lɔ ku thiäŋkï piny nɔm, ku jɔkï të tɔ̈uwë rem ë kɔc ɣerpiɔ̈ɔ̈th tuɔɔk ku tookkï pänydïït nhiaar: na wën, ke mac bɔ̈ piny paannhial, bï ku cuɛ̈ɛ̈l keek.

Bäny 1:7

Na wën ke lueel Adonibedhek an, “Yɛn ë butbuut ku riöp ke cök ke meliik kathiërdhorou tɛ̈ɛ̈m bei kedhie, ku aake ye cam në athueithueei ee lööny piny ë yathok, cït man cän ye looi, acï Nhialic guöör.” Go lɛɛr Jeruthalem, të wään cï yen lɔ thou thïn.