Dhep 1:3 - JAM DE NHIALIC 2011

³ Yɛn bï kɔc ku läi ku diɛt ayï rec riɔ̈ɔ̈k ëbɛ̈n. Ku riääk kërɛɛc ee kɔc tɔ wiëëk. Yɛn bï mɛnh ë raan riɔ̈ɔ̈r nyin në pinynɔm taitai. Yen kë cïï Bɛ̈nydït lueel ka.

Dhep 1:3 Iomraidhean Croise

Cäk 6:7

Go Bɛ̈nydït lueel an, “Yɛn bï kɔc cä cak nyaai nyïïn kedhie në piny nɔm, abïï ciɛ̈n tök. Ku läi, ku diɛt, ku ka ye mol, abä ke nyaai nyïïn kedhie. Në luɔi cän piɔ̈u rac në kë ë cäk keek.”

Yith 27:9

Ku awäny de Yithriɛl abï päl en të cïï kek yïïk ke yiëth kɔ̈k dhuɔŋ piny, ku cïn yïïk ke wal ŋïr be tɔ̈u ayï kïn de yanh tik Acera.

Yith 6:11

Na wën ke lɛ̈k ɛn an, “Agut cï nɛn Bɛ̈nydït, yen bï ee kënë tɔ̈u aya?” Go bɛ̈ɛ̈r an, “Agut të bïï pɛ̈ɛ̈nydït riɔ̈ɔ̈k ku cïn raan dɔ̈ŋ thïn, ku cïn raan rɛ̈ɛ̈r ë ɣööt yiic, ku riääk piny ku päl piny.

Yith 6:12

Yɛn bï kɔc cuɔp tëmec ku ta piny päl ëbɛ̈n.

Jeremia 12:4

Pinyda bïï jɔ riɛl aɣet cï nɛn, ku jɔ wal biɔɔr ëduum yiic ëbɛ̈n? Läi ku diɛt athoukï në biäk de karɛc ke kɔckuɔ, kɔc ee yen lueel an, ‘Nhialic acïï kë yokku looi ee woi.’”

Jeremia 50:3

“Jur täu të lɔ rut acï bɛ̈n bïï Babilonia bɛ̈n mak, ku abïï tɔ ee jɔ̈ɔ̈r. Kɔc ku läi abïk kat, ku acïn raan bï rëër ëtɛ̈ɛ̈n.”

Jeremia 7:20

Ka Yɛn Bɛ̈nydït Awärjäŋ, Yɛn bï agönhdï wäl ee Luaŋdït guöp. Ku abä wäl në kɔc gup ku läi gup akït, ayï tiim ku rap. Agönhdï abï ciët many cïn raan ee ye tɔ liu.

Jeremia 9:10

Acä lueel, an “Yɛn bï kur dhiëëu ku dhiaau në biäk de ɣään ke nyuäth, në biäk cï kek ril wei, ku cïn raan ee cath ë keyiic. Röl de ɣɔ̈k acie bɛ piŋ, diɛt ku läi roor acïk kat ku jiëlkï.”

Edhekiɛl 44:12

Ku në biäk cïï kek läm de yiëthic luöi baai de Yithriɛl, ku në ee kueerë acïk kɔc lɛɛr në awäc yic, Yɛn cï kuëëŋ, Yɛn Bɛ̈nydït Awärjäŋ, në luɔi bïï ë keek dhil luöi këtuc.

Edhekiɛl 7:19

Abïk Adhɛ̈pken ku atekken cuat wei në kuɛɛr yiic, cï ka rɛɛc, në biäk cïï atekken ku adhɛ̈pken, keek bï kony të le Bɛ̈nydït agönh de wäl piny. Acïn kë bïk looi në yen bïï ke kueth në ka kɔɔrkï, ku nɔn thiëëŋ kek keyiic. Adhääp ku ateek acï keek lɛɛr awɛ̈ɛ̈c yiic.

Ɣodh 14:3

Athiriya acïï wook duëër kɔn luök taitai. Ku wok cï bï bɛ kɛɛc në jöŋgöör ke tɔŋ kɔ̈ɔ̈th. Ku acuku bï bɛ nyɔk ë lëk wok en yiëthkuɔn ë loiku keek në wocin, an wek ee Nhialicda. Në baŋ ye abaar kokëpiɔ̈u yök tëde Yïn.

Ɣodh 14:8

“Yïn Yithriɛl, eeŋö bä bɛ looi në yiëth? Ee Yɛn ee lɔ̈ŋdu gam, ku dɔ̈t yïn apiɛth. Ka Yɛn ë ciët tim de ameth tɔ̈c ëbɛ̈n, mïth yïnke luɔk abïkï tëde Yɛn.

Ɣodh 4:3

Ku në biäk de ye kakë, këriëëc de pinyden abï yom, ku këriëëcdun pïïr ëbɛ̈n abï nuan ku thou: Läi, ku diɛt, agut cï rec abïk thou wïïr.

Dhek 13:2

Acïï Bɛ̈nydït de rɛm lueel an, Në ee köölë, yɛn bï rin ke yiëth nyaai në piny yic, ka acïï keek bï bɛ aa lueel rin ananden. Ku yɛn bï tït nyaai ayadäŋ, ayï jɔɔk rac.

Math 13:41

Wën ë Raan abï tuuckɛn nhial tooc, ku abïk käŋ kuɛ̈ny bei ë ciɛɛŋdeyic kedhie ka ye kɔc tɔ loi kërac ayï kɔc ë kërac looi.

Math 23:39

Wek yɔ̈ɔ̈k an, “We cïï a bï bɛ tïŋ, aɣët të bä wek e lueel an, ‘Thieithieei ë raan bɔ̈ ë rin ke Bɛ̈nydït.”’

Nyuuth 2:14

Ku yɛn cath wo cök liaakäŋ cök bän yï jɔ̈ɔ̈ny, cöök tök kï, nɔn de yïn kɔc ëtɛ̈ɛ̈n kɔc ee wëët ë Balaam muk, raan ɣɔn wëët Balak, an, bï kë bï kɔc tɔ kɔ̈th cuat kueer ë mïth ke Yithriɛl, an, bï ka cï lam aa cam, ku bïk diäär aa kɔɔr.