Dhek 8:13 - JAM DE NHIALIC 2011

¹³ Cït man cä wek kɔn aa kɔc ke aciɛɛn në juööriic baai de Juda wekë baai de Yithriɛl, wek bä bɛ kony ku ta we ye athiɛɛi. Riɛtkï wepiɔ̈ɔ̈th, duökï riɔ̈c.

Dhek 8:13 Iomraidhean Croise

Cäk 26:4

Yïn bä gäm mïth juëc, mïth cït kuɛl nhial, ku gäm keek ee pinyë. Ku juöör ke piny nɔm kedhie, abïk aa lɛ̈k Ɛn an thiɛɛi keek cït man cän mïthku thieei.

Diɛt 44:16

kɔ̈k ayek wo geet gup ku lɛ̈ɛ̈tkï wo, të tïŋ kek kɔc ke aterda ke ke guur röt në wook.

Diɛt 72:17

Në rin ke melik ë ke cïï mär ë kɔc nïïm, tɔ lɛcde tɔ̈u në täu tɛ̈u ë akɔ̈l. Tɔ juöör ëbɛ̈n thiëëc Nhialic bïï keek thieei, cït man cïï yen melik thieei, ku tɔ ke köör yen miɛtëpiɔ̈u.

Diɛt 79:4

Juöör thiääk në wook ayek wook läät, abiɔnkï wook ku yek wook dɔl gup.

Yith 43:28

ku jɔ bänykun tëdiën ɣeric tɔ rac, yen ayiɛ̈n Ɛn riääk Yithriɛl, Yɛn cï kɔckï tɔ lɛ̈ɛ̈të.”

Jeremia 24:9

Yɛn bï riääk dït bɛ̈ɛ̈i në kegup, ka juöör ke pinynɔm kedhie abïk riɔ̈ɔ̈c. Abïï kɔc ke biɔɔn gup, ku dɔl kɔc ke gup, ku bui keek gup, ku rinken abïï keek tɔ ee këde aciɛɛn në piny nɔm ëbɛ̈n, piny bän keek thiäi thïn.

Jeremia 25:18

Go Jeruthalem ku pɛ̈ɛ̈nydït ke Juda kedhie, ëtök në meliiken ku bänyken, gokï dek ë yeyic, agokï aa jɔ̈ɔ̈r, të rɛɛc ee kɔc tɔ gäi ë tïŋ, ku bï kɔc rin ke tɔ ee kë de aciɛɛn cït man ye kek ŋoot ke loikï.

Jeremia 26:6

Na lak ŋoot ke we cïn riëëu, ke Yɛn bï ee Luaŋdïïtë luöi kë cä luöi Cilo, ku juöör ke piny nɔm ëbɛ̈n abï rin ke ee pänydïïtë tɔ ee ye aciɛɛn looi.”

Jeremia 29:18

Abä keek cop cök ë tɔŋ, ku cɔk, ku jɔɔk, ku juöör ke piny nɔm kedhie abïk riɔ̈ɔ̈c në kë yek tïŋ. Të cän keek thiäi thïn ëbɛ̈n, kɔc abïk aa gäi ku riɔ̈ckï në kë cï tuöl tëde keek. Abïï kɔc ke biɔɔn gup ku tɔ rinken ee këde aciɛɛn.

Jeremia 33:24

“Cï piŋ luöi ye kɔc ye lueel an, cä Yithriɛl kekë Juda rɛɛc, kek ɣööt kaarou cä ke lɔc? Ku ayek kɔckï woi gup në abiaan, ku acïkï keek ee bɛ woi ke ke ye jur.

Jeremia 42:18

“Acïï Bɛ̈nydït de rɛm, Nhialic de Yithriɛl lueel an, ‘Cït man cï agönhdiën tuc wäl ë kɔc ke Jeruthalem gup, yen abï agönhdiën tuc wäl ë wegup aya të la wek lɔ lɔ Rip. We bï aa kɔc ye kɔc riɔ̈ɔ̈c të tïŋ ë we, kɔc abïk we aa luööi në abiaan, ku ye rinkun tɔ aa ciɛɛn. Wek cïï ee tënë bï bɛ tïŋ taitai.’ ”

Jeremia 44:12

Ku në biäk de kɔc ke Juda cï döŋ, ku acïk dhel nɔn bï kek lɔ ceŋ ë Rip, abä dhil kiëët nɔn bïï ë keek riɔ̈ɔ̈k kedhie. Abïk thou kedhie ë Rip, röördït, ku kɔc kor, abïk thou ë tɔŋ, ku nɔn ee cɔk. Kɔc abïk aa riɔ̈ɔ̈c në tïŋden, abï kɔc keek aa luööi në abiaan, ku tɔ rinken ee këde aciɛɛn.

Jeremia 44:22

Yen ee köölë pinydun adhɔt ke cï riɔ̈ɔ̈k, ku acïn raan ceŋ en. Acï aa tëde riɔ̈ɔ̈c, ku ye kɔc lueel ke ya aciɛɛn, në luɔi cïï Bɛ̈nydït luɔiduön rac bï bɛ guum.

Dhiëëu 4:15

Ayek kɔc ke yöök, an, “Lak tɛ̈n, yïn cï dhiöök! Du ya jak! Ku jɔkï cath ë paarpaar, acï ke lɛɛr ë juöör yiic, ke cïn raan loor keek.

