Dhep 1:5 - JAM DE NHIALIC 2011

⁵ Yɛn bï kɔc riɔ̈ɔ̈k, kɔc ee kenïïm guöt piny në ɣööt nïïm nhial, ke ke lam akɔ̈l ku pɛɛi ku kuɛl, ku kɔc ee röt tɔ ye kɔc ee kuëëŋ në Yɛn ku ayek lɔ kuëëŋ në Molek yanhden,

Dhep 1:5 Iomraidhean Croise

1 Mel 11:33

Në luɔi cï Tholomon A pɔ̈l, ku le yiëth kɔ̈k lam yï Acetoreth yanh ë Thidon ku Cemoc yanh ë Mowap ku Molek yanh de Ammon. Tholomon acïï kuɛɛrkï kuany yiic, ku looi yic në Yanɔm ku döt lööŋkï, ku lööŋ ɣɔn cä tääu piny bï ke lɔ̈ɔ̈k aa looi cït man ɣɔn ye wun Debid ke looi.

1 Mel 11:5

Tholomon acï Acetoreth lam yanh de Thidon, ku Molek yanh de Ammon.

1 Mel 18:21

Go Elija bɛ̈n ë kɔc lɔ̈m tëthiɔ̈k, ku lueel, an, “Bäk tök jɔ dɔm nɛn? Na ee Bɛ̈nydït yen ee Nhialic, ke kuanykï cök, ku na ee Baal yen ee Nhialic, ke kuanykï cök!” Go kɔc ciën kë cïk puk nɔm.

2 Mel 17:32

Kek ee kɔckë ayadäŋ ayek Bɛ̈nydït lam, ku acïk röt lɔ̈c kɔc në ke yiic, kɔc bï luui ke ke ye bäny ke kake Nhialic ke ɣään thöny, kɔc bï miɔ̈c aa näk keek në ɣööt ke läm ke ɣään thöny.

2 Mel 17:33

Agokï Bɛ̈nydït aa lam, ku luuikï yiëthken ayadäŋ, cït man nu yen në ciɛɛŋ de juöör ɣɔn ë peecë keek në ke yiic.

2 Mel 17:41

Go juöörkë Bɛ̈nydït aa lam, ku ayek yiëthken lam aya, agut cï ee köölë, kuatden aŋootkï ke ke loi ee kë wäänë.

2 Mel 23:12

Ku dhoŋ yïïk nu ɣön ë Aɣadh nɔm nhial, ka ɣɔn looi ë meliik ke Juda, ku yïïk ɣɔn looi ë melik Manatha në aguuk kaarou nu në për ke Luaŋdït yic, acï ke thɛ̈l bei ëbɛ̈n, ku dhiɛc ke yiic ku weer aromden në Wak de Kidronic.

Yith 22:1

Kënë ee jam në biäk de Nyuuth de Wak. Eeŋö loi rɔt? Eeŋö tɔ kɔc ke pänydït loi dhuëëŋ ëbɛ̈n në ɣööt nïïm nhial?

Yith 44:5

“Abïï kɔc aa lueel ëtök tök nɔn ee Yɛn Bɛ̈nydït. Abïk bɛ̈n mɛ̈tkï röt kɔc ke Yithriɛl. Ku raan ëbɛ̈n abï kïn de rin ke Bɛ̈nydït aa gɔ̈ɔ̈r në ye kaam ku yek röt cɔɔl an wok ee kɔc ke Nhialic.”

Yith 45:23

Gutguutdiën cä lueel në piathëpiɔ̈u, ku acïï bï waar. Yɛn cï gutguut lueel në täudï ëbɛ̈n: Raan ëbɛ̈n abï bɛ̈n ku tuk yemiɔl ë yanɔm ku kuëëŋ nɔn bï yen A riëëu.

Yith 48:1

Piɛŋkï kënë wek kɔc ke Yithriɛl wek kuat de Juda: Wek ee kuëëŋ në rin ke Bɛ̈nydït, ku yak lueel nɔn lam wek Nhialic de Yithriɛl, ku jam yak lueel acie yen yak looi.

Jeremia 12:16

Na lek Nhialic de kɔckï gam ë kepiɔ̈ɔ̈th ëbɛ̈n, ku lek kuëëŋ luelkï an, ‘Cït man pïïr ë Bɛ̈nydït’, cït man cïï kek kɔckï kɔn wɛ̈ɛ̈t bïk aa kuëëŋ ë Baal, ka keek aya abïk aa kɔckiën kɔ̈k ku abïk kuɛth.

Jeremia 19:13

Ɣööt ke Jeruthalem, ku ɣööt ke meliik ke Juda, ku lɔ ɣööt kedhie, ɣööt ye ke wal ŋïr nyuöp kuɛl ë kenïïm, ku të cï mɔ̈u gam thïn ke ye miɔ̈c gɛ̈më yiëth, abïk yiic cuɔl kedhie cït Topeth.”

