Dhep 1:7 - JAM DE NHIALIC 2011

⁷ Lak lik në Bɛ̈nydït Nhialic nɔm, në luɔi cï akööl thiɔ̈k, kööl bï Yen nyuc ke guiir löŋ. Bɛ̈nydït akïït kɔcke bïï ke gam ke ke ye miɔ̈c näk, ku acï kɔc ke ater cɔɔl bïk Juda bɛ̈n yakic.

Dhep 1:7 Iomraidhean Croise

Jop 24:1

Ee käŋö cïï Nhialic Awärjäŋ akööl tɛ̈ɛ̈u piny bïï ke löŋ guiir thïn, ku jɔ kɔc ee Yen riëëu daai të kuum En kɔc?

Diɛt 46:10

Go lueel an, “Dɔ̈mkï tɔŋ kɔ̈ɔ̈c, ku ŋiɛckï ee Yɛn Nhialic, Yɛn adït, në juöör ke pinynɔm nïïm, ku Yɛn adït në pinynɔm ëbɛ̈n.”

Yith 13:3

Bɛ̈nydït ë remdɛn ë tɔŋ ɣɛ̈ɛ̈c yenɔm cie riɔ̈ɔ̈c cɔɔl, bïk tɔŋ ɣeric bɛ̈n biök ku lui këtuc kɔc cï Yen ke gɔ̈th ke keek.

Yith 13:6

Arɔ̈ɔ̈l në arɛɛm! Kööl ë Bɛ̈nydït ë thiɔ̈k, kööl bï Nhialic Awärjäŋ riääk bɛ̈ɛ̈i.

Yith 2:12

Në ee köölë Bɛ̈nydït de rɛm abï raan ril ëbɛ̈n kuɔɔr piny, kɔc ee ke nïïm ɣääc ëbɛ̈n ku yek lueth töör.

Yith 29:2

ku ëtɛ̈ɛ̈n Nhialic abï riääk bɛ̈ɛ̈i pänydïït ye cɔl an, “yïïŋ de Nhialic.” Abï dɛ dhiëëu ku dhuöör, ku pänydït ëbɛ̈n abï ciët yïïŋ cï riɔk ëbɛ̈n në riɛm.

Yith 34:5

Bɛ̈nydït acï abätäude kiëët paannhial, ku ënɔɔnë abï Edom yup, kɔc cï ke tɔ ye kɔc bï riɔ̈ɔ̈k.

Yith 34:6

Abätäude abï kɔ̈u thiäŋ në riɛmden ku kɔlden, cït man de riɛm ku kɔl de amɛ̈l ku bɔɔth ke miɔ̈c näk. Bɛ̈nydït abï ee miɔ̈cë gam ë pänydït de Bothera yic, abï ë nääkdïïtë looi piny de Edom.

Yith 6:5

Aguɔ lueel an, “Acïn aŋäth tɔ̈u ke yɛn! Amawoou në yɛn! Në luɔi ye wël rac bɛ̈n bei në yethok, ku yɛn rɛ̈ɛ̈r wokë kɔc ee wël rac bɛ̈ɛ̈i bei në kethook. Ku yɛn cï Melik, Bɛ̈nydït de rɛm tïŋ në yanyin.”

Jeremia 46:10

Kënë ee kööl de Bɛ̈nydït Awärjäŋ, abï rɔt guöör ee köölë, ee köölë abï kɔc ke aterde luöi këtuc. Abïï abätäude ke cam abïï kuɛth, ku dek riɛmden abï thiäŋ. Ee köölë Awärjäŋ anäk kɔc ke aterde të lɔ rut, ë wɛ̈ɛ̈r ë Yuparat yɔu.

Edhekiɛl 7:10

Akööl ke riääk abïkï tëde Yithriɛl. Akuöörkuöör alɔ ke dït. Lɛc acï lɔ nhial.

Edhekiɛl 7:7

Thök abï tëde week wek kɔc ceŋ ee pinyë. Akööl abïkï, akööl bïï ciën dhuëëŋ be ë looi në yïk ke kur yiic, abï ya anuɔɔn yetök.

Jowɛl 1:15

Ee kööl rɛɛc cït ŋö! Në baŋ cï kööl ë Bɛ̈nydït thiɔ̈k. Abï ya kööl ë riääk ë bɔ̈ tëde Nhialic Awärjäŋ.

Jowɛl 2:11

Bɛ̈nydït ee rel në rem de tɔŋde nɔm tueŋ. Rem de tɔŋ ee löŋde riëëu ajuëckï ku arilkï. Kööl ë Bɛ̈nydït ee kööldïït tuc thok! Eeŋa bï ye lëu në guöm?

