Dhek 9:8 - JAM DE NHIALIC 2011

⁸ Yɛn bï pinydï gël apiɛth, ku acïn rem de tɔŋ bï ye bɛ reetic. Kɔckï acä keek bï bɛ tɔ yɔŋ ë raan ananden, abä keek gël në yɛn.

Dhek 9:8 Iomraidhean Croise

2 Tham 16:12

Tɛk däŋ bï Bɛ̈nydït piɔ̈u kok kekë yɛn, ku gëm ɛn këpiɛth në biäk cïï Cimei yɛn cieen!”

2 Mel 19:34

Yɛn bï ee pänydïïtë kony ku gɛ̈l, në biäk de dhuëëŋ, ku në biäk de thön cä gäm lïmdï Debid.”

2 Mel 23:29

Në akööl wään ye Jothia melik, go Neko melik de Rip rem de tɔŋ jɔt ke lɔ melik de Athiriya kony në wɛ̈ɛ̈r ë Yuparat. Ago melik Jothia ye them luɔi bï yen thɔ̈ɔ̈r ke rem de tɔŋ ë Rip në Megido, gokï Jothia nɔ̈k ë tɔŋic.

2 Mel 24:1

Në akööl ke Jeɣoyakim, go Nebukadnedhar melik de Babilonia Juda mak, go Jeɣoyakim tɔ ye raan ee ye luööi në run kadiäk, ku jɔ bɛ rɛɛc thok.

Diɛt 34:7

tunynhial ë Bɛ̈nydït ee kɔc ee Nhialic riëëu gɛɛu cil, ku kony keek në kë dhal keek.

Diɛt 72:4

Melik ë luel löŋ de kɔc kuanynyïïn në yic, tɔ kony kɔc kuanynyïïn, ku tɔ tiam kɔc ee keek yɔŋ.

Bɛ̈n 3:7

Go Bɛ̈nydït lueel an, “Yɛn ë ciɛɛŋ kuc ë kɔckï cieŋ tïŋ paan ë Rip, ku piɛŋ dhiënden aya. Dhiën dhiëëu kek luääk luɛ̈k ë ke bei në bäny yɔŋ keek cin. Ku Yɛn ë guöm gum kek tïŋ,

Bɛ̈n 3:9

Kiɛɛu de kɔckï acä piŋ në luɔi cï kɔc ke Rip ke miɛn.

Kɛ̈ŋ 3:25

Du riɔ̈c në riääk duëër rɔt tɛ̈ɛ̈m ëthiäu, riääk cït riääk ee kɔc ë karɛc looi yök cït man amaŋ.

Yith 26:1

Ade kööl bɔ̈, kööl bï kɔc dinë kiit piny ë Juda: Pänydïïtda aril! Nhialic guöpde Yen agël kɛ̈lke!

Yith 31:5

Bɛ̈nydït de rɛm abï göör ë Jeruthalem nɔm ke gël cït man ye dit göör ë mïthke kɔ̈ɔ̈th ke ke gël.”

Yith 4:5

Ku në kuur ë Dhiɔn nɔm, ku kɔc cï kenïïm määt ëtɛ̈ɛ̈n, Bɛ̈nydït abï ke tuöc luät aköl ku tol kekë biöl ë mac wakɔ̈u. Dhuëëŋ de Nhialic abï wut kuöm piny ëbɛ̈n ku gël.

Yith 52:1

Jeruthalem, jɔ bɛ riɛl ku bɛ ë dït nyɔk! Pänydïït ɣeric de Nhialic, kum rɔt në piath! Kɔc kën Nhialic gam acïkï bï bɛ tëëk në thook ke kɛ̈lku.

Yith 52:12

Në ye aköölkë wek cïï bï jäl ë ruäny ruäny, wek cïï bï kɔc kɔɔr bäk röt kual. Bɛ̈nydït Nhialicdun abï week wat ku gël week në biäk kedhie.

Yith 54:14

Piathëpiɔ̈u ku yic abïk yïn tɔ ril. Yïn bï kony në yaaŋ ku riɔ̈ɔ̈cdït.

Yith 60:18

Awuɔɔu ë tɔŋ acïï bï bɛ piŋ, riääk acïï bï bɛ bɛ̈n pinydun, wek bä gël ku kuɔny week cït päny, wek bï ya leec në biäk cän week kony.

Jeremia 31:12

Abïk bɛ̈n ku kitkï diɛt ke miɛtëpiɔ̈u ë kuur ë Dhiɔn nɔm, ku abïk piɔ̈ɔ̈th miɛt ë miɔ̈cdï, miɔ̈c ë rap, ku mɔ̈u ku miök de olip, miɔ̈c de thök ku ɣɔ̈k. Abïk ciët dom cï ŋiëc piɔɔk, abïk këdɛn kɔɔrkï ëbɛ̈n aa yök.

Jeremia 46:13

Wään bïï Nebukadnedhar melik ë Babilonia bɛ̈n bïï Rip bɛ̈n mak, Bɛ̈nydït acï jam ke tiët Jeremia, lueel an,

Jeremia 46:2

gɔl në Rip. Kën ë lueel kï në biäk de rem ë tɔŋ de Neko melik de Rip, wään bïï Nebukadnedhar melik ë Babilonia tiaam, në Karcemic tëthiääk ke wɛ̈ɛ̈r ë Yuparat, ë ruöön ë ŋuan ye Jeɣoyakim melik de Juda.

Edhekiɛl 39:29

Yɛn bï wëikï wäl në baai de Yithriɛl guöp, ku Yɛn cïï rɔt bï bɛ yal wei tëde keek. Acä lueel, Yɛn Bɛ̈nydït Awärjäŋ.”

Amoth 9:15

Abä ke wɛc thäär piny pinyden. Ku cïn raan bï ke bɛ nyuän thäär bei pinydɛn cä gäm keek. Ee kë cï ë Bɛ̈nydït Nhialicdun lueel.

Dhek 12:4

Ku ëtɛ̈ɛ̈n, yɛn bï jöŋgöörken riääc. Ku ta kɔc cath në kekɔ̈ɔ̈th miɔ̈l. Yɛn bï kɔc ke Juda tiit, ku ta jöŋgöör ke kɔc de ater në keek cɔɔr.

Dhek 12:8

Ku në ee köölë Bɛ̈nydït abï köt tääu ë Jeruthalem yɔu gël en kɔc ceŋ en, ayï kɔc kɔ̈c në keyiic, abïk riɛl cït man ɣɔn ril ë Debid. Abï käu de Debid ke wat cït man ë tunynhial ë Bɛ̈nydït, ku cït Nhialic guöpde.

Dhek 14:11

Kɔc abïk rɛ̈ɛ̈r ëtɛ̈ɛ̈n ë mät, acïn riɔ̈ɔ̈c bïï kek bɛ riɔ̈ɔ̈c ë riääk.

Dhek 9:7

Yɛn bï riɛm nyaai në yethok, ku nyaai riääkde në yelec, yen aya abï döŋ ke ee kɔc lik në biäk de Nhialicda, abï ciët dhiën ë Juda, ku Ekeron abï ciët kɔc ke Jebuth.

Luɔi 7:34

Ciɛɛŋ cï kɔckï kuöc cieŋ paan ë Rip acä tïŋ. Ku dhiën ee kek dhiau acä piŋ, ku ja bɛ̈n piny bä ke bɛ̈n luök. Ënɔɔnë bä, yïn bä tuɔɔc Rip.’

Nyuuth 20:9

Gokï lɔ ku thiäŋkï piny nɔm, ku jɔkï të tɔ̈uwë rem ë kɔc ɣerpiɔ̈ɔ̈th tuɔɔk ku tookkï pänydïït nhiaar: na wën, ke mac bɔ̈ piny paannhial, bï ku cuɛ̈ɛ̈l keek.