Jeremia 32:29

ku abïk ɣɔ̈k mac. Abïk nyuɔp piny kekë ɣööt ëtök, ɣööt cï kɔc Yɛn tɔ göth në nyum ye kek wal ŋïr nyuöp Baal ë ɣööt nïïm, ku yek miɔ̈c de mɔ̈u ye poor gäm yiëth kɔ̈k.

Jeremia 4:2

ke aduëër piath bäk röt kuëëŋ në rinkï. Ke juöör kedhie abïk athiɛɛi aa thiëëc tëde Ɛn ku abïk Ɛn aa piɔɔny.”

Jeremia 49:1

Kën ë lueel Bɛ̈nydït kï në biäk de Ammon an, “Tɔ̈u röör ke Yithriɛl tënou? Cïn raan töŋ duëër pinyden gël? Eeŋö duëër kek kɔc ee yanh cɔl Molek lam tɔ nöm piny de dhiën ë Gad ku ɣɛpkï ëtɛ̈ɛ̈n?

Jeremia 5:2

Cakaa nɔn ya wek e lueel nɔn ya wek Bɛ̈nydït lam, ku ayek kuëëŋ ë lueth.

Jeremia 5:7

Bɛ̈nydït ee lop an, “Eeŋö bän karɛc ke kɔckï jɔ pɔ̈l? Acïk Ɛn nyääŋ piny ku lɛmkï yiëth cie yic. Yɛn cï kɔckï cääm abïk kuɛth, ku acïk lɔ köör ku jɔkï aa lɔ cath në akɔɔrröör.

Jeremia 7:10

Wek ee ka maan looi, ku jakkï bɛ̈n aa kɔ̈ɔ̈c në yalɔ̈ɔ̈m ɣöndï, ku luɛlkï an, ‘Wok cï lɔ läŋ!’

Jeremia 7:9

Wek ee kual, ku näkkï, ku nämkï diäär, ku yak kuëëŋ në lueth, ku nyuöpkï Baal wal ŋïr, ku lamkï yiëth kënkï keek kɔn ŋic ɣɔn thɛɛr.

Jeremia 8:2

Ku abïï keek thieth në akɔ̈l nɔm kekë pɛɛi ku në rem de paannhial nɔm ëbɛ̈n, kɔc cï keek nhiaar ku luuikï keek, ku kuanykï keek cök, kɔc cïk gam ku lamkï, acïï keek bïï määtiic ku cïï keek tɔ̈ɔ̈u, abïk ciët wär ke ɣɔ̈k piny.

Ɣodh 10:2

Adekï yiic aguuk, ka abïk awänyden dhil thiëëp thok. Bɛ̈nydït abï yïïkken riäär piny, ku riëëk mënkɛn yaath.

Ɣodh 4:15

“Na cakaa nɔn cä wek wäc, wek kɔc ke Yithriɛl, duökï kɔc ke Juda bï tɔ mɛt röt në awänydun yic. Duökï ee lɔ Gilgal, ku duökï lɔ Bethaben, ku duökï ee kuëëŋ në rin ke Bɛ̈nydït pïïr.

Amoth 5:26

Ku ënɔɔnë, në biäk cä wek yiëth lam, yanh cɔl Thakuth melikdun, ku Kaiwan yanhduön ë kuel, kek ee yiëthkuön cäk guɛ̈ŋ röt, abäk keek ɣääc wadäŋ,

Math 6:24

Acïn raan duëër rɔt tɔ ye lïm de bäny kaarou, ka bï tök maan, ku nhiaar tök, ku abï tök dɔm ku tɔ tök cïn naamde. Wek cïï röt duëër tɔ ye lïïm ke Nhialic ku lïïm ke wëu ayadäŋ.

Luɔi 10:9

Na ɣɔn amiäk, të ŋoot kek kueer, ku cïk thiääk ë pänydït, të cï akɔ̈l kɔ̈ɔ̈c cil, go Petero lɔ nhial ë ɣöt nɔm le lɔ̈ŋ.

Romai 14:11

Cït man cï ë gɔ̈ɔ̈r an, “Alueel Bɛ̈nydït an, Tën aa yɛn Nhialic pïïr, ke miɔɔl kedhie abï ke tuk ë Yanɔm. Ku liëp kedhie abïk awɛ̈ɛ̈c gam ë Nhialic nɔm.”

Nyöŋ 10:20

Riëëukï Bɛ̈nydït Nhialicdun, ku yak lam Yen Yetök, yak aa kɔc adöt tëde Yen, ku yak kuëëŋ në rin ke Yetök.

Nyöŋ 4:19

Ku të cä wek nhial lieec ku tiëŋkï akɔ̈l kekë pɛɛi ku kuɛl, ku ka nu nhial kedhie, duökï röt bï tɔ them, aguɔkï keek lam. Acïï Bɛ̈nydït Nhialicdun keek gäm juöör kɔ̈k ë pinynɔm bïk keek aa lam.

Jocua 23:7

Ku duökï röt liëëp në juöör cï döŋ në weyiic. Duökï yiëthken ee cɔɔl rin, ku duökï ee kuëëŋ në rinken. Duökï lam, ku duökï keek ee luööi.