Dhep 1:14 - JAM DE NHIALIC 2011

¹⁴ Kööl bï Bɛ̈nydït löŋ de kɔc guiir ë thiɔ̈k arëët, ka ë ɣëët, yen ee köölë abï kɔc gäm gök de dhiënëpiɔ̈u, ku ayï jööt man ril ke tɔŋ abïk dhiau arëët në ciën aŋäth de kuny yökkï.

Dhep 1:14 Iomraidhean Croise

Yith 15:4

Kɔc ke Ɣecbon ku Eliɛla adhiaukï ku dhiënden aye piŋ tëmec cɔl Jaɣadh. Ayï rem de tɔŋ alɛthë ë keek ku jöötden ë jäl.

Yith 33:7

Kɔc ril ke tɔŋ adhiëëukï kuɔɔny. Kɔc cï tuɔɔc an lek mät looi adhiaukï në dhiën rac.

Yith 66:6

Piɛŋkï! Awuɔɔu dïït nu ë pänydït yic, awuɔɔu ee bɛ̈n Luaŋdït, ee röl de Bɛ̈nydït lui yen kɔc ke aterde këtuc!

Yith 8:22

ku lieckï piny, ku acïn däŋ bïk tïŋ ee nuan ku mɔ̈ɔ̈th, ku riɔ̈ɔ̈c de cuɔlëpiny copë ke thïn.

Jeremia 25:36

Piŋ dhiën de kɔc ee tïït, piŋ awuɔɔu de kɔc wat thök, Bɛ̈nydït ariäk tëdɛn ë nyuäth.

Jeremia 30:7

Kööl rac abɔ̈, acïn kööldäŋ bïï thɔ̈ŋ en, ee kööl ë jiɛthëpiɔ̈u tëde kɔckï, ku abïk pïïr.”

Jeremia 46:5

Go Bɛ̈nydït thiëc an, “Ku eeŋö wɔi? Apukï röt ciëën ë riɔ̈ɔ̈cdït. Remdɛn de tɔŋ acï ke cuɔp ciëën acïï riɔ̈ɔ̈c ke thööŋ, ariŋkï aläldïïtë, ku acïkï kekɔ̈ɔ̈th ee lieec.

Jeremia 48:41

ku wuöt ku pɛ̈ɛ̈nydït ril abïï ke peec. Në ee köölë rem ë tɔŋ de Mowap abïk riɔ̈ɔ̈c cï tiiŋ rɔ̈p.

Edhekiɛl 12:23

Ënɔɔnë lɔ lɛ̈kë keek, kë luɛɛl yɛn Bɛ̈nydït Awärjäŋ në biäk de ee kënë. Yɛn bï ee kääŋë tɔ kääc. Acïï bï bɛ nyɔk ë luɛl në Yithriɛl. lɛ̈kë keek ee kënë në nyinde yic: Akööl acïk bɛ̈n, ku kë cï caar acï aa yic!

Edhekiɛl 30:3

Kööl acï thiɔ̈k, kööl bïï Bɛ̈nydït këde piɔ̈nde looi, Kööl de luät ku nuan de juöör.

Edhekiɛl 7:12

Akööl acïk bɛ̈n. Akööl acïk thiɔ̈k, akööl bïï ɣɛɛc ku ɣööc de käŋ ciën naamden, në biäk bïï agönh ë Nhialic lööny ë kɔc yiëth kedhie athöŋ.

Edhekiɛl 7:16

Kɔc abïk röt kual ë kur nïïm cït guk cï riɔ̈ɔ̈c ë wakic. Keek kedhie abïk dhiau në biäk de awɛ̈ɛ̈cken.

Jowɛl 1:15

Ee kööl rɛɛc cït ŋö! Në baŋ cï kööl ë Bɛ̈nydït thiɔ̈k. Abï ya kööl ë riääk ë bɔ̈ tëde Nhialic Awärjäŋ.

Jowɛl 2:1

Kuɔthkï kaaŋ në Dhiɔn, lɛ̈kkï kɔc në kuurdiën ɣeric nɔm. Takï kɔc cieŋ piny lɛthë kedhie. Kööl ë Bɛ̈nydït ë guɔ thiɔ̈k.

Jowɛl 2:11

Bɛ̈nydït ee rel në rem de tɔŋde nɔm tueŋ. Rem de tɔŋ ee löŋde riëëu ajuëckï ku arilkï. Kööl ë Bɛ̈nydït ee kööldïït tuc thok! Eeŋa bï ye lëu në guöm?

Jowɛl 2:31

Akɔ̈l abï cuɔl, ku pɛɛi abï thiɛth cït riɛm, të kën ë kööldïït de riɔ̈ɔ̈c guɔ bɛ̈n, kööl ë Bɛ̈nydït.

Jowɛl 3:14

Kuut dïït ë kɔc ë guëër ëbɛ̈n në wak de tɛ̈m ë löŋic. Në luɔi cïï kööl ë Bɛ̈nydït thiɔ̈k në wak ë tɛ̈m ë löŋic.

Jowɛl 3:16

Ku Bɛ̈nydït, Raan ril de Yithriɛl, abï jam në Dhiɔn, ku reel në Jeruthalem, ago tënhial kekë piny lath. Ku Bɛ̈nydït abï kɔcke gël apiɛth.

Amoth 8:2

Go Bɛ̈nydït a luɔp an, “Eeŋö cï tïŋ Amoth? Guɔ puk nɔm an, “Ee diöny de mïth ke tiim amäi. Go ë Bɛ̈nydït lɛ̈k ɛn an, “Akööl ciëën acïk bɛ̈n tëde kɔckiën ke Yithriɛl. Yɛn cïï A nɔm bï bɛ waar në luɔi bän keek luöi këtuc.

Dhep 1:10

Go Bɛ̈nydït lueel an, “Wek bï kiɛɛu piŋ, ku lɔ röl ë kɔc dhiau në kal thoŋ cɔl Rɛ̈c ë Jeruthalem, ku piɛŋkï arɔ̈ɔ̈l ku gök de röl dïït cï määr ë kuriic wut biäk ë piɛc yïk.

Dhep 1:7

Lak lik në Bɛ̈nydït Nhialic nɔm, në luɔi cï akööl thiɔ̈k, kööl bï Yen nyuc ke guiir löŋ. Bɛ̈nydït akïït kɔcke bïï ke gam ke ke ye miɔ̈c näk, ku acï kɔc ke ater cɔɔl bïk Juda bɛ̈n yakic.

Malakai 4:5

Të ŋoot ë kööldïït ë Bɛ̈nydït wei, kööl tuc thok, wek bä tuöc tiët Elija.

Luɔi 2:20

Akɔ̈l abï rɔt puk aye cuɔlëpiny, ku bï pɛɛi rɔt puk aye riɛm, Të ŋoot ëkööldïït ë Bɛ̈nydït ke kën bɛ̈n, kööl bï tïc ëgɔk:

Pilipoi 4:5

Liɛɛr aa wek piɔ̈ɔ̈th liɛɛr takï ŋic kɔc kedhie. Bɛ̈nydït athiɔ̈k.

1 Theth 4:16

Bɛ̈nydït guöp abï bɛ̈n piny paannhial në kiɛɛu, ku në röl ë bɛ̈ny nu ë tuucnhial nïïm, ku kaaŋ de Nhialic, go kɔc cï thou në Kërthoyic agokï röt kɔn jɔt:

Ɣeberuu 12:26

Të ɣɔn kɔn ë Nhialic jam në jamdɛn tueŋ, rölde yetök ë piny bɛ̈n nieeŋ. Ku ënɔɔnë acï lueel luɔi bï Yen piny nyɔk ë niëŋ nieeŋ En en, ayï ka nu nhial ayadäŋ.

Jakop 5:9

Duökï ee dok ë röt wapäc, wek mïthëkɔckuɔ, ke we cïï bï yiëk yiëth gääk. Bɛ̈ny ee löŋ guiir ka, kääc ɣöt thokë.

2 Pet 2:3

Ku kɔɔr ee kek wëu juëc kɔɔr, en a bï kek week aa cam në jam ë ruëëny, ku guiëër bï löŋden guiir, guiëërdɛn thɛɛr, acie gääu, ku cïï riääkden ee nok!