Dhep 2:15 - JAM DE NHIALIC 2011

¹⁵ Yen kë ee rɔt looi ka tëde kɔc ee kenïïm ɣääc në riɛlden kapäc, ku yek tak an rëërkï në mätic, ayek ŋic an pänydïïtden, ee yen adït ë pinynɔm, ku yen abï ja aa wun cï riääk cieŋ ë läi roor! Ku raan ëbɛ̈n ee tëëk ë ye këc abïï aa geet ku lɛt ë yeciin.

Dhep 2:15 Iomraidhean Croise

Jop 16:4

Yɛn ayadäŋ, adï cä dhiɛl jam në ee jamduönë, na ye wek ë cïï ee riäŋdiënë yök, adï cä bëërdït agök kiëët, lɛɛr ɛn wecök,

Jop 27:23

Ee Yecin pam tëdɛn ë rëër ke ke geet gup të le kek ke ke riŋ.

Yith 22:2

Pänydït ëbɛ̈n ade yic anuɔɔn, ë thiäŋ kekë awuɔɔu ku miɛtëpiɔ̈u. Kɔckuön cï thou ee tɔŋë yic, aake cïï thou ke ke thäär.

Yith 32:11

Wek aa cïn kë dhäl tëde week, ku cäkkï ee diɛɛr, ku ënɔɔnë takï röt lɛthë në riɔ̈ɔ̈c! Yɔ̈ɔ̈tkï lupɔɔ bei ë wekɔ̈ɔ̈th, ku duötkï we yiic anuɛɛr.

Yith 32:14

Acakaa ɣöndït abï nyääŋ piny, ku pänydït abï yic ciɛ̈n raan taitai. Ɣööt ku ɣään cï gël abïk nu në riääkic aɣet athɛɛr. Mul roor abïk aa cath ëtɛ̈ɛ̈n, ku thök abïk aa nyuäth ëtɛ̈ɛ̈n.

Yith 32:9

Wek diäär cïn kë dhal week, kɔc cïï diɛɛr, piɛŋkï kë luɛɛl.

Yith 47:10

“Yïn cï rɔt ŋic apiɛth në karɛckuön ye looi yiic, aye tak nɔn cïn en raan duëër yï tïŋ. Pɛlënɔmdu, ku ŋïnyduön de käŋ acïk yïn mɔ̈ɔ̈r, ku ja jɔ aa lɛ̈k rɔt an, ‘Yɛn ee Nhialic, acïn raan däŋ pei cït ɛn.’

Jeremia 18:16

Acïk ee pinyë tɔ ee këde riɔ̈ɔ̈c, bï biɔɔn guöp aɣet athɛɛr. Kɔc ee tɛ̈ɛ̈k eenë kedhie ayek gäi në kë cïk tïŋ, ayek kenïïm bet në gäidït.

Jeremia 19:8

Yɛn bï gökdïït de riääk bɛ̈ɛ̈i ë pänydïtic, ka raan bï aa tɛ̈ɛ̈k ëtɛ̈ɛ̈n abï wɛ̈ɛ̈ŋ ku gɛ̈i arëët.

Jeremia 50:13

Në biäk de agönhdï acïn raan bï ceŋ ë Babilon, abïï nyääŋ piny ke cï riääk, ku kɔc bï aa tëëk ëtɛ̈ɛ̈n abïk päu ku gɛ̈ikï.

Dhiëëu 1:1

Eeŋö cïï Jeruthalem döŋ aya yetök, wun wään cï kɔn thiäŋ ke kɔc! Wun wään ye juöör riëëu, ënɔɔnë acï ciët tiiŋ thuööm. Adhuëëŋ ke pɛ̈ɛ̈nydït acï keek tɔ ye lïïm.

Dhiëëu 2:1

Bɛ̈nydït acï nyan de Dhiɔn kum ë mɔ̈ɔ̈th në agönhde. Läkdɛn de paannhial acï puk ke ee riääk. Në kööl de agönhde acï Luaŋdït pɔ̈l aya.

Dhiëëu 2:15

Kɔc tɛ̈ɛ̈k ë pänydït këc ayek yïn biɔɔn guöp të woi kek yïn. Ayek kenïïm bet ku dɔlkï riääk de Jeruthalem, an, “Ee yen pänydït lɛ̈kë ee kënë? Ee yen lɛc de piny nɔm ëbɛ̈n ee kënë?”

Edhekiɛl 27:36

Yïn ë jäl, ë jäl athɛɛr, ku kɔc ee käŋ ɣaac ë pinynɔm acïk riɔ̈ɔ̈c, acïk riɔ̈ɔ̈c në luɔi bï kek riääkdu rɔm ë yïn.”

Edhekiɛl 28:2

“Mɛnh ë raan, lɛ̈kë melik de Tayer, kë lɛ̈k en yɛn Bɛ̈nydït Awärjäŋ: yïn cï rɔt gap nhial në lɛc ku ye lueel an ye yath. Aye lueel an cï nyuc në thöny cï tuɔɔk ë wɛ̈ɛ̈r cï yath. Yïn duëër rɔt kac an ye yath, ku ei, yïn ee raan, yïn cie tɔ̈u athɛɛr.

Edhekiɛl 28:9

Të lee kek bɛ̈n bïk we bɛ̈n nɔ̈k, bäk bɛ ŋoot ke luɛl kï an ee yath? Të la wek kɔc näk we tïŋ, we bï aa kɔc tei ku we cïï bï bɛ aa ka tɔ̈u athɛɛr.

Edhekiɛl 29:3

Luel an kë lëkë Bɛ̈nydït Awärjäŋ melik de Rip kï: yïn ee raan aterdï, yïn ŋuäldït nyaŋ, dhɔt në pïïuwiic. Acï lueel an ye Kiir këdu, ku ee yïn ë loi en.

Danyel 4:27

Në biäk de ee kënë, yïn melik, kuany löŋdï cök, päl kërac ku loi kake piathëpiɔ̈u, ku ye piɔ̈u kok wekë kɔc kuanynyïïn. Yen abïï yïn ceŋ ke yï kueth.

Naɣum 3:19

Tëtökdu acï yic dɛ apajic, ka acïn kë duëër ke kɔn bɛ tɔ dem taitai. Raan ëbɛ̈n, raan ë ye piŋ nɔn cï yïn wïïk, ee yecin biɔ̈ɔ̈k në miɛtëpiɔ̈u, në luɔi cïn en raan kën akuöörkuöördu thiëëp thok.

Ɣabakuk 1:7

Ee kɔc ye ke riɔ̈ɔ̈c në keek arëët. Ku ɣɛ̈ɛ̈cdɛn ye kek kenïïm ɣääc aye kek röt yök ke ke ye löŋ gupken.

Math 27:39

Go läät ë kɔc wën ee tëëk ëtɛ̈ɛ̈n, ke ke lek kenïïm,