Edhekiɛl 34:26

“Abä ke thieei ku ta ke rɛ̈ɛ̈r në kuurdiën ɣeric lɔ̈ɔ̈m. Abä ke jɔ thieei në nyieer ke deŋ ëtɛ̈ɛ̈n të kɔɔr kek en.

Edhekiɛl 37:11

Go Nhialic lɛ̈k yɛn an, “Mɛnh ë raan, baai de Yithriɛl acït ee yomkë. Ayek lueel an cïk ril wei, ke ke cïn aŋäth ku cïnkï nïïm wadäŋ.

Edhekiɛl 5:15

“Të cän gɔ̈th ku cä piɔ̈u diu arëët wo week, juöör thiääk ë week ëbɛ̈n ayek riɔ̈ɔ̈c. Abïk week aa woi në dhääl, ku dɔlkï wegup.

Danyel 9:11

Kɔc ke Yithriɛl kedhie acïk lööŋku dhoŋ kɔ̈u, ku reeckï këduön cï lueel piŋ. Wok cï wäc ë yïnɔm, ago wok yiɛ̈n acien ke gutguut wään cï gɔ̈ɔ̈r ë lööŋ ke lïmdu Mothe yic.

Maika 5:7

Ku kɔc lik ke Yithriɛl cï döŋ apïr, abïk aa thiɛɛi tëde kɔc juëc rëër kek në keyiic ka bïk ciët thäny ë bɔ̈ tëde Bɛ̈nydït, ku cïtkï deŋ tëde wal. Abïk röt aa kan në Bɛ̈nydït ke cie raan yen kɛn kek röt.

Dhep 3:16

Ade kööl bɔ̈ kööl bï kek ye lɛ̈k Jeruthalem an, “Pänydït de Dhiɔn du riɔ̈c! Du yïciin be tɔ kɔ̈c!

Dhep 3:20

Kööl abɔ̈! Yɛn bï kɔckuön cï thiäi piny bɛ̈ɛ̈i wut, wek bä tɔ ŋic ë pinynɔm ëbɛ̈n, ku bɛ nyɔk në luɔi ta Yɛn we kueth. Ee Bɛ̈nydït Yen aa jam.

Ɣagai 2:19

Ŋoot kɔ̈th ë ɣööt yiic? Ŋoot tiim ke ke kën luɔk? Tiim ke enap, ku tiim ke ŋaap, ku tiim ke pomegraneet, ku tiim ke olip. Wek bä thieei gɔl ee köölë le tueŋ.

Ɣagai 2:5

cït man cän week lɛ̈k gutguut ɣɔn bä wek bei Rip an, “Yɛn bï tɔ̈u wo week anandï, Yɛn ŋoot ke Ya tɔ̈u we week, ka duökï riɔ̈c.

Dhek 1:19

Guɔ tunynhial wën jam ke yɛn luɔp an, “Eeŋö ee kakë?

Dhek 14:11

Kɔc abïk rɛ̈ɛ̈r ëtɛ̈ɛ̈n ë mät, acïn riɔ̈ɔ̈c bïï kek bɛ riɔ̈ɔ̈c ë riääk.

Dhek 8:15

Yen acän ye kiëët ënɔɔnë luɔi bän kɔc ke Jeruthalem thieei, ayï kɔc ke Juda. Ka week duökï riɔ̈c.

Dhek 8:9

Kë cï Bɛ̈nydït de rɛm lueel kï an, “Riɛtkï wepiɔ̈ɔ̈th, wek kɔc piŋ ee jamë në tït thook ee aköölkë, gɔl në kööl ɣɔn tɛ̈ɛ̈uwë ë këërkëër de Luaŋdït de Bɛ̈nydït de rɛm piny, në luɔi bïï ë Luaŋdït yïk.

Dhek 9:13

Yɛn bï Juda tɔ cït dhaŋ de rem de tɔŋ ku ta Yithriɛl tɔ cït wiɛth ke dhaŋ. Yɛn bï kɔc ke Dhiɔn tɔ cït abätɛ̈ɛ̈u, piät ɛn wokë kɔc ke Girikii.

1 Kor 16:13

Yak röt tiit, kääckï apiɛth ë gämic, yak luui ë luɔi ë röör, yak riɛl.

Galatai 3:14

Ë luɔi bï athiɛɛi de Abraɣam bɛ̈n ë Juöör gup në Yecu Kërtho, ku luɔi bï wo käŋ yök ka cï kɔn lueel an, bï ke gäm wook, kek aye Wëidït, në gäm gɛ̈m wok.

Nyöŋ 26:19

Abï week tɔ dït awär juöör cï cak ëbɛ̈n, ku wek bï lɛc ku riëëu yiɛ̈n rinke. Wek bï aa kɔc ɣeriic ke Bɛ̈nydït Nhialicdun cït man cï Yen e lueel.

Nyöŋ 28:37

Në ee wuöt bïï Bɛ̈nydït week lɔ thiäi piny thïn, kɔc abïk aa gäi në kë cï rɔt luöi week, we bïï ë kääŋ aa yup, abïk we dɔl gup ku buikï we gup.