Dhep 1:10 - JAM DE NHIALIC 2011

¹⁰ Go Bɛ̈nydït lueel an, “Wek bï kiɛɛu piŋ, ku lɔ röl ë kɔc dhiau në kal thoŋ cɔl Rɛ̈c ë Jeruthalem, ku piɛŋkï arɔ̈ɔ̈l ku gök de röl dïït cï määr ë kuriic wut biäk ë piɛc yïk.

Dhep 1:10 Iomraidhean Croise

2 Tham 5:7

(Ku Debid acï të ril de Dhiɔn bɛ̈n nööm, go bɛ̈n cäk an, “pänydït de Debid.”)

2 Tham 5:9

Ago Debid pänydïït ril peec, go Debid ceŋ thïn ku ciëk an, “pänydït de Debid.” Go pänydït yïk ë yekɔ̈u, gɔl të wään bïï ë tiɔp wäl ë päny kɔ̈u në baŋ lɔ të lɔ aköl amiäk de kuur.

2 Mel 22:14

Na wën, ke Ɣilikia bɛ̈ny de kake Nhialic ku Aɣikam, ku Akbor, ku Capan ku jɔ ya Athaya, gokï lɔ tëde Ɣulda tiiŋ tiët rɛ̈ɛ̈r ë Jeruthalem biäk ë rou. (Ku ee tiiŋ de Calum, wën de Tikba, ku ye wën ë wën Ɣarɣath, raan tɔ̈u lupɔɔ ke Luaŋdït në yeciin.) Gokï jɔ jam në yen në kë cï tuöl.

2 Lëk 3:1

Melik Debid, wun Tholomon, aacï të bïï Luaŋdït yïk thïn guiir thɛɛr. Yen atɔ̈u në Jeruthalem, në Kuur ë Moria nɔm, të ɣɔn cïï Bɛ̈nydït tuöl tëde Debid, piny wään cï raan ë Jebuth cɔl Arauna yiɛɛu yen käm looi thïn. Go melik Tholomon luɔi gɔl

2 Lëk 32:22

Yen ee kueerë yen aa kony ë Bɛ̈nydït melik Ɣedhekia kekë Jeruthalem në riɛl ë Thenakerip melik de Athiriya, ku tëde kɔc kɔ̈k de aterde. Ku jɔ kɔc rɛ̈ɛ̈r në mätic në kɔc thiääk ë keek.

2 Lëk 33:14

Na wën ee kake cök, go Manatha kal de pänydït de Debid të le aköl athɛ̈i ŋuak nɔm nhial ago bɛ̈ɛ̈r, ë tuŋ biäk nu ë wak thiääk ke nyin de Giɣon të lɔ rut biäk lɔ të lɔ kal Thoŋ de Rɛ̈c, në pänydït biäk cɔl Opɛl. Ku acï bɛ̈ny ë rem de tɔŋ tääu në rem de tɔŋ juëc nɔm, në pɛ̈ɛ̈nydït ke Juda cï gël yiic kedhie.

2 Lëk 34:22

Go Ɣilikia ku lɔ kɔc kɔ̈k jäl në kë cï melik lɛ̈k keek, lek tëde tiiŋ tiët cɔl Ɣulda, tiiŋ de Calum wën de Tikba, wën de Ɣarɣath, raan ee wïïn ke Luaŋdït muk, (ku ënɔɔnë arɛ̈ɛ̈r ë Jeruthalem wut baŋ de biäk ë Rou), ku jɔkï lɛ̈k kë cï rɔt looi,

Neɣe 12:39

ku ëtɛ̈ɛ̈n ke wo jɔ lɔ tëëk në Thoŋ de Eparaim, yen ee Thoŋ de Jecana, ku Thoŋ Thɛɛr, ku Thoŋ de Rɛ̈c ku Alooc bäär de Ɣananel ku Alooc bäär de Bɔt të lɔ Thoŋ de Amɛ̈l. Go cäthda jɔ thök të thiääk ke Thoŋ lɔ të lɔ Luaŋdït.

Neɣe 3:3

Ku yïk dhiën de Ɣathenath Thoŋ de Rɛ̈c, ku tɛ̈ɛ̈ukï awïkde ku athïïnke tëden ku rïurïu ke.

Yith 59:11

Wok cï riɔ̈ɔ̈c ku diɛɛrku arëët. Wok kɔɔr Nhialic bïï wo kony në yaaŋic ku awɛ̈ɛ̈cë, ku acïn kë loi rɔt.

Jeremia 39:2

Në kööl de dhoŋuan në pɛɛi ë ŋuan yic, në ruöön ye Dhedekia run thiëër ku tök ke ee melik, kɛ̈l ke pänydït aa cï keek thuur kɔ̈ɔ̈th.

Jeremia 4:31

Yɛn cï dhiëëu piŋ, cït dhiën de tiiŋ rɔ̈p, ee kiɛɛu cït kiɛɛu de nyan kaai. Ee kiɛɛu de pänydït de nyan de Dhiɔn, ee wëi gap nhial, ee yeciin riny ke lueel an, “Amawoou, yɛn cï thou! Abïk yɛn bɛ̈n nɔ̈k!”

Edhekiɛl 6:13

Gup ke kɔc cï thou abïï ke wɛɛr në yiëth yiic, ku në yïkken lɔ̈m, abïï ke wɛɛr në kur thöny nïïm ëbɛ̈n, ku në kur bär nïïm ëbɛ̈n, ku në tiim thäär ëbɛ̈n, ku në tiim ke ɣok thäär, ku atïïp ke tiim thäär ëbɛ̈n, të wën ye kek yiëthken miɔc në miɔ̈c nyop. Abïï ë raan ëbɛ̈n jɔ ŋic nɔn ee yɛn Bɛ̈nydït.

Amoth 8:3

Në ee köölë, diɛt ke luaŋ ë bääny, abïk röt puk aye dhiëëu. Gup ke kɔc cï thou, abïk dhɔt piny ëbɛ̈n. Ku abïï keek aa cuat wei ke kɔc ë ke mim thook.

Dhep 1:15

Abï aa kööl nyooth rac de tuöc agönh ë Bɛ̈nydït, kööl tuc thok de nuan kekë diɛɛr, ee kööl bï këriëëc ëbɛ̈n riɔ̈ɔ̈k ku riäär nyin ë kɔc, abï aa kööl de mɔ̈ɔ̈th dïït lɔ cɔ̈t, abï akööl col ku le niëpniëp ke luäät,

Dhep 1:7

Lak lik në Bɛ̈nydït Nhialic nɔm, në luɔi cï akööl thiɔ̈k, kööl bï Yen nyuc ke guiir löŋ. Bɛ̈nydït akïït kɔcke bïï ke gam ke ke ye miɔ̈c näk, ku acï kɔc ke ater cɔɔl bïk Juda bɛ̈n yakic.