Dhek 8:12 - JAM DE NHIALIC 2011

¹² Abïk aa com të cïn riɔ̈ɔ̈c. Ku tiimkɛn ke enap abïk aa luɔk apiɛth, ku piny abï ya luɔk në këriëëc ëbɛ̈n, ku deŋ abï dït arëët. Yɛn bï kɔckiën lik cï döŋ gäm ee kakë kedhie.

Dhek 8:12 Iomraidhean Croise

Cäk 26:12

Ago Yithaak com ëtɛ̈ɛ̈n në ee pinyë, go Bɛ̈nydït en thieei, go rɛɛpke luɔk arëët. Go ke määtiic na bɔt.

Cäk 27:28

Nhialic abï yï gäm thäny de tënhial, ku gëm yïn kuɛth ë piny nɔm, ku gëm yïn rap juëc ku mɔ̈u.

1 Mel 17:1

Go tiët cɔl Elija raan ë Ticibe në Giliyad lɛ̈k melik Aɣap an, “Alɛ̈k yïn në rin ke Bɛ̈nydït, Nhialic pïïr de Yithriɛl ya luööi, an abï ciën deŋ ku cïn thäc në ee runke yiic agut të bän e lueel.”

Diɛt 72:3

Tɔ piny yök kuɛth në biäk de kɔc, ku tɔ yök piathëpiɔ̈u.

Diɛt 85:12

Bɛ̈nydït abï wook tɔ kueth, ku pinyda abï dɛ rɛɛp juëc.

Kɛ̈ŋ 19:12

Ŋeeny ë bɛ̈ny acït ŋäär ë köör, ku cït miɛt de piɔ̈nde thɛ̈c kekë wal tɔ̈c.

Yith 30:23

Të la wek kɔ̈thkun com, Bɛ̈nydït abï deŋ tuööc bï ke tɔ goŋ ku tɔ kakun lok abäk kajuëc tem, ku ɣɔ̈kkun abïk dɛ wal juëc nyuäthkï.

Yith 61:7

Ku ayärdun ku riɔ̈ɔ̈cduön ë guöp acïk thök. We bï rëër pinydun, ku kuɛthdun abï ŋuak nyin, miɛtëpiɔ̈ndun abï tɔ̈u aɣet athɛɛr.

Jeremia 31:12

Abïk bɛ̈n ku kitkï diɛt ke miɛtëpiɔ̈u ë kuur ë Dhiɔn nɔm, ku abïk piɔ̈ɔ̈th miɛt ë miɔ̈cdï, miɔ̈c ë rap, ku mɔ̈u ku miök de olip, miɔ̈c de thök ku ɣɔ̈k. Abïk ciët dom cï ŋiëc piɔɔk, abïk këdɛn kɔɔrkï ëbɛ̈n aa yök.

Edhekiɛl 34:28

Acïï juöör kuc Nhialic keek bï bɛ yak, ku acïï läi roor keek bï bɛ nɔ̈k ku cuet keek. Abïk jɔ rëër të cïn riɔ̈ɔ̈c, ku acïn raan bï ke bɛ riääc.

Edhekiɛl 36:12

Wek bä ke bɛ̈ɛ̈i kɔckiën ke Yithriɛl, dɔ̈k wenïïm bäk bɛ bɛ̈n rëër në piny yic. Abï aa pinydun, ku acïï mïthkun bï bɛ tɔ nɛ̈k cɔk.

Edhekiɛl 36:30

Yɛn bï mïth ke tiim ee luɔk ŋuak nyïïn ku duumkun, ke cïï bï bɛ dɛk cɔŋ bï week yɔ̈ɔ̈r në juöör yiic.

Edhekiɛl 36:9

Yɛn tɔ̈u në biäkdun, ku abä dhil tïŋ ë gɔk nɔn bïï pinydun bɛ puur ka kɔ̈th abïï ke com ëtɛ̈ɛ̈n.

Ɣodh 13:3

Në biäk de ee kënë, abïk riäär ëthiäu cït man ë ruu amiäk. Ku dapkï tɛŋ cït thäny amiäk. Ku cïtkï ayiɛl të wiiuwë rap në yiɛɛuwic. Ku cïtkï tol kuël rɔt bei në awëërnyin.

