Dhek 8:23 - JAM DE NHIALIC 2011

²³ Acï Bɛ̈nydït de rɛm lueel an: Në aköölkë yiic, alɛi kathiëër në juöör ke thook yiic ëbɛ̈n, abïk aa bɛ̈n tëde raan töŋ ë Judai, ku lëkkï yen an, ‘Tɔ wo lɔ të le yïn thïn në yïn ëtök. Acuk piŋ nɔn tɔ̈u ë Nhialic ke week.’

Dhek 8:23 Iomraidhean Croise

Cäk 31:41

Yɛn aa rɛ̈ɛ̈r baaidu në ee runkë yiic kathiërrou. Yïn cä luööi në run kathiëër ku ŋuan, në këde duetku kaarou. Ku luööi yïn në run kadhetem në këde thökku. Ku në ee kakë yiic kedhie, yïn ariöpdï puɔ̈ɔ̈k raan thiëër.

Cäk 31:7

Ku ŋoot wuurdun ke ee ya math, ku puuk ariöpdï raan thiëër. Ku akën ë Nhialic en bɛ̈n tɔ lui yɛn kërac.

2 Mel 2:6

Na wën, ke Elija yöök Elica, an, “Dɔ̈ŋë eenë, yïn läŋ, yɛn cïï Bɛ̈nydït tuɔɔc Jordan.” Go lueel an, “Yɛn cï kuëëŋ në rin ke Bɛ̈nydït pïïr, ku në pïïrdu, yïn cä bï pɔ̈l.” Agokï lɔ kaarou.

1 Lëk 12:18

Go Wëidït ke Nhialic bɛ̈n në raan töŋden guöp, go Amathai ɣɔn cï bɛ̈n aa bɛ̈ny de thiërdiäk lueel an, “Debid wën de Jethe, wok ee kɔcku! Yïn bï tiam wekë kɔc kony yïn! Nhialic atɔ̈u ë biäkdu.” Go Debid ke cɔɔl, ku tɔ keek ee bäny ke remdɛn de tɔŋ.

2 Lëk 15:9

Kɔc juëc acïk bɛ̈n mat ë melik Atha, bïk bɛ̈n rëër në ciɛɛŋde yic, në kɔc ke Eparaim yiic, ku Manatha, ku Thimion, në biäk cïï kek Bɛ̈nydït tïŋ ke tɔ̈u ke yen. Go Atha keek caal ë yelɔ̈ɔ̈m kedhie në kɔc ke Juda ku Benjamin.

Ethta 8:17

Në pɛ̈ɛ̈nydït ë wuötiic kedhie, wuöt cïï ke lööŋ ke melik piŋ thïn, aaye miɛtëpiɔ̈u tëde kɔc ke Judai, agokï lɔ̈ŋ ku loikï dhuëëŋ. Ku kɔc juëc ke ee paanë, acïk röt bɛ̈n aa cɔɔl an yek kɔc ke Judai, në riɔ̈ɔ̈c riɔ̈ɔ̈c kek në keek.

Jop 19:3

Wek ee ya läät në thaar nyin ëbɛ̈n, cäkï gup ee bɛ riɔ̈ɔ̈c në jäny cïnic yic?

Wɛ̈ɛ̈t 11:2

Ye këdu rɔm wekë kɔc kadhorou ayï kɔc kabɛ̈t në baŋ kuc yïn piäl ë guöp duëër rɔt looi ë piny nɔm.

Yith 3:6

Ade kööl bï bɛ̈n, akööl bï kɔc ke dhiën raan töŋden lɔc ku lëkkï yen an, “Ee yïn ade lupɔduön ceŋ, ku yïn jɔ guɔ aa bɛ̈nyda në akööl ke riääkkë yiic.”

Yith 4:1

Të le köölë bɛ̈n, diäär kadhorou abïk mony tök dɔm ku lëkkï yen an, “Wok duëër röt cääm ku yök wo kɔ̈ɔ̈th ɣɔ̈ɔ̈c wapäc, ku yïn limku buk aa lueel an yïn ee monyda, në luɔi cïï wok ayär kën ë wo thiaak bï guum.”

