Dhek 9:10 - JAM DE NHIALIC 2011

¹⁰ Aye Bɛ̈nydït lueel an, “Yɛn bï abëël ke tɔŋ nyaai ë Yithriɛl, ku jat jöŋgöör ë Jeruthalem, ku riääk dhɛ̈ŋ ye kɔc muc. Melikdun abï mät looi ë juöör yiic, ciɛɛŋde abï gɔl në wɛ̈ɛ̈r alɔ gut ë wɛ̈ɛ̈r däŋë, ku gɔl ë wɛ̈ɛ̈r ë Yuparat kɔ̈u leer ë piny thar.

Dhek 9:10 Iomraidhean Croise

1 Mel 4:21

Melik Tholomon aa mac ciɛɛŋ ëbɛ̈n, gɔl në wɛ̈ɛ̈r ë Yuparat lee piny de Pilithiin, ku ɣeet aken de Rip. Ku kɔc mɛc ëtɛ̈ɛ̈n ëbɛ̈n aake ye athölböden yiɛ̈n Tholomon ku yek luööi në akööl ɣɔn pïïr en ëbɛ̈n.

Diɛt 72:17

Në rin ke melik ë ke cïï mär ë kɔc nïïm, tɔ lɛcde tɔ̈u në täu tɛ̈u ë akɔ̈l. Tɔ juöör ëbɛ̈n thiëëc Nhialic bïï keek thieei, cït man cïï yen melik thieei, ku tɔ ke köör yen miɛtëpiɔ̈u.

Diɛt 72:3

Tɔ piny yök kuɛth në biäk de kɔc, ku tɔ yök piathëpiɔ̈u.

Diɛt 85:8

Yɛn piŋ kë lueel ë Bɛ̈nydït Nhialic, acï wook lɛ̈k gutguut ë biäk de mät, wook kɔc ke naamde, na cukku be lɔ në kuɛɛrkuɔn raciic.

Diɛt 89:26

Abï ya lëk ɛn an, ‘Yïn ee Wäär, ku Ye Nhialinydï, Yïn ee gëlgëldï ku konydï.’

Yith 11:10

Ade kööl bɔ̈, kööl bïï ë melik däŋ bɛ dɔm në mei de Jethe ke yen ee kïn bï juöör aa nyuööth. Abïk kenïïm mat pänydɛn dït ë bääny ku gëmkï riëëu.

Yith 2:4

Abï ateer tɔ kääc në kɛm ke juöördït ke piny nɔm. Abïk abätɛ̈ɛ̈uken thɔ̈ɔ̈th ke ke ye pur, ku tɔɔŋken ke ke ye leem ke tëm. Juöör acïkï tɔŋ bï bɛ aa lɛɛr, ku nɔn bekï tɔŋ kiëët.

Yith 49:6

Go ë Bɛ̈nydït lɛ̈k ɛn an, “Yɛn de këdïït luɔɔi në biäkdu, yïn awundï. Acie biäk bïï yïn dhiëën ke Jakop tɔ dït, ku ta Yithriɛl cï döŋ apïïr puk nɔm yetök, ku yïn bä tɔ ye ɣɛɛr de juöör aya, ago kɔc ke piny nɔm kony wëi.”

Yith 60:12

Ku juöör cïï yï bï luööi abïï keek riɔ̈ɔ̈r taitai.

Ɣodh 1:7

Ku Yɛn bï kɔc ke Juda nhiaar, ku abä keek luök. Ku acä keek bï luök në dhaŋ, ku abätäu, ku tɔŋ, ku cä keek luäk në jöŋgöör ke tɔŋ. Abä keek luök Yɛn Bɛ̈nydït Nhialicden.

Ɣodh 2:18

Ku ëtɛ̈ɛ̈n, Yɛn bï mät looi wokë läi roor, ku diɛt, ku ka ee mol piny, në biäk cïï kek kɔckï bï bɛ luöi kërac. Ku këriëëc de tɔŋ ëbɛ̈n, abä ke nyaai pinyden: abätäu, ayï dhaŋ abïk liu, ke kɔckï ë ke bï tɔ̈c ë läŋ kedhie.

Ɣodh 2:20

Yïn bä lɔc në piɔ̈n adöt, ka yïn bï Bɛ̈nydït ŋic ke ee këdu.

Maika 4:8

Ku yïn guöp, yïn nyan de Dhiɔn, yïn cït tïn ë thök kääc ë alooc bäär nɔm, ke tiit kɔc ke Yithriɛl piny. Ku ciɛɛŋ ë nyan de Jeruthalem abï bɛ puɔ̈k nɔm yïn.

Maika 5:4

Ku të le yen bɛ̈n, yen ee bɛ̈nyë, abï ya tïn ë kɔcke në riɛl ë Bɛ̈nydït. Ku në dhuëëŋ de Bɛ̈nydït Nhialicde. Ku kɔcke abïk jɔ rëër ë dïu, në baŋ bï dïtde ŋic aɣët cï piny thar,

Maika 5:9

Ka kɔc ke Yithriɛl abïk kecin aa yaak nhial, në luɔi cï kek kɔc ke ater tiaam. Ku kɔckɛn ke ater abïk keek riɔ̈ɔ̈k ëbɛ̈n taitai.

Ɣagai 2:22

ku puɔ̈k thööny de ciɛɛŋ piny, ku riääk riɛl de ciɛɛŋ ë juöör ëbɛ̈n. Ku puɔ̈k abëël ke tɔŋ piny, ayï kɔc ee cath thïn. Ku jöŋgöör ke tɔŋ abïk thou, ku kɔc ee cath në kekɔ̈ɔ̈th abïk röt lɔ̈ɔ̈k nɔ̈k kapäc.

Luɔi 10:36

Jam cïï Nhialic tuöc kɔc ke Yithriɛl, ke guiir mät në Yecu Kërtho, yen aye Bɛ̈nydït nu ë kɔc nïïm kedhie.

2 Kor 5:18

Ku käŋ aake bɔ̈ tëde Nhialic kedhie, Raan ë wo tɔ mät në yen në Yecu Kërtho, ago luɔi de mät yiɛ̈n wook.

2 Kor 5:20

Ku ënɔɔnë wok ee tuuc ke Kërtho, acït man lɛ̈ŋ ë Nhialic kɔc në wothook: wek läŋku në biäk de Kërtho an, bɛkï määth në Nhialic.

Nyöŋ 11:24

Piny bä wek cath thïn ëbɛ̈n abï ya pinydun. Akɛɛthken abïk rɔt gɔl në jɔ̈ɔ̈ric të lɔ wöuwic leer kur ke Lebanɔn të lɔ rut, ku gɔl në wɛ̈ɛ̈r ë Yuparat të lɔ aköl amiäk leer në Wɛ̈ɛ̈r Ɣer të lɔ aköl athɛ̈i.

Nyuuth 11:15

Go tunynhial ë kek dhorou kaaŋde kooth, ku tul röl dït ke kɔc paannhial, luelkï, an, “Ciɛɛŋ de piny nɔm acï guɔ aa këde Bɛ̈nydïïtda, ku ye këde Kërthode: ku abï piny cieŋ aɣet athɛɛr ya.