Dhep 2:9 - JAM DE NHIALIC 2011

⁹ Ku në biäk de ee kënë, Yɛn Bɛ̈nydït de rɛm pïïr, Yɛn ë kuëëŋ nɔn bï yɛn Mowap kekë Ammon dhiɛl tɔ cït Thɔdom, ku Gomoora, abï ya piny de amilɔ ku puɔ̈l, ku ee piny ee yuööt yen bï rɔt jɔt thïn, ku cïn raan ceŋe anande. Abïï jurdiën lik cï döŋ apïïr ke yak ku nömkï pinyden.

Dhep 2:9 Iomraidhean Croise

Yith 11:14

Keek kedhie abïk Pilithiin aa mak të lɔ aköl athɛ̈i, ku yiɛkkï kɔc rɛ̈ɛ̈r të lɔ aköl amiäk. Ku abïk piiny ke kɔc ke Edom ku Mowap peec, ku abï ë kɔc ke Ammon keek riëëu.

Yith 25:10

Bɛ̈nydït abï kuur ë Dhiɔn gël, ku kɔc ke Mowap abï ke dum yiic ë kɔc cök, cït man ye anin dum yic të nuɛɛi ë tiɔp.

Yith 49:18

Caathë yïnyin ku tïŋ kë loi rɔt! Kɔcku amɛ̈ɛ̈tkï röt ke ke bɔ̈ ciëën pinyden! Ke ya ye Nhialic pïïr ë yic, yïn bï rɔt lɛɛc në kɔcku, cït man ye nyan kaman rɔt lɛɛc në atekkɛn ceŋ keek.

Jeremia 46:18

Yɛn Bɛ̈nydït de rɛm, Yɛn ee melik. Yɛn ee Nhialic Pïïr. Cït man bɛ̈ɛ̈r ë kuur ë Tabor ë kur nïïm, ku kääc kuur ë Karmel ke bäär ë wɛ̈ɛ̈r yɔu, yen abï ciët riɛl de raan bï we mak.

Jeremia 48:1

Acïï Bɛ̈nydït de rɛm, Nhialic de Yithriɛl lueel në biäk de Mowap an, “Amawoou në kɔc ke Nebo, wunden acï riɔ̈ɔ̈k! Kiriathaim acï peec, ɣäänkɛn ril acï ke thuöör piny, ku kɔcke acï ke tɔ yäär,

Jeremia 49:1

Kën ë lueel Bɛ̈nydït kï në biäk de Ammon an, “Tɔ̈u röör ke Yithriɛl tënou? Cïn raan töŋ duëër pinyden gël? Eeŋö duëër kek kɔc ee yanh cɔl Molek lam tɔ nöm piny de dhiën ë Gad ku ɣɛpkï ëtɛ̈ɛ̈n?

Jeremia 49:18

Yen ee kë bï tuöl tëde Edomë abï ciët kë wään bï tuöl tëde Thɔdom ku Gomoora, wään cïï ë keek riɔ̈ɔ̈k ku riäk wuöt thiääk në keek. Acïn raan bï bɛ ceŋ ëtɛ̈ɛ̈n. Acä lueel Yɛn Bɛ̈nydït.

Jeremia 49:33

Ɣadhor abïï tɔ ee jɔ̈ɔ̈r aɣet athɛɛr, të bïï kɔ̈ɔ̈rgɔl aa ceŋ thïn kapäc. Acïn raan bï bɛ rëër ëtɛ̈ɛ̈n. Acä lueel, Yɛn Bɛ̈nydït.”

Jeremia 50:40

Kë wään cï rɔt luöi Thɔdom kekë Gomoora abï rɔt luöi Babilonia, wään bän keek riɔ̈ɔ̈k në wuöt thiääk ë keek. Acïn mɛnh ë raan bï bɛ rëër ëtɛ̈ɛ̈n. Acä lueel, Yɛn Bɛ̈nydït.

Amoth 1:13

Aye Bɛ̈nydït lueel an, “Kɔc ke Ammon abä keek luöi këtuc, në biäk de karɛc juëc cïk looi. Arëk abïk diëër liac rɛ̈ɛ̈tiic bei në mïth në Giliyad, në baŋ bï kek piny nööm ke ye këden, ŋuɛk kek pinyden nyin.

Amoth 2:1

Aye Bɛ̈nydït lueel an, “Kɔc ke Mowap abä keek luöi këtuc, në biäk de karɛc juëc cïk keek looi. Arëk abïk yom ke bɛ̈ny de Edom nyop abïk aa ŋeth.

Dhep 2:14

Luuny ke këriëëc roor ëbɛ̈n abïk aa tɔ̈c thïn. Cuɔɔr ayï anyigon abïk cieŋ në pänydït yic, ku agumut abï aa kïïu awëërnyïïn. Ku gaak abï ya dhiau në nïn nɔm. Kɔc abïk tiim ke thidar ke ɣööt wɛ̈ɛ̈th bei në kekɔ̈ɔ̈th

Dhep 2:7

Kɔc ke Juda cï döŋ apïr abïk pinydun dɔm. Yen bï kek ɣɔ̈k aa nyuääth thïn, ëlë thëën ke ke lɔ tɔ̈c në ɣööt ke Acekelon yiic. Bɛ̈nydït Nhialicden abï bɛ tɔ̈u ke keek, ku puk kenïïm athiɛɛiden.

Dhep 3:13

Kɔc lik ke Yithriɛl cï döŋ apïr acïkï kɔc bï bɛ aa kɔ̈ɔ̈r akɔ̈ɔ̈k, ku cïkï bï bɛ aa jam në lueth, ku acïn ruëëny bï bɛ tɔ̈u në keyiic. Abïk aa kuɛth ku rëërkï ë mätic. Ku acïn raan bï kek bɛ riɔ̈ɔ̈c.

Dhek 2:13

Raan ëbɛ̈n ë lɔ dïu në Bɛ̈nydït nɔm, Bɛ̈nydït ë rɔt jɔt tëdɛn ɣeric rëër en thïn.

Kuɛ̈n 14:21

Ku ë yic, cït man täu Ɛn në ee pinyë nɔm, ku cït man bï kɔc ke piny nɔm thiäŋ në dhuëëŋdï kedhie,

Romai 14:11

Cït man cï ë gɔ̈ɔ̈r an, “Alueel Bɛ̈nydït an, Tën aa yɛn Nhialic pïïr, ke miɔɔl kedhie abï ke tuk ë Yanɔm. Ku liëp kedhie abïk awɛ̈ɛ̈c gam ë Nhialic nɔm.”

Nyöŋ 29:22

“Në rɛm bï bɛ̈n wadäŋ abïï mïth ke mïthkun ku alɛi tɔ̈u tëmec tïŋ, yen riääk ku nuan cï Bɛ̈nydït bɛ̈ɛ̈i pinydun.

Nyöŋ 29:23

Duum abïk aa riaaŋ cie luɔk, piny cï thiäŋ ke thulpur ku amilɔ, acïn kë bïï com thïn, ayï wal acïkï bï ciɛl ëtɛ̈ɛ̈n, pinydun abï ciët pɛ̈ɛ̈nydït ke Thɔdom, ku Gomoora, ku Adma, ku Dheboyim, wään cïï Bɛ̈nydït ke riɔ̈ɔ̈k ɣɔn cï yen gɔ̈th aläl,