Yith 45:14

Aye Bɛ̈nydït lɛ̈k kɔc ke Yithriɛl an, “Kuɛth de Rip ku Ethiopia abï ya këdun, ku kɔc bär ke Theba abïk aa lïïmku, abïk yïn kuany cök në kuɛɛt. Abïk kenïïm guöt piny në yïnɔm ku gamkï awɛ̈ɛ̈cken ‘Nhialic atɔ̈u ke yïn, yen yetök yen ee Nhialic.

Yith 45:24

“Abïk aa lueel an ee kueerdï yetök, yen aye piathëpiɔ̈u ku riɛl yök, ku raan ëbɛ̈n raan ee yɛn maan abï ayäär guum.

Yith 55:5

Ënɔɔnë yïn bï juöör ke pinynɔm cɔɔl, aa e kööl ë kuc kek yïn, ku ënɔɔnë abïk aa bɛ̈n ke ke kɔt bïk röt bɛ̈n mät yïn! Yɛn Bɛ̈nydït Nhialicdun, Nhialic Ɣeric de Yithriɛl, yɛn bï ee kënë tɔ loi rɔt ëbɛ̈n, yïn bä gäm dhuëëŋ ku riëëu.”

Yith 60:14

Kuat de kɔc yɔŋ week abïk bɛ̈n ku tukkï kemiɔl piny nyooth kek riëëuden. Kɔc wään ee yïn biɔɔn guöp, abïk lam në yïcök piny. Abïk yïn cɔɔl an, ‘Pänydïït de Bɛ̈nydït.’ ‘Dhiɔn, pänydït de Nhialic Ɣeric de Yithriɛl.’

Yith 60:3

Juöör abï ke bɛ̈ɛ̈i në manydu nɔm, ayï meliik abïk bɛ̈n adurduur de köölduön ë piac ruu.

Yith 66:18

Yɛn ŋic täŋden ku ka yek looi. Yɛn bɔ̈ bä kɔc ke juöör ëbɛ̈n määt yiic. Të cïï kek kenïïm mat abïk jɔ tïŋ yen kë duëër riɛldï looi

Maika 5:5

ku abï mät bɛ̈ɛ̈i. Të le Athiriya wo yiɛ̈n tɔŋ, ku lek ɣään riilkuɔ reet yiic, abuk keek kuɛ̈ny bänykuɔn ril arëët kadhorou, lek gɔ̈m në keek.

Dhep 3:19

Kööl abɔ̈! Yɛn bï kɔc yɔŋ week luöi këtuc, Yɛn bï kɔc kɔ̈c kony ëbɛ̈n ku pɔ̈k kɔc cï peec nïïm wut. Yɛn bï ayärden puk ke ye dhuëëŋ, ku abïï pinynɔm ëbɛ̈n keek aa leec.

Kuɛ̈n 14:22

acïn raan tök në ee kɔckë yiic bï tɔ̈u abï ɣet piny cä than. Acïk riaudïït lɔ wic tïŋ, riau de dhuëëŋdï, ku tïŋkï göökdït ke gäi ɣɔn bä looi Rip, ayï jɔ̈ɔ̈ric ayadäŋ, ku ŋootkï ke ke ye ya them ë cieŋ, ku reeckï këdï gam.

Luk 8:44

Na wën, ke bɔ̈ ë yekɔ̈u ciëën, bï ku jɛk lupɔde thok: go riɛm a ŋëu ënɔnthiinë.

Luɔi 19:12

Aɣɔ̈l lupɔɔ ke abiɔ̈ɔ̈r ayï lupɔɔ ee cieŋ, acï ke bɛ̈ɛ̈i bei ë yeguöp, leerëke tëde kɔc tök gup, go juäi jäl ë kegup, ku bɔ̈ jɔɔk rac bei ë kegup ayadäŋ.

1 Kor 14:25

Ago ka cï thiaan ë yepiɔ̈u jɔ tïc, ago rɔt cuat piny ë yenɔm, ku lɛm Nhialic, ku jɔ lueel an, “Nhialic anu ë weyiic ëdhöc!”

Jocua 8:35

Jocua ë lööŋ ke Mothe bɛ̈n kuɛ̈n kɔc ke amatnɔm cï kenïïm mat kedhie, diäär, ayï mïth ayï kɔc lei rɛ̈ɛ̈r në keek.