Ɣodh 14:5

Yɛn bï ciët thäc tëde kɔc ke Yithriɛl. Abïk gaak moc cït man agurbiök, Abïï keek riɛɛt piny ka meiken abïk ɣet piny ya cït man ë mei ke tim de thidar de Lebanɔn.

Jowɛl 2:19

Ku abï puk nɔm an, “Wek gäm keek rap, ku mɔ̈n cï piac dhiim, ku miök bï week lëu arëët. Ku wek cä bï bɛ tɔ dɔl ë juöör gup anandun.

Jowɛl 2:22

Duökï riɔ̈c läi roor. Ɣään ke nyuäth nu ë jɔ̈ɔ̈ric acïk bɛ tɔ̈c, tiim acïk bɛ luɔk në mïth, yï enap ayï ŋaap acïk bɛ luɔk arëët aya.

Lebai 26:3

Na lak wëëtdï kuany cök ku yak lööŋkï riëëu apiɛth

Dhep 3:13

Kɔc lik ke Yithriɛl cï döŋ apïr acïkï kɔc bï bɛ aa kɔ̈ɔ̈r akɔ̈ɔ̈k, ku cïkï bï bɛ aa jam në lueth, ku acïn ruëëny bï bɛ tɔ̈u në keyiic. Abïk aa kuɛth ku rëërkï ë mätic. Ku acïn raan bï kek bɛ riɔ̈ɔ̈c.

Ɣagai 1:10

Yen kë cïï deŋ ee tuɛny ka, ku cïn kë be luɔk.

Ɣagai 2:18

Ku ee köölë, ee kööl ye pɛ̈i de dhoŋuan thok thiërrou ku ŋuan, kööl ë thök ë këërkëër de Luaŋdït në kiir piny. Ënɔɔnë, jakï tïŋ kë bï rɔt looi, gɔl ënɔɔnë le tueŋ.

Ɣagai 2:19

Ŋoot kɔ̈th ë ɣööt yiic? Ŋoot tiim ke ke kën luɔk? Tiim ke enap, ku tiim ke ŋaap, ku tiim ke pomegraneet, ku tiim ke olip. Wek bä thieei gɔl ee köölë le tueŋ.

Dhek 8:6

Kë cï Bɛ̈nydït de rɛm lueel kï an, “Kënë abï kɔc lik cï döŋ ye tïŋ cït kë cï rɔt bï lëu ënɔɔnë. Ku abï rɔt lëu tëde yɛn.

Malakai 3:11

Ku Yɛn cïï käm bï tɔ riäk rɛɛpkun. Ku tiimkuön yak com domic abïk duɔɔny në mïth. Yen kë cïï Bɛ̈nydït de rɛm lueel ka.

Math 6:33

Kankï ciɛɛŋ de Nhialic aa kɔɔr, kekë piath ë yenpiɔ̈u, ku kakë kedhie abï ke ya juak nyïïn tëde week.

1 Kor 3:21

Yen cïn en raan ee rɔt leec ë kɔc. Käŋ kedhie ayek kakun.

Nyöŋ 32:2

Wëëtdï abï löny piny cït pïïu ke deŋ, ku wëlkï abïk lööny piny cït thäc, ku nyieer nu ë wal kor kɔ̈ɔ̈th.

Nyöŋ 33:13

Ku lueel jamë në biäk de dhiën de Jothep an: “Tɔ Bɛ̈nydït thiei pinyden në deŋ. Ku pïïu ee tuöl piny.

Nyöŋ 33:28

Ago mïth ke Yithriɛl jɔ rëër në mätic, aa awaŋ de Jakop yetök, aake rɛ̈ɛ̈r apiɛth piny thiäŋ ke rap ku mɔ̈u, të ye thäny ee bɛ̈n nhial piny piɔɔk në pïïu.

Jakop 3:18

Ku kɔ̈th ke piathëpiɔ̈u aye ke com në mät në këde kɔc ee kɔc määt.