Dhep 1:4 - JAM DE NHIALIC 2011

⁴ “Yɛn bï agönhdï wɛ̈l nɔm kɔc cieŋ Jeruthalem, ku lɔ raan tɔ̈u ë Juda ëbɛ̈n. Yɛn bï yïk lik cï döŋ ke yanh cɔl Baal nyaai nyïïn taitai, ku nyaai gucken nyïïn ayï bäny ke kake Nhialic cï röt pɔ̈k në läm de yiëth yiic ke ke cïï bï bɛ piŋ rin.

Dhep 1:4 Iomraidhean Croise

2 Mel 21:13

Yɛn bï Jeruthalem luöi këtuc cït man ɣɔn cän e luöi Thamaria, ku cït man ɣɔn cän e luöi Aɣap melik de Yithriɛl kekë kuatde ëbɛ̈n. Yɛn bï Jeruthalem nyaai nyin abïï yic lipëlip ke cïn raan ceŋ en, abï ciët aduŋ cï waakic ku buupë yic piny.

2 Mel 23:12

Ku dhoŋ yïïk nu ɣön ë Aɣadh nɔm nhial, ka ɣɔn looi ë meliik ke Juda, ku yïïk ɣɔn looi ë melik Manatha në aguuk kaarou nu në për ke Luaŋdït yic, acï ke thɛ̈l bei ëbɛ̈n, ku dhiɛc ke yiic ku weer aromden në Wak de Kidronic.

2 Lëk 34:4

Go kɔc yöök bïk yïk ye ë Baal lam thïn jäp piny, ku bïk yïk ye wal ŋïr nyop thïn thuöör piny. Ku nömkï kïn de yanh tik Acera ku lɔ yiëth kɔ̈k, ku guärkï keek abïk ciët abuui ku jɔkï abuui wɛɛr ë rɛ̈ŋ ke kɔc wään ee keek lam nïïm, ku yek keek gäm miɔ̈c.

Bɛ̈n 15:12

Yïn aa yɛɛk ciin cuënydu nhial, go piny kɔckuɔn ke ater tuiic.

Jeremia 15:6

Wek cï Ya rɛɛc, wek cï wekɔ̈ɔ̈th wɛ̈l Yɛn. Aguɔ a cin riɛny tueŋ ku dhiac we yiic, në biäk cän bäp në guöm de agönhdï.

Jeremia 6:12

Ɣöötken abï keek gäm kɔc kɔ̈k, ayï duumken ayï diëërken. Yɛn bï kɔc ke ee piny luöi këtuc.

Edhekiɛl 25:7

Në biäk de kë cäk looi, wek bä ke tääu në riɛl de juöör kɔ̈k cin, kɔc bï week rum ku yiɛkkï week. Wek bä riɔ̈ɔ̈k taitai, ka wek cïï bï bɛ aa jur, ku ciënkï piny de nɔmdun. Ëtɛ̈ɛ̈n abäk jɔ ŋic nɔn ee yɛn Bɛ̈nydït.”

Edhekiɛl 6:14

Ɣɛɛ, Yɛn bï yaciin riny ku riääk pinyden. Abä tɔ ee jɔ̈ɔ̈r gɔl në wöuwic leer piny de Ribila në biäk të lɔ rut, acïn të bä pɔ̈l në ɣään ceŋ ë kɔc ke Yithriɛl. Ago ë raan ëbɛ̈n ŋic nɔn Yan Bɛ̈nydït.”

Ɣodh 10:5

Kɔc cieŋ Thamaria, ayek riɔ̈ɔ̈c në yanh dau, dan de Bethaben. Ku yen ee yanhë, abïï kɔc de ye dhiëëu mɛ̈tkï në bänyke, në baŋ de diɛkde në luɔi bïï ë ye peec.

Maika 5:13

Yiëthkuön cäk guɛ̈ŋ röt abä keek riɔ̈ɔ̈k, ku riääk kur yaathkuön tɔ̈u në yïïk thäär. Ka cïn kë bäk bɛ aa lam, kë ë luɔikï në wecin.

Dhep 2:11

Abïï Bɛ̈nydït ke riääc, të le Yen yiëth ke pinynɔm riɔ̈ɔ̈k kedhie. Ku juöör ëbɛ̈n abïk En jɔ aa lam, ŋɛk tëde.

Dhep 2:13

Ku në riɛlde aya Yen Bɛ̈nydït, abï yeciin riɛny të lɔ rut, ku abï Athiriya riɔ̈ɔ̈k, ka Ninebe abï döŋ ke ye jɔ̈ɔ̈r baaŋ cïn yic pïïu ku cïn raan be ye cieŋ.