Jowɛl 2:31

Akɔ̈l abï cuɔl, ku pɛɛi abï thiɛth cït riɛm, të kën ë kööldïït de riɔ̈ɔ̈c guɔ bɛ̈n, kööl ë Bɛ̈nydït.

Amoth 6:10

Na lɔ raan de kɔckɛn cï thou bɛ̈n, bïï gup ke kɔckɛn cï thou bɛ̈n bɛ̈ɛ̈i bei le ke rɔk. Ku kɔc de kɔc cï thou, abïk raan cï döŋ apïïr ɣööt luɔp, an, “De raan däŋ cï döŋ kekë yïn? “Ku abïï röl bɛ̈ɛ̈r an, “Ei! Ka abï raan de kɔc cï thou lueel an, “Mimku thook! Titku röt apiɛth, duku Bɛ̈nydït be lueel rin.

Amoth 8:3

Në ee köölë, diɛt ke luaŋ ë bääny, abïk röt puk aye dhiëëu. Gup ke kɔc cï thou, abïk dhɔt piny ëbɛ̈n. Ku abïï keek aa cuat wei ke kɔc ë ke mim thook.

Ɣabakuk 2:20

Bɛ̈nydït ee nu në luaŋdɛn ɣeric yic, ka kɔc ceŋ piny ë ke lɔ lïk në Yenɔm.

Dhep 1:14

Kööl bï Bɛ̈nydït löŋ de kɔc guiir ë thiɔ̈k arëët, ka ë ɣëët, yen ee köölë abï kɔc gäm gök de dhiënëpiɔ̈u, ku ayï jööt man ril ke tɔŋ abïk dhiau arëët në ciën aŋäth de kuny yökkï.

Dhek 14:1

Kööl bï Bɛ̈nydït nyuc ë thööc nɔm ë thiɔ̈k. Ëtɛ̈ɛ̈n Jeruthalem abïï yakic, ku ka cï yak abïï keek tek ë wenyïïn.

Dhek 2:13

Raan ëbɛ̈n ë lɔ dïu në Bɛ̈nydït nɔm, Bɛ̈nydït ë rɔt jɔt tëdɛn ɣeric rëër en thïn.

Malakai 4:1

Piɛŋkï kë lueel ë Bɛ̈nydït de rɛm an, “Kööl abɔ̈ ë yic, kööl bï tuöc arëët cït many ë tim cï riɔu. Ee kööl bän kɔc ee kenïïm ɣääc nyuɔp piny kedhie abïk dëp cït man aɣɔ̈l, ayï kɔc ee karɛc looi. Abïk dëp kedhie taitai abï ciën raan tök në keyiic.

Math 22:4

Na wën, ke be lïïm kɔ̈k tooc, lueel an, “Lɛ̈kkï kɔc cï kɔn lɛ̈k thiëëk an, ‘Tiëŋkï, yɛn ë këcamdït guik, miöörkï ku ɣɔ̈kkiën cuai kɔ̈k acï ke nɔ̈k, ku käŋ acïk thök kedhie, bäkï ë thiëëkic!’

Romai 3:19

Na ënɔɔnë, aŋicku, an, kë lueel löŋ, aye lɛ̈k kɔc rɛ̈ɛ̈r ë löŋic ke kɔc ë ke bï kethook ruɔɔt kedhie, ago piny nɔm ëbɛ̈n yiëk yeth gääk ë Nhialic nɔm.

Romai 9:20

Ku yïn ŋadï, yee ŋa raan bëër Nhialic thok? Kë cï cuëëc bï raan ë cuëc en yɔ̈ɔ̈k, Eeŋö ee yïn a looi aya?”

Pilipoi 4:5

Liɛɛr aa wek piɔ̈ɔ̈th liɛɛr takï ŋic kɔc kedhie. Bɛ̈nydït athiɔ̈k.

Kolothai 1:12

abäk aa lueel an, Thieithieei Wääda, Raan cï wo tɔ röŋ në luɔi duëër wok dɛ këda në kë bï kɔc ɣerpiɔ̈ɔ̈th lɔ̈ɔ̈k lak, kɔc nu tëɣer.

1 Tham 16:5

Go bɛ̈ɛ̈r an, “Ɣɛɛ, ee këpiɛth. Yɛn aa bɔ̈ bä Bɛ̈nydït bɛ̈n miɔɔc. Ka week, waakkï, ku bäk lokku ëtök.” Ku yöök Jethe an, wɛɛk kekë wɛ̈ɛ̈tke ëtök, ke ke bï lɔ në yen ayadäŋ.

1 Tham 20:26

ku acïn kë cï Thaulo bɛ̈n lueel ee köölë aaye lueel në yepiɔ̈u an, “Dhil dɛ kë cï Debid yök, ka cïï guöp piath.”