Dhep 2:7 - JAM DE NHIALIC 2011

⁷ Kɔc ke Juda cï döŋ apïr abïk pinydun dɔm. Yen bï kek ɣɔ̈k aa nyuääth thïn, ëlë thëën ke ke lɔ tɔ̈c në ɣööt ke Acekelon yiic. Bɛ̈nydït Nhialicden abï bɛ tɔ̈u ke keek, ku puk kenïïm athiɛɛiden.

Dhep 2:7 Iomraidhean Croise

Cäk 50:24

Ago Jothep lɛ̈k mïthëkɔcken an, “Yakï cï thiɔ̈k wo thuɔɔuwë, Nhialic abï we lɔ̈ɔ̈k tiit, ku löök we bɛ̈ɛ̈i bei piny ë Rip. Ku abï we lɛɛr piny wään cï thɔ̈n Abraɣam kekë Yithaak ku Jakop.”

Diɛt 80:14

Pɔ̈kë rɔt wook, Awärjäŋ Nhialic! Wɔiyë wo piny paannhial, bä kony kɔcku!

Diɛt 85:1

Bɛ̈nydït Yïn ee piɔ̈u kok wekë pinydu, Yïn cï kɔc ke Yithriɛl bɛ tɔ de nïïm käŋ.

Bɛ̈n 4:31

Agokï gam. Na wën, aa piŋkï luɔi cïï Bɛ̈nydït ciɛɛŋ cieŋ ë keek arac tïŋ, acïk kenïïm bɛ̈n guöt piny, ku läŋkï.

Yith 11:11

Të lee köölë bɛ̈n, Bɛ̈nydït abï riɛlde bɛ looi ku bïï kɔc baai, kɔckɛn wään cï döŋ Athiriya ku Rip, ku piny de Pathroth, ku Kuc ku Eelam, Ku Babilonia ku Ɣamath ku wɛ̈th thook ku tuöör ke wɛ̈ɛ̈r yiic.

Yith 11:14

Keek kedhie abïk Pilithiin aa mak të lɔ aköl athɛ̈i, ku yiɛkkï kɔc rɛ̈ɛ̈r të lɔ aköl amiäk. Ku abïk piiny ke kɔc ke Edom ku Mowap peec, ku abï ë kɔc ke Ammon keek riëëu.

Yith 11:16

Abï dɛ kueer dït ee jäl në Athiriya, bïï kɔckɛn ke Yithriɛl cï döŋ apïïr ëtɛ̈ɛ̈n tëëk ke ke bɔ̈, cït man ɣɔn de yen kueer ë bïï kuarken bei paan ë Rip.

Yith 14:1

Bɛ̈nydït abï piɔ̈u bɛ kok kekë Yithriɛl kɔcke, ku lɔc keek ke ke ye kɔc ke naamde. Abïï keek bɛ tɔ rɛ̈ɛ̈r pinyden, ku alɛi abïk bɛ̈n ku rëërkï në keek ëtɛ̈ɛ̈n.

Yith 32:14

Acakaa ɣöndït abï nyääŋ piny, ku pänydït abï yic ciɛ̈n raan taitai. Ɣööt ku ɣään cï gël abïk nu në riääkic aɣet athɛɛr. Mul roor abïk aa cath ëtɛ̈ɛ̈n, ku thök abïk aa nyuäth ëtɛ̈ɛ̈n.

Jeremia 23:3

Yɛn bï kɔckï määtiic në wuöt cän keek thiäi thïn, ku abä keek bɛ̈ɛ̈i ciëën pinyden. Abïk dɛ mïth juëc ku ŋuak kuënden nyin.

Jeremia 29:10

“Aye Bɛ̈nydït lueel an, ‘Të cï run ke Babilonia kathiërdhorou wan, Yɛn bï diɛɛrdï në week nyuɔɔth, ku Yɛn bï gutguutdï döt ku bɛ̈ɛ̈i week ciëën baai.

Jeremia 29:14

Ee yic, aya lueel an yïn bï ya yök, ku yïn bä pɔ̈k nɔm pinydun. Wek bä määtiic në juööriic ëbɛ̈n ku në ɣään yiic ëbɛ̈n, ɣään cän we thiäi thïn, ku wek bä bɛ̈ɛ̈i ciëën piny wään bän week kɔn cuɔp wei le we peec thïn. Acä lueel, Yɛn Bɛ̈nydït.’

Jeremia 3:18

Baai de Yithriɛl abï mat ke baai de Juda, ku keek kedhie abïk lɔ bɛ̈n ciëën piny lei, piny nu të lɔ rut, ku abïk röt pɔ̈k piny cä gäm kuarkun, ke ye piny de nɔmden.”

Jeremia 30:3

Në biäk cï akööl bɛ̈n akööl bän ke kɔckï luök, kɔc ke Yithriɛl ku Juda. Abä ke bɛ̈ɛ̈i ciëën piny wään cä gäm kuarken, ku abïk bɛ nööm. Acä lueel, Yɛn Bɛ̈nydït.”

Jeremia 31:7

Aye Bɛ̈nydït lueel an, “Kiɛtkï diɛt ke miɛtëpiɔ̈u në biäk ë Yithriɛl, jurdït ë juööriic. Kiɛtkï diɛtkuön ke alɛɛc, an, ‘Bɛ̈nydït acï kɔcke luök, acï kɔc cï döŋ kedhie kony.’

Jeremia 32:44

Abïï kɔc ke ɣɔɔc, ku löŋ abïï thaany, ku gur thok, ku abïï ŋic ë kɔc. Kënë abï rɔt looi piny de Benjamin, në ɣään thiääk ë Jeruthalem, ë pɛ̈ɛ̈nydït ke Juda yiic, ku në pɛ̈ɛ̈nydït nu piny ë kuur, ku në kur thäär, ku ë Juda të lɔ wöuwic. Yɛn bï kɔc pɔ̈k nïïm pinyden. Acä lueel, Yɛn Bɛ̈nydït.”

Jeremia 33:12

Acïï Bɛ̈nydït de rɛm lueel an, “Në ee pinyë yic, piny cï ciët jɔ̈ɔ̈ric ku ye të cïn kɔc ku nɔn ee läi rɛ̈ɛ̈r thïn, abï yic bɛ dɛ wal bï tïït ke thök thök bɛ tɔ lɔ nyuääth thïn.

Jeremia 33:7

Yɛn bï Juda kekë Yithriɛl tɔ kueth, ku abä ke bɛ yïk cït man wään tueŋ.

Jeremia 47:5

Jiɛthëpiɔ̈u dït acï bɛ̈n në kɔc ke Gadha gup, ku kɔc ke Acekelon alek lik. Agut cï nɛn yen bïï kɔc kɔ̈k ke Pilithtiya jɔ dhiau?

Edhekiɛl 39:25

Acïï Bɛ̈nydït Awärjäŋ lueel an, “Ku ënɔɔnë yɛn bï piɔ̈u kok në kuat de Jakop, baai de Yithriɛl, ku abä ke bɛ tɔ kueth. Yɛn bï rinkiën ɣer yiic gël.

Ɣodh 6:11

Ayï week ayadäŋ, wek kɔc ke Juda, akööl acä ke mac, akööl bän week luöi këtuc.

Obadaya 1:19

“Kɔc ke Juda tɔ̈u të lɔ wöuwic, abïk piny ë Edom lɔ̈ɔ̈k cieŋ, ku kɔc nu në kur thäär ë baŋ të lɔ aköl athɛ̈i, abïk piny ë Pilithiin lɔ̈ɔ̈k rum. Kɔc ke Yithriɛl abïk piny ë Eparaim lɔ̈ɔ̈k nööm kekë piny ë Thamaria, ku kɔc ke Benjamin abïk piny de Giliyad nööm.

Maika 2:12

Go Bɛ̈nydït lueel an, “Wek kɔc lik ke baai de Yithriɛl cï döŋ apïïr, wek bä määt yiic tëtök wedhie, abäk ciët thök nu kɛl, ku ciëtkï thök nyuäth në tɔ̈ɔ̈ric. Ka piny abï thiäŋ ke kɔc.

Maika 4:10

Dhiaukï arëët wek kɔc ke nyan de Dhiɔn, cït man ë tiiŋ cïï arɛɛm ë dhiëth nuaan, në biäk bïï ë we jat wei ë pänydït yic ënɔɔnë, ku lak rëër roor baaŋ të cïn ɣööt. Wek bïï lɛɛr Babilon, yen të bï we lɔ luök thïn ka. Bɛ̈nydït abï we lɔ wɛ̈ɛ̈r bei ëtɛ̈ɛ̈n në kɔckuön ke ater cin.

Maika 4:7

Kɔc cï gum abä ke tɔ dɔ̈ŋ apïïr, ku kɔc cï cuɔp wei ta keek ë jur ril. Abä ke cieŋ në Kuur ë Dhiɔn nɔm, gɔl ënɔɔnë aɣet athɛɛr.

Dhep 2:9

Ku në biäk de ee kënë, Yɛn Bɛ̈nydït de rɛm pïïr, Yɛn ë kuëëŋ nɔn bï yɛn Mowap kekë Ammon dhiɛl tɔ cït Thɔdom, ku Gomoora, abï ya piny de amilɔ ku puɔ̈l, ku ee piny ee yuööt yen bï rɔt jɔt thïn, ku cïn raan ceŋe anande. Abïï jurdiën lik cï döŋ apïïr ke yak ku nömkï pinyden.

Dhep 3:13

Kɔc lik ke Yithriɛl cï döŋ apïr acïkï kɔc bï bɛ aa kɔ̈ɔ̈r akɔ̈ɔ̈k, ku cïkï bï bɛ aa jam në lueth, ku acïn ruëëny bï bɛ tɔ̈u në keyiic. Abïk aa kuɛth ku rëërkï ë mätic. Ku acïn raan bï kek bɛ riɔ̈ɔ̈c.

Dhep 3:20

Kööl abɔ̈! Yɛn bï kɔckuön cï thiäi piny bɛ̈ɛ̈i wut, wek bä tɔ ŋic ë pinynɔm ëbɛ̈n, ku bɛ nyɔk në luɔi ta Yɛn we kueth. Ee Bɛ̈nydït Yen aa jam.

Ɣagai 1:12

Ku ëtɛ̈ɛ̈n, Dherubabel wën de Caltiɛl kekë Jocua wën de Jeɣodhadak, bɛ̈nydïït ë kake Nhialic, ku kɔc ɣɔn bɔ̈ në pɛ̈cic kedhie, acïk jam ë Bɛ̈nydït Nhialicden bɛ̈n gam, ku gamkï jam ë tiët Ɣagai tuny ë Bɛ̈nydït, cït man cïï Bɛ̈nydït ye tooc. Ago kɔc jɔ aa riɔ̈ɔ̈c në Bɛ̈nydït.

Ɣagai 2:2

Lëk Ɣagai an, “lɛ̈kë Dherubabel wën de Caltiɛl, bɛ̈ny ë Juda, kekë Jocua bɛ̈nydïït ë kake Nhialic, ku lɛ̈kë kɔc lik cï döŋ kedhie,

Luk 1:68

“Thieithieei Bɛ̈nydït, Nhialic de Yithriɛl, acï kɔcke neem ku wëër keek bei,

Luk 7:16

Go kɔc dɔm ë riɔ̈ɔ̈c kedhie: ku jɔkï Nhialic leec, luekï an, “Tiët dït acï tuöl ë woyiic! Nhialic acï kɔcke bɛ̈n neem!”

Luɔi 8:26

Na wën, ke tunynhial tuny ë Bɛ̈nydït jɔ Pilip yɔ̈ɔ̈k an, “Jɔt rɔt, lɔ të lɔ wöuwic, të nu kueer jël ë Jeruthalem le Gadha.” Kueer tëk ë jɔ̈ɔ̈ric.

Luɔi 8:40

Go Pilip rɔt a yök Adhoto: go tëëk ë wuötiic kedhie, ke guiir wëlpiɛth, aɣet të cï en bɛ̈n Kaitharia.

Romai 11:5

Ku yen ënɔɔnë aya, ade biäk ë kɔc lik cï döŋ anu në kë cï lɔc në dhuëëŋdepiɔ̈u.

Ruuth 1:6

Na ɣɔn, aa ŋoot Nawomi ke rɛ̈ɛ̈r piny de Mowap, ke piŋ luɔi cïï Bɛ̈nydït kɔcke lɔ̈ɔ̈k loor, ka acïk nïïm dɛ këcam. Go Nawomi guik kekë diäär ke wɛ̈ɛ̈tke.