Dhek 9:11 - JAM DE NHIALIC 2011

¹¹ Aye Bɛ̈nydït lueel an, ‘Në biäk de mändï wo week, män cï thaany në riɛm, yɛn bï kɔcku luöny bei në pul cïn yic pïïu, pul de pɛ̈c.

Dhek 9:11 Iomraidhean Croise

2 Tham 13:13

Yɛn cïï ayär cït ee kënë bï lëu! Ku yïn bï ciët dhän cïn gup ayäär në Yithriɛl! Yïn läŋ jamë wekë melik, ku abï yïn tɔ thiak ɛn.”

2 Lëk 7:17

Na lɔ Ya lɔ luööi në piɔ̈n adöt cït man cï ë wuur Debid ye looi, ku riëëuwë lööŋkï, ku loi këriëëc cä lueel ëbɛ̈n,

Jop 33:30

ee wëi ke raan gël, ku gëm pïïr mit en piɔ̈u.

Diɛt 30:3

Yïn ee ya bɛ̈ɛ̈i bei në raŋic piny, Yïn ë ya luäk bei piny paan ë thuɔɔu.

Diɛt 40:2

Acï ya miëët bei pul ë riääkic, bïï yɛn bei në liɛɛt amïïtmïïtic ku tɔ ya kääc ë kuur nɔm, ku min ɛn cök piŋ.

Diɛt 69:33

Bɛ̈nydït ee kɔc nuan piŋ röt, ku acïï nɔm ee määr në kɔckɛn cï mac.

Bɛ̈n 24:8

Na wën, ke Mothe ë nöm riɛm nu në abïïny yiic, ku wïïth ë kɔc gup. Ku lueel an, “Kënë ee riɛm de löŋ cï Bɛ̈nydït mac ke week cït man ë lööŋke kedhie.”

Yith 24:22

Nhialic abï meliik määt nïïm ëtök ë pulic cï kɔc cï mac. Ku abïï ke guöör aloocic aɣet të le kööldɛn ë guiëër ë löŋ bɛ̈n.

Yith 42:22

Ku ënɔɔnë kɔcke acï ke peec ku rum keek, acï ke thiɔ̈ɔ̈k në pɔ̈l yiic, acï ke guöör ë ɣööt ke döm yiic. Acïï kuɛ̈l ku rum keek, ke cïn raan töŋ bï ke bɛ̈n luök.

Yith 42:7

Yïn bï kɔc cï cɔɔr liep nyïïn ku lony kɔc cï mac në ɣööt ke döm col yiic.

Yith 49:9

Abä lɛ̈k kɔc cï mac an, ‘Lakkï në nɔm lääu!’ ‘Ku lɛ̈k kɔc tɔ̈u në mɔ̈ɔ̈th yic an, ‘Bäkkï bei lakkï ë ɣɛɛr yic!’ Abïk ciët amɛ̈l ee nyuäth në kur kor nïïm,

Yith 51:14

Kɔc cï ke mac abïï keek lony, abïk pïïr ë run juëc abïk kacaamkɛn kɔɔrkï aa yök ëbɛ̈n.

Yith 58:12

Kɔcku abïk kë ɣɔn cï riɔ̈ɔ̈k nyɔk në yïk, nyɔkkï yïk në këërkëër thɛɛric. Wek bï ŋic ke we ye kɔc ee pɛ̈ɛ̈ny nyɔk në yïk, kɔc ee ɣööt cï riɔ̈ɔ̈k bɛ tɔ kääc.”

Yith 61:1

Bɛ̈nydït Awärjäŋ acï ya thiɔ̈ɔ̈ŋ në wëike. Acï ya lɔc ku tooc ɛn bä wëlpiɛth yiɛ̈n kɔc kuanynyïïn, Bä kɔc jieth piɔ̈ɔ̈th bɛ̈n duut piɔ̈ɔ̈th, ku bä luny de kɔc cï peec bɛ̈n caal, ku lony kɔc cï mac.

Jeremia 38:6

Agokï yɛn dɔm ku luɛɛikï yɛn piny në wïïn yithic, yinh de wën melik Malekia yic, yinh ë tɔ̈u ë kal ë bääny yic. Aa cïn pïïu ë yithic, aaye tiɔ̈k yetök, guɔ lɔ piny ë tiɔ̈kic.

Danyel 2:29

“Të wään niin yïn melik, yïn cï nyuöth në biäk de wadäŋ, ku Nhialic wën ee kacïmoony nyuɔɔth, ë yïn nyuöth ka bï tuöl wadäŋ.

Math 26:28

riɛmdï kï, riɛm de löŋ cï piac mac, riɛm cï lëu në baŋ de kɔc juëc, në nyiɛɛi bï karɛcken nyaai.

Mak 14:24

Go keek yɔ̈ɔ̈k an, “Riɛmdï kï, ee kënë, riɛm de löŋ cï piac mac, riɛm cï lëu në biäk de kɔc juëc.

Luk 16:24

Go cööt, lueel an, “Wääda Abraɣam, kok piɔ̈u we yɛn, ku jɔ Ladharo tooc, bï ciin nɔm bɛ̈n juɔɔl ë pïïu yiic, bï liemdï tɔ lir, yɛn ë leeŋ wëi ë manyë yic.

Luk 22:20

Ku të cï këcam thök, ke jɔ looi aya në bïny, ku lueel an, “Bïnyë ee löŋ cï piac mac në riɛmdï, riɛm bï kuëër në baŋdun week.

Luk 4:18

“Wëidït ke Bɛ̈nydït acïk nyuc ë yaguöp, En aa tɔc en a guöp, bä kɔc kuanynyïïn aa guiëër wëlpiɛth. Acï a tooc bä kɔc cï piɔ̈ɔ̈th jiɛth bɛ̈n duut piɔ̈ɔ̈th, Ku bä kɔc cï mac bɛ̈n guiëër luny bï ke lony, Ku guiëër cöör yïn bï kek bɛ yïn,

1 Kor 11:25

Ku yen ee nɔ̈m nööm en bïny aya, të cï kɔc thök ë cäm, ku lueel an, “Bïnyë ee löŋ cï piac mac ë riɛmdï yic: yak kënë looi, të de yen të dɛ̈k wek ë ye, në täŋ bä wek ɛn aa tak.”

Nyöŋ 5:31

Ku yïn Mothe, yïn bï rɛ̈ɛ̈r wekë yɛn eenë, ku yïn bä gäm lööŋkï kedhie kekë piööcdï. Wɛ̈ɛ̈t ë kɔc ë keek, agokï keek dhil aa riëëu në piny bä lɔ gäm keek.’

Ɣeberuu 10:2

Ku na ye ka gɛmë awɛ̈ɛ̈c ke kɔc nyaai, kɔc ee Nhialic lam në ye kueerë, adï cïn awänydɛn ye kek bɛ diɛɛr, ku ka ye nɔ̈k ëbɛ̈n në biäk de karɛc ke kɔc aduëërkï kɔ̈ɔ̈c.

Ɣeberuu 10:29

Në täŋdunic, duëër aa këtuc dïït cït ŋö, yen kuöm bï röŋ ke raan bï Wën ë Nhialic dhɔɔt guöp? Në reec reec yen En, ku kɛ̈c në yecök, ku ee riɛm de löŋ cï piɛc mac bï yen tɔ piɛthpiɔ̈u tɔ cïn naamde, ku ye Wëidït ɣer ke dhuëëŋdepiɔ̈u läät ë lɛ̈ɛ̈t rac.

Ɣeberuu 13:20

Thieithieei Nhialiny de mät cï Bɛ̈nydan Yecu jat nhial në kɔc cï thouwiic. Ku Yecu acï ya tïndïït ë thök, ku riɛmde yen aa looiyë löŋ cï mac athɛɛr në biäk ë thökke. Yɛn läŋ Nhialic bï week miɔɔc në kapiɛth kaarkï, bï këde piɔ̈nde looi apiɛth ëbɛ̈n, ago Yecu wo kuɔny bï këmit ë Nhialic piɔ̈u tɔ loi në woyiic. Ëdhuëëŋ ëye tɔ̈u kekë Yecu Kërtho aɣet athɛɛr ya Amiin.

Nyuuth 20:3

ku jɔ cuat ë adhum thuthic, ku guur thïn, ku boot adhum thuth thok, ke cïï juöör bï bɛ aa math, të ŋoot agum de run ë ke kën kɔn thök: ku të cï runke thök, ka bï dhil lony tëthiinakäŋ.