Dhep 3:13 - JAM DE NHIALIC 2011

¹³ Kɔc lik ke Yithriɛl cï döŋ apïr acïkï kɔc bï bɛ aa kɔ̈ɔ̈r akɔ̈ɔ̈k, ku cïkï bï bɛ aa jam në lueth, ku acïn ruëëny bï bɛ tɔ̈u në keyiic. Abïk aa kuɛth ku rëërkï ë mätic. Ku acïn raan bï kek bɛ riɔ̈ɔ̈c.

Dhep 3:13 Iomraidhean Croise

2 Lëk 20:30

go melik Jeɣocapat bääny muk në mätic, ku jɔ ë Nhialic gäm rëër lɔ diu në ɣään kedhie.

Jop 11:19

Yïn bï aa tɔ̈c piny në mätic ke cïn raan riɔ̈ɔ̈c yïn, kɔc juëc abïk nyuc piny në yïnɔm.

Diɛt 119:3

Acïn kërɛɛc yek looi, ayek cath ë kuɛɛr ke Bɛ̈nydït yic.

Diɛt 120:2

Kony a Bɛ̈nydït, në kɔc aluɛth ku kɔc ee mɛth.

Diɛt 120:3

Wek aluɛth eeŋö bïï Nhialic luöi week? Bï we luöi këtuc adï?

Diɛt 23:2

Ee ya tääc në wal tɔ̈c yiic, ee ya wat në pïïu piɛth lɔ̈m.

Yith 17:2

Pɛ̈ɛ̈nydït ke Thiriya abï ke pɔ̈l aɣet athɛɛr. Abïk aa tëde nyuäth ë thök ku ɣɔ̈k, ku acïn raan bï ke cuɔp wei.

Yith 35:8

Abï dɛ kueer lääuwic ëtɛ̈ɛ̈n, abï cɔɔl an, “Kueer de Ɣɛɛrë Yic.” Acïn raan ee karɛc looi bï cath ee kueerë, ku acïn raan piɔlpiɔ̈u bï kɔc yal wei ë kueerë yic.

Yith 54:14

Piathëpiɔ̈u ku yic abïk yïn tɔ ril. Yïn bï kony në yaaŋ ku riɔ̈ɔ̈cdït.

Yith 6:13

Cakaa raan tök yen ë dɔ̈ŋ ë kɔc kathiëër yiic, yen abïï riɔ̈ɔ̈k aya, abï ciët tim de ɣok cïï ë luc döŋ piny të cïï ë yen yep.” (Kɔc ɣeriic ke Nhialic kek ee luny bï röt bɛ jɔt.)

Yith 60:21

Kɔcku abïk këpiɛth aa looi, Ku abïk piny cieŋ aɣet athɛɛr, acä ke com, acä ke cak, bïk dïtdï nyuöth raan ëbɛ̈n.

Yith 63:8

Go Bɛ̈nydït lueel an, “Ayek kɔckï acïkï yɛn bï math.” Ago keek kony

Yith 65:10

Abïk ɛn aa lam ku watkï thökken, ku ɣɔ̈kken bïk lɔ nyuäth në riaaŋ de Caron yic në biäk të lɔ aköl athɛ̈i, ku në wak de Agööth yic në biäk të lɔ aköl amiäk.

Jeremia 23:4

Yɛn bï bäny bï keek tit lɔc. Kɔckï acïkï bï riɔ̈ɔ̈c ku cïkkï pɛ̈u wei, ku acä ke bï bɛ luöi këtuc. Acä lueel, Yɛn Bɛ̈nydït.”

Jeremia 30:10

“Kɔckï duökï riɔ̈c, kɔc ke Yithriɛl duökï piɔ̈ɔ̈th riɔ̈c. Wek bä luök ee piny mecë, piny ya wek kɔc cï peec thïn. Wek bï bɛ̈n ciëën baai ku rëërkï në mät, wek bï luök, ku acïn raan bä wek bɛ riɔ̈ɔ̈c.

Jeremia 31:33

Ku Löŋ cï piac mac bä looi wo baai de Yithriɛl yekï: Yɛn bï löŋdï tääu ë keyiic ku gäär ë kepiɔ̈ɔ̈th. Yɛn bï aa Nhialicden, ku abïk aa kɔckï.

Edhekiɛl 39:26

Të bï kek bɛ lɔ rëër në mätic pinyden, ke cïn raan riëëc keek, abïk nïïm bɛ määr në ayär wään cï kek gup yäär në luɔi cï kek A nyiɛɛn.

Jowɛl 3:17

“Yen abä wek en jɔ ŋic ëgɔk ëtɛ̈ɛ̈n, Yɛn Bɛ̈nydït Nhialicdun. Nɔn rɛ̈ɛ̈r Ɛn në Dhiɔn kuurdiën ɣeric nɔm. Jeruthalem abï aa pänydït ɣeric, ku acïï rem de tɔŋ de alɛi bï bɛ nyɔk ë pɛ̈c taitai.

Lebai 26:6

“Wek bä gäm mät pinydun. Ka wek bï aa niin, ku acïn raan bï week tɔ riɔ̈c. Yɛn bï läi rac nyaai pinydun, ku acïn abätäu bï wundun reetic.

Maika 4:4

Raan ëbɛ̈n, abï ya rëër ë dïu në dom de ŋaapde thar. Acïn raandɛn bï ye bɛ aa riääc. Yen kë cïï Bɛ̈nydït de rɛm than piny ka.

Maika 4:7

Kɔc cï gum abä ke tɔ dɔ̈ŋ apïïr, ku kɔc cï cuɔp wei ta keek ë jur ril. Abä ke cieŋ në Kuur ë Dhiɔn nɔm, gɔl ënɔɔnë aɣet athɛɛr.

Maika 7:14

Tit kɔcku apiɛth Bɛ̈nydït, kɔckuön cï lɔc. Arëërkï roor ënɔɔnë kapäc. Ee Yïn abï ke lɛɛr piny piɛth de Bacan ku Giliyad, cït man ɣɔn ye kek kɔn tɔ̈u ɣɔn thɛɛr.

Dhep 2:7

Kɔc ke Juda cï döŋ apïr abïk pinydun dɔm. Yen bï kek ɣɔ̈k aa nyuääth thïn, ëlë thëën ke ke lɔ tɔ̈c në ɣööt ke Acekelon yiic. Bɛ̈nydït Nhialicden abï bɛ tɔ̈u ke keek, ku puk kenïïm athiɛɛiden.

Dhep 3:5

Ku Bɛ̈nydït atɔ̈u ë pänydït yic, ku abï këpiɛth looi ke cie kërac. Ee yicde nyuöth kɔcke aköölnyïïn ke cïn kööl töŋ lööny nɔm piny, ku kɔc ee karɛc looi ëtɛ̈ɛ̈n, ayek ŋoot ke ke loi awɛ̈ɛ̈c ku cïkï gup ee riɔ̈ɔ̈c.

Dhek 8:12

Abïk aa com të cïn riɔ̈ɔ̈c. Ku tiimkɛn ke enap abïk aa luɔk apiɛth, ku piny abï ya luɔk në këriëëc ëbɛ̈n, ku deŋ abï dït arëët. Yɛn bï kɔckiën lik cï döŋ gäm ee kakë kedhie.

Dhek 8:16

Ku ka bäk looi kï: yak röt jääm në yith. Yak ŋɛk gäm yicde në göny yiic, yic wën ee rëër lɔ dïu bɛ̈ɛ̈i.

Dhek 8:3

Ku ënɔɔnë, yɛn puk a nɔm pinydï. Yɛn bï lɔ rëër Jeruthalem yɛn guöpdï. Ka Jeruthalem abï ya cɔɔl an, Pänydït adöt, ku cɔl kuur de Bɛ̈nydït de rɛm an kuur ɣeric.

Math 13:41

Wën ë Raan abï tuuckɛn nhial tooc, ku abïk käŋ kuɛ̈ny bei ë ciɛɛŋdeyic kedhie ka ye kɔc tɔ loi kërac ayï kɔc ë kërac looi.

Jɔn 1:47

Na wën, ke Yecu tïŋ Nathanyel ke bɔ̈ tëde yen, go lueel an, “Wɔikï, raan ë Yithriɛl ëgɔk ka, raan cïn yäc ruëëny!”

Kolothai 3:9

Ë ŋɛk ë cïï ŋɛk ee tɔ̈ɔ̈r lueth, në päl cä wek raan thɛɛr pɔ̈l kekë luɔide,

1 Pet 3:14

Ku na cakaa wek ë gum kërac në biäk de piathëpiɔ̈u, ke we cï thieei: ku duökï ee riɔ̈ɔ̈c ë riɔ̈ɔ̈cden, ku duökï wepiɔ̈ɔ̈th ee tɔ jeth.

1 Jɔn 5:18

Cöökë aŋicku, an, Raan ëbɛ̈n raan ë dhiëëth Nhialic acïï kërac ee looi, raan ë dhiëëth Nhialic ee rɔt döt, ke cïï jɔŋ rɛɛcë bï jak.

Nyuuth 14:5

Ku acïn luenh cï yök ë kethook: atɔ̈ukï ë thöönydïït ë Nhialic nɔm ke ke cïn gäŋ duëërë ke gɔ̈k.

Nyuuth 21:27

Ku acïn kënhiɛɛny bï lɔ thïn ëliŋliŋ, ayï raan ee kënhiany looi, ayï raan ee lueth töör: ee kɔc cï gɔ̈ɔ̈r rin në awerek de Nyɔŋamäälic awerek de pïïr keek kapäc kek abï lɔ thïn.

Nyuuth 21:8

Ku na ariɔ̈c, ku kɔc reec gäm, ku kɔc nhiany piɔ̈ɔ̈th, ku kɔc ee kɔc nɔ̈k akurkï, ku kɔc ee diäär kɔɔr, ku kɔc ee thuëth, ku kɔc ee yiëth lam, ku aluɛth kedhie, këden ee täu bï kek tɔ̈u ë baar ë dëp ë macic ku thulpuric, yen aye thon ee kek rou.”