Dhep 1:13 - JAM DE NHIALIC 2011

¹³ Kaken abïï keek peec, ku riäk ɣöötken, acïkï ɣööt yïkkï bï cieŋ, ku nɔn dekï mɔ̈n de mïthkɛn ke tiim ë comkï.

Dhep 1:13 Iomraidhean Croise

Yith 6:11

Na wën ke lɛ̈k ɛn an, “Agut cï nɛn Bɛ̈nydït, yen bï ee kënë tɔ̈u aya?” Go bɛ̈ɛ̈r an, “Agut të bïï pɛ̈ɛ̈nydït riɔ̈ɔ̈k ku cïn raan dɔ̈ŋ thïn, ku cïn raan rɛ̈ɛ̈r ë ɣööt yiic, ku riääk piny ku päl piny.

Jeremia 15:13

Go ë Bɛ̈nydït lɛ̈k ɛn an, “Yɛn bï kɔc ke ater tuɔɔc bïk wëu ku kajuëc ke kɔckï lɔ jɔt, në baŋ bän ke luöi këtuc në biäk de karɛc cïk looi pinyden ëbɛ̈n.

Jeremia 17:3

ku lɔ kur nu ë riaaŋ nɔm. Yɛn bï kɔc ke aterdun tɔ jɔt kuɛthdun, ku kakun në biäk de karɛc cäk looi pinydun ëbɛ̈n.

Jeremia 4:20

Riäŋë ee bɛ̈n në riäŋë cök, piny ëbɛ̈n acï döŋ ke cï riääk. Ago pɛɛnykuɔ riɔ̈ɔ̈k ëthiäu aya, ku retë lupɔɔ ke awëërken nyïïn, ku temë keek.

Jeremia 4:7

Acït köör bɔ̈ biic tëdɛn ë thiaan, kën ee juöör riɔ̈ɔ̈k acï bɛ̈n bei. Abï Juda bɛ̈n riɔ̈ɔ̈k. Pɛ̈ɛ̈nydït ke Juda abïï keek nyääŋ piny ke ke cï riääk, ku acïn raan bï ke cieŋ.

Jeremia 5:17

Abïk rɛɛpkun thöl ku ciɛmkï kacaamkun, abïk wɛ̈ɛ̈tkun ku duetkun nɔ̈k. Abïk ɣɔ̈kkun ku thökkun tɛm röt, ku riäkkï tiimkuön ke enap ku tiim ke ŋaap. Pɛ̈ɛ̈nydït cï gël yak keek ŋɔ̈ɔ̈th abïï remdɛn ë abätäu keek riɔ̈ɔ̈k.

Jeremia 9:11

Aye Bɛ̈nydït lueel an, “Yɛn bï Jeruthalem tɔ e dhuur de ka cï riääk, të bï kɔ̈ɔ̈rgɔl aa ceŋ thïn, pɛ̈ɛ̈nydït ke Juda abïk aa jɔ̈ɔ̈r, të cïn raan bï rëër thïn.”

Jeremia 9:19

Piɛŋkï röl ë dhiëëu ë Dhiɔn an, Wok cï riääk! “Wok cï jɔ riääk taitai! Wok bï pinyda dhil nyääŋ piny, ɣöötkuɔ acï keek thuöör piny.”

Dhiëëu 5:2

Kakuɔ atɔ̈ukï në kɔc lei cin, juöör arëërkï në ɣöötkuɔ yiic.

Edhekiɛl 22:31

Ka yɛn bï agönhdï tɔ lööny në ke kɔ̈ɔ̈th, ku abä ke riɔ̈ɔ̈k cï mac në biäk de ka cïk looi.” Bɛ̈nydït Awärjäŋ yen aa jam.

Edhekiɛl 7:19

Abïk Adhɛ̈pken ku atekken cuat wei në kuɛɛr yiic, cï ka rɛɛc, në biäk cïï atekken ku adhɛ̈pken, keek bï kony të le Bɛ̈nydït agönh de wäl piny. Acïn kë bïk looi në yen bïï ke kueth në ka kɔɔrkï, ku nɔn thiëëŋ kek keyiic. Adhääp ku ateek acï keek lɛɛr awɛ̈ɛ̈c yiic.

Edhekiɛl 7:21

Acïï ë Bɛ̈nydït lueel an, “Abä keek tɔ rum alɛi, ku nöm kɔc rac kuɛthden ku riäkkï keek.”

Edhekiɛl 7:24

Yɛn bï juöör rac arëët bɛ̈ɛ̈i ëtënë ku ta ke nöm ɣöötkun. Kɔckuön ril abïk ciën aŋäth të lan ɣäänkuön ɣeriic bɛ̈n riɔ̈ɔ̈k.

Amoth 5:11

Ku wek ee kɔc kuanynyïïn yɔŋ, ku ruömkï agamɔden. Ku ënɔɔnë, na cakaa nɔn cä wek ɣöötdït ajämjäm yïk në kuur, wek cï bï rëër thïn. Ku na cakaa nɔn cä wek duum lɛ̈k ke tiim ke enap com, wek cïï mɔ̈nden bï dek.

Maika 3:12

Ku në biäkdun yen abï ë Dhiɔn geer yic cït man de dom, ku Jeruthalem abï ya kuut de dhuur, ku Luaŋdït abï lɔ̈ɔ̈k aa roor.

Maika 6:15

Wek bï aa com, ku cïn këduön tɛmkï. Wek bï miök aa nyiith, ku cïn kë tac wek. Wek bï enap aa dhïïm, ku cïn mɔ̈n dɛkkï.

Dhep 1:9

Yɛn bï kɔc ee ciɛɛŋ lei kuɛny cök luöi këtuc ëbɛ̈n, ku ayek kual ku näkkï kɔc në biäk bï kek ɣön ë bɛ̈nyden thiɔ̈ɔ̈ŋ në kak ë rumkï në riɛl.

Nyöŋ 28:30

“Wek bï nyan kaarkï aa lɔc, ku abïï ë raan däŋ thiaak. Wek bï ɣööt aa yïk, ku we cïï bï rëër thïn taitai. Wek bï tim de enap com, ku wek cïï mïthke bï cam taitai.

Nyöŋ 28:39

Wek bï dom de enap aa com ku tiɛtkï keek, ku wek cïï mïthken bï tet taitai, ku cäkkï mɔ̈nden dek, käm abïk enap riɔ̈ɔ̈k.

Nyöŋ 28:51

Abïk ɣɔ̈kkun cuet ku rɛɛpkun, ku we bï thou në cɔk. Acïn rap töŋ bïk nyäŋ week, ayï mɔ̈u, ayï miök, ayï weŋ, ayï thök, ku we